SunnudagsMogginn - 21.08.2011, Blaðsíða 44

44 21. ágúst 2011
S.J. Watson - Before I Go To Sleep bbbbn
Þegar Chrissie vaknar man hún ekkert sem gerðist í
gær, hún man reyndar ekkert sem gerðist frá því
hún lenti í alvarlegu bílslysi, eða svo segir mað-
urinn við hlið henni í rúminu, Ben, og einnig að
hann sé eiginmaður hennar. Hann lætur hana fá
lista yfir það sem hún þarf að muna áður en hann
fer í vinnuna. Þegar hann er farinn hringir maður í
hana, segist vera læknir hennar og hvar hún hafi
falið minnisbók sem hún skrifi í á hverju kvöldi áð-
ur en hún fer að sofa. Chrissie finnur minnisbókina og hnykkir við
því fremst í henni stendur: „Ekki treysta Ben.“ Mögnuð byrjun á
þrælsnúinni og óhugnanlegri sakamálasögu, ekki óhugnarlegri þó
fyrir blóð og aðra líkamsvessa, heldur fyrir það hvernig smám sam-
an raknar úr djöfullegri fléttu. Höfundur bókarinnar er víst fyrrver-
andi sjúkraliði og hefur starfað með fólki sem glímir við minnisleysi
áþekkt því sem hrjáir Chrissie. Before I Go To Sleep er framúrskar-
andi frumraun og kemur ekki á óvart að menn hafi keppt um að fá
að kvikmynda hana.
Alafair Burke - Long Gone bbbnn
Ung stúlka sem hefur þvælst stefnulaust milli starfa
dettur niður á fullkomið starf; hún tekur að sér að
stýra litlu galleríi í kjötvinnsluhverfinu á Manhatt-
an í New York. Sitthvað varðandi starfið er óljóst,
en kemur ekki að sök, sá sem réð hana til vinnu er
vissulega háll sem áll, en starfið er fullkomið, svo
fullkomið að það er nánast of gott til að vera satt.
Svo kemur náttúrlega í ljós að það sem er of gott til
að vera satt er ekki satt. Starfsemin hefst með lát-
um, fyrsta sýningin vekur umtal og deilur, sem vekur eðlilega áhuga
á galleríinu. Málið er bara það að þegar stúlkan mætir í vinnuna dag-
inn eftir hina umdeildu opnun er engin vinna, galleríið er tómt, allt
innbú horfið úr því. Ekki er það þó galtómt, því á gólfi eins herberg-
isins er lík mannsins sem réð hana til vinnu og ekki líður á löngu að
lögreglan hefur stúlkuna ólánssömu í sigtinu. Fléttan í bókinni er
verulega snúin, fullsnúin og fulldramatísk, ekki síst þegar böndin
berast að fjölskyldu stúlkunnar og skelfilegu leyndarmáli sem for-
eldrar hennar varðveita, en það flækir málið að týnd unglingsstúlka
virðist blandast inn í málið á óútskýrðan hátt. Sagan er vel skrifuð
og framvindan hröð, enda er Alafair Burke með helstu spennu-
sagnahöfundum vestan hafs nú um stundir.
Árni Matthíasson arnim@mbl.is
Erlendar bækur
31. júlí - 13. ágúst
1. Frelsarinn -
Jo Nesbø /
Uppheimar
2. Einn dagur -
David Nic-
holls /
Bjartur
3. 10 árum
yngri á 10 vikum - Þorbjörg
Hafsteinsdóttir / Salka
4. Íslenskur fuglavísir - Jóhann
Óli Hilmarsson / Mál og
menning
5. Bollakökur Rikku - Friðrika
Hjördís Geirsdóttir / Vaka-
Helgafell
6. Lost in Iceland - Sigurgeir Sig-
urjónsson / Forlagið
7. Grillað - Völundur Snær Völ-
undarson / Salka
8. Ég man þig - Yrsa Sigurð-
ardóttir / Veröld
9. Hefndargyðjan - Sara Blædel
/ Undirheimar
10. Andrés Önd syrpa - Walt Disn-
ey / Edda
Frá áramótum
1. Ég man þig -
Yrsa Sigurð-
ardóttir /
Veröld
2. 10 árum
yngri á 10
vikum - Þor-
björg Haf-
steinsdóttir / Salka
3. Djöflastjarnan - Jo Nesbø /
Undirheimar
4. Bollakökur Rikku - Friðrika
Hjördís Geirsdóttir / Vaka-
Helgafell
5. Betri næring - betra líf - Kol-
brún Björnsdóttir / Veröld
6. Léttir réttir Hagkaups - Frið-
rika Hjördís Geirsdóttir / Hag-
kaup
7. Ljósa - Kristín Steinsdóttir /
Vaka-Helgafell
8. Mundu mig, ég man þig - Do-
rothy Koomson / JPV útgáfa
9. Morð og möndlulykt - Camilla
Läckberg / Undirheimar
10. Matur sem yngir og eflir - Þor-
björg Hafsteinsdóttir / Salka
Bóksölulisti
Lesbókbækur
Allur listinn
Listinn er byggður á upplýsingum frá
Bókabúð Máls og menningar, Bóka-
búðinni Eskju, Bókabúðinni Hamra-
borg, Bókabúðinni Iðu, Bókabúðinni
við höfnina Stykkishólmi, Bóksölu-
stúdenta, Bónus, Hagkaupum,
Kaupási, N1, Office 1, Pennanum-
Eymundssyni og Samkaupum. Rann-
sóknasetur verslunarinnar annast
söfnun upplýsinga fyrir hönd Félags
íslenskra bókaútgefenda.
