SunnudagsMogginn - 28.08.2011, Blaðsíða 28

dæmi um skjal sem verður til í verksmiðjunni um bíl-
inn þegar hann er smíðaður og hann bað um afrit af.
„Það kom í tölvupósti daginn eftir. Þar sést greinilega
fæðingardagurinn, 20. september 1972.“
En Bjarni var ekki beint bjartsýnn á framhaldið,
veskið tómt og fjarska fallegur en hálfónýtur, tæplega
tveggja milljóna króna Mercedes Benz blæjubíll á
verkstæðinu. „Ég hugsaði bara hvern djöfulinn ég væri
búinn að koma mér í og varð hálf þunglyndur yfir
þessu og ákvað að bíða aðeins með að byrja á uppgerð
bílsins enda komið haust.
Á þessum tíma varð pabbi sextugur og þá ákváðum
bróðir minn og ég að ráðast í að gera upp fyrir pabba
Austin Morris 1972, bíl sem pabbi og hinn afi minn
Jónas höfðu keypt nýjan en hafði staðið í geymslu
maukryðgaður síðan 1988 og beðið uppgerðar. Okkur
tókst á tveimur mánuðum að gera þann bíl ökuhæfan á
ný eftir að hafa rifið hann í frumeindir, og það án þess
að pabbi okkar kæmist að því og gáfum við honum bíl-
inn á afmælisdaginn, en hann var þá mjög nærri því að
vera tilbúinn. Þetta er eitt það skemmtilegasta sem ég
hef komið nærri þótt erfiðið væri mikið.“
Perlan fær líf og fer á götuna
En blæjubíllinn beið á meðan. „Ég sá fram á að þetta
ævintýri myndi kosta mig milljónir. En þá held ég að
afi Benz hafi komið til sögunnar. Kvöld eitt í janúar
2009 hringir í mig maður og spyr mig hvort mig vanti
ekki varahluti í þessa gerð af Benz. Ég játti því og þá
segist hann eiga slatta af slíkum. Hann segist eiga
svipaðan bíl sem hann sé til í að selja ásamt varahlut-
unum sem margir voru enn í umbúðunum. Reyndar
var bíllinn hans svo ryðgaður að köttur hefði getað
gengið hvar sem er út úr honum en ég keypti hann á
sanngjörnu verði og með honum fékk ég allt gólfið og
fullt, fullt af upprunalegum Benz varahlutum. Nú er
bíllinn orðinn vel ökufær, ég er búinn að skipta um
gólfið, laga vélina mjög mikið, laga allt sem snýr að
fjöðruninni, öryggi, stýri og bremsum, auk þess að
kaupa nýja leðurinnréttingu og gólfteppi. Það er því
ósköp lítið eftir að flakinu sem kom til Íslands, þótt
mér finnist ég alltaf þurfa að laga eitt og annað smá-
ræði.
Og það er mjög gefandi að geta loks ekið henni hvert
sem er, sérstaklega með blæjuna niðri. „Já, hana,“
segir Bjarni af væntumþykju. „Mercedes er kven-
mannsnafn og þessi heitir Perla.Vekur hún mikla at-
hygli? ,,Já, stundum óþægilega mikla, ég verð stund-
um pínulítið feiminn,“ segir hann kankvís. „En þessi
tegund var framleidd í 66.298 eintökum og Perla var
númer 7380 á færibandinu í Stuttgart.“
Druslunum ekið úr bílskúrnum
En Bjarni á líka tvo aðra Mercedes-Benza sem hann
getur notað ef hann vill vekja minni athygli en heyrum
fyrst hvenær áhugi hans og ástríða hans á vélum hófst.
„Ætli ég hafi ekki verið svona átta til tíu ára en þá fór
ég að fikta við að gera við reiðhjólið. Það þurfti að gera
við sprungin dekk og svo var keðjan stundum til
vandræða,“ segir hann brosandi.
Morgunblaðið/Ómar
Æ
tli ævintýralegasta endurgerðin hafi ekki
verið á 450SL, árgerð 1972,“ segir bíla-
áhugamaðurinn Bjarni Þorgilsson, sem
raðar saman gömlum bílum, jafnvel bíl-
hræjum, og gerir þá nýja.
„Afi minn, Bjarni Þ. Vigfússon, sem var lengi leigu-
bílstóri á BSR, ók alltaf um á hvítum Mercedes Benz
með númerið R-3015 og ég kallaði hann fyrir vikið afa
Benz, nafn sem festist við hann í fjölskyldunni. Hann
lést árið 2007 og mér fannst ég þurfa að heiðra minn-
ingu hans með einhