SunnudagsMogginn - 21.08.2011, Blaðsíða 40
40 21. ágúst 2011
Lífsstíll
É
g verð alltaf dálítið spennt þegar líður að Menn-
ingarnótt. Ætli mitt innra nörd vakni þá ekki að
einhverju leyti úr dvala. (Sumir vilja sjálfsagt
meina að það sofi aldrei). Þjóðfræðingurinn
innra með mér verður spenntur og hlakkar sérstaklega til
að geta farið í gönguferð um miðbæinn þar sem sagt er frá
daglegu lífi borgarinnar og íbúum
hennar. Slíkar göngur af ýmsu tagi hafa
verið farnar á Menningarnótt síðast-
liðin ár og í ár verður ekki breyting þar
á. Ég er til að mynda strax orðin for-
vitin að fræðast um bakara, skraddara
og aðra sem borgina byggðu.
Dagskráin í ár er fjölbreytt að vanda
og eiginlega þarf maður að taka eitt
gott kvöld í að liggja yfir dagskránni og
velja það sem manni langar helst að sjá.
Síðastliðin ár hef ég farið í góðum hópi
kvenna í miðbæinn þennan dag. Nú er
svo komið að okkur finnst við nærri því þurfa að gefa
hópnum nafn og halda dagskrárfund. Svo ómissandi við-
burður er Menningarnótt orðin og slær yfirleitt botninn í
gott sumar. Það er mjög þægilegt að geta sett upp sína
eigin dagskrá og prentað út. Þannig setjum við hver og
ein saman það sem hverja okkar langar að sjá. Oft langar
okkur að sjá það sama og því er ekki svo erfitt að setja
dagskrána saman þannig að allir sjái það þeir eru spennt-
astir fyrir. Málamiðlanir nást svo um annað og yfirleitt
kemur það manni líka skemmtilega á óvart þegar maður
er „dreginn“ með á eitthvað sem manni hefði aldrei dott-
ið í hug að sjá sjálfum.
Það er viss list að fara í miðbæinn þegar þar er sam-
ankomið mikið af fólki. Þolinmæði og kurteisi er mik-
ilvægt að hafa sem einkunnarorð dags-
ins. Enda gengur þetta allt saman mun
betur ef við troðumst ekki og ryðjumst
fram fyrir hvert annað. Ég man eftir
Menningarnótt fyrir einum tíu árum
síðan. Þá var ég nýkomin heim eftir
mánaðardvöl í Englandi og fannst ég
nú heldur betur veraldarvön heims-
dama. Í það minnsta fannst mér Bretar
mun kurteisari en Íslendingar sem ein-
hvern veginn tókst að troðast og troða
hver öðrum um tær hvert sem þeir
fóru þetta kvöld. Það endaði með því
að ég tók strikið heim alveg rjúkandi ill og ætlaði aldrei
aftur í slíka mannþröng á Íslandi. Þetta rjátlaðist nú af
mér smám saman og nú legg ég mig fram um að vera
kurteis sjálf. Legg þannig mitt af mörkum og reyni bara að
leiða það hjá mér ef einhver er með æsing. Ég hlakka til að
eiga góða Menningarnótt með ykkur, kæru samlandar, og
njóta fjölbreyttra viðburða. Sjáumst í bænum, hress og
kát!
Menning
í borg
Menningarnótt er haldin í dag,
laugardag, þá verður margt um
að vera í miðborg Reykjavíkur.
María Ólafsdóttir maria@mbl.is
Ætla mætti að þessi mynd væri frá áramótum en þetta er í raun glæsileg flugeldasýning á Menningarnótt.
Morgunblaðið/Árni Sæberg
’
Það er mjög
þægilegt að geta
sett upp sína
eigin dagskrá og
prentað út. Þannig
setjum við hver og ein
saman það sem hverja
okkar langar að sjá.
Það er skemmtilegt að gera dálítið úr Menningarnótt-
inni með vinum eða fjölskyldum. Byrjið daginn á að
bjóða fólki heim í brunch og fyllið vel á tankinn áður en
haldið er af stað til að njóta skemmtiatriða um bæinn
þveran og endilangan. Yfir daginn fæst víða létt hress-
ing sem má grípa með sér en það getur líka verið snið-
ugt að skreppa bara heim í kaffi. Vera búinn að baka
eitthvað gott og jafnvel gera brauðtertu. Borða og hvíla
sig svolítið til að safna kröftum fyrir kvöldið. Því þá er jú
enn nóg um að vera og jafnvel má reyna að sæta lagi
og ná sér í borð einhvers staðar í kvöldmat.
Fyllt vel á tankinn
Morgunblaðið/Arnaldur
Ef fólk mögulega getur er
ráð að skilja bílinn eftir
heima á Menningarnótt
og ganga í bæinn. Eða
þá að taka strætó eða
leigubíl. Fyrir þá sem vilja
ferðast á nýjan og nokk-
uð spennandi máta verð-
ur líka hægt að sigla á
milli Sundahafnar og
Hörpu á Menningarnótt.
Þá er hægt að skilja bíl-
inn eftir á bílastæðum
við Sundahöfn og skella
sér siglandi í bæinn.
Þetta gæti orðið nokkurt ævintýri, sérstaklega fyrir
yngstu kynslóðina. Á vefsíðu hátíðarinnar má sjá allar
upplýsingar um hvenær siglt er en líka að sjá hvaða
götur verða opnar fyrir umferð og annað slíkt sem við-
kemur umferðinni. Sniðugt er að skoða þetta áður en
lagt er í hann til að vera með allt á hreinu.
Siglt í miðbæinn
Gott er að rölta í bæinn á
Menningarnótt.
Morgunblaðið/Ómar
Gakktu í bæinn er yfirskrift Menning-
arnætur að þessu sinni. Enda gestum
boðið að líta inn jafnt á söfnum sem og
í heimahúsum og njóta viðburða. Verð-
ur sums staðar jafnvel hægt að þiggja
veitingar þar sem íbúar húsa bjóða
gestum og gangandi í vöfflukaffi af
bestu sort. Er hér vísað til þess ágæta,
íslenska siðar að bjóða þeim gestum
sem bar að garði í bæinn og gera vel
við þá í mat og drykk. Þá báru hús-
mæðurnar stoltar á borð girnilegt bakk-
elsi af ýmsum toga og helst eins marg-
ar sortir og hægt var.
Góður félagsskapur gulli betri
Það er alltaf skemmtilegt að fá til sín
góða gesti og um að gera að flækja
málin ekki of mikið. Oftast skiptir fé-
lagsskapurinn meira máli heldur en
það sem borið er á borð. Stundum
langar okkur vissulega að bjóða vinum
í fínan mat og dúllumst í eldhúsinu all-
an daginn. Þess á milli er góður te- eða
kaffibolli í raun allt sem þarf og smá
súkkulaðibiti eða kex með. Það er gott
að rækta vináttuna á þennan hátt með
spjalli yfir rjúkandi bolla. Í dag gefst
skemmtilegt tækifæri til að hitta vini
og fjölskyldumeðlimi og gera sér glað-
an dag í þeim ólgandi menningar-
straumi sem flæða mun um miðbæ-
inn. Þá er alveg hægt að stoppa bara
og fá sér pylsu eða kaffi í pappamáli
og njóta þess að rölta um, skoða
mannlífið og anda að sér stemning-
unni.
Gestum boðið
að ganga í bæ
Það er notalegt að spjalla saman yfir góðum kaffibolla og smá súkkulaðibita.
Morgunblaðið/Eggert