C
harlotte Roche sló í gegn í Þýskalandi
fyrir þremur árum með bókinni Vot-
lendi, Feuchtgebiete á frummálinu, þar
sem lesa mátti nákvæmar kynlífs-, lík-
ams- og sjúkralegulýsingar. Hvort hneykslan hafi
legið að baki vinsældum bókarinnar skal ósagt
látið, en hvert upplagið seldist upp á eftir öðru og
nú er það 28. í búðum. Bókin seldist í um tveimur
milljónum eintaka í Þýskalandi og var í átta mán-
uði í efsta sæti þýska metsölulistans. Þýðing-
arrétturinn hefur verið seldur til 28 landa og hún
er þegar komin út á íslensku.
Nú er Roche komin á kreik á ný. Í þessum mán-
uði kemur út skáldsagan Schossgebete, sem út-
leggja mætti Skautbænir, og enn á ný vekja ber-
orðar kynlífslýsingar umtal í fjölmiðlum. Í
kynningu segir útgefandinn, Piper-forlagið, að
bókin sé snúist um „eina af okkar síðustu bann-
helgum: Kynlíf í hjónabandi“.
Í Votlendi sótti höfundur mikið í eigin reynslu
og það sama virðist eiga við um Skautbænir.
Munurinn er þó sá að í fyrri bókinni er sögumaður
táningur, en söguhetja nýju bókarinnar er komin
á fertugsaldur, nánar tiltekið 33 ára og jafngömul
höfundinum. Í bókinni segir frá þremur dögum í
lífi Elísabetar, sem býr í stórborg. Hún vill vera
fullkominn elskhugi, góð móðir, fyrirmynd í um-
hverfismálum og aðeins neyta grænmetis. Fyrir
mörgum árum létust bræður hennar og móðir
hennar slasaðist í bílslysi á leið í brúðkaup henn-
ar. Ekkert varð af brúðkaupinu, sambandið leyst-
ist upp og enn varpar þessi atburður skugga á líf
sögupersónunnar. Árið 2001 lentu bræður höf-
undar og móðir í bílslysi í London á leið í brúð-
kaup hennar. Um þetta slys hefur hún aldrei tjáð
sig opinberlega og fór meira að segja í mál við
götublaðið Bild vegna fréttaflutnings þess af slys-
inu. Í viðtali við Der Spiegel er Roche spurð hvers
vegna hún segi nú frá: „Vegna þess að þetta er
mín saga og ég get valið tímasetninguna og orðin.
Vegna þess að þetta er sjálfsákvörðun.“
Roche segir í viðtalinu við Der Spiegel að fái
hún einhverju ráðið muni Skautbænir seljast bet-
ur en Votlendi. „En þá var gríðarlegt uppnám,
sem varla endurtekur sig,“ segir hún. „Stærsti
smellur lífs míns er þegar að baki.“
Roche segir að sig hafi alltaf dreymt um að
skrifa og hún hafi verið mjög hamingjusöm á
meðan hún var að skrifa bækurnar, sjá síðurnar
fyllast og geta dáðst að sjálfsaga sínum: „Mér gekk
ekki sérstaklega vel í skóla og það eitt að ég skyldi
skrifa bók var kraftaverk fyrir mér. Velgengni
Votlendis hefur sennilega gert mig hræðilega
spillta, jafnvel eyðilagt mig. Jafnvel þótt Skaut-
bænir næði aðeins fjórðungi [af sölu Votlendis]
væru það ótrúlega háar sölutölur og samt væri
það skellur.“
Roche fjallar í bókinni um rótleysi. Móðir sögu-
hetjunnar er hippi, sem eignast hvert barna sinna
með sínum manninum. Í viðtalinu við Der Spiegel
lýsir hún því hvernig hún hafi verið send í með-
ferð sem barn og verið beðin um að teikna
bernsku sína: „Ég teiknaði tólf hús. Það var
bernska mín, við fluttum tólf sinnum. … Nú hef ég
verið tíu ár í þerapíu og átta ár með manninum
mínum, sem í alvöru er kraftaverk. Sambandið
hefur haldið lengur en nokkurt samband móður
minnar. Ég vil mjög, mjög gjarnan vera staðföst.“
Roche segir að hún skrifi skáldsögur, en hún
hefur greinilega gert sjálfa sig að viðfangsefni.
Hún segist ekki hafa neitt nýtt fram að færa:
„Vegna þess að mér líður ekki eins og rithöfundi
heldur frekar eins og loddara. Ég er ekki dómbær
á hvort eitthvað er vel skrifað.“
Umsagnir um Skautbænir eru þegar teknar að
birtast. Ijoma Mangold skrifar í Die Zeit að Roche
hafi „skrifað ótrúlega íhaldssama kynlífs-
skáldsögu“: „Yfir Votlendi var eitthvert ung-
lingayfirbragð, Skautbænir eru fullorðin bók,
sem stendur undir hinni klassísku harm-
leikjaskilgreiningu að vekja „ótta og meðaumkv-
un“.
Charlotte Roche er frægt fyrir bersögli og heldur sínu striki í nýrri bók sinni, Skautbænum.
Reuters
Líður eins og
loddara
Fyrsta bók Charlotte Roche, Votlendi, vakti hneykslan,
reiði og uppnám og var átta mánuði í efsta sæti þýska bók-
sölulistans. Í þessum mánuði kemur út ný bók eftir hana.
Karl Blöndal kbl@mbl.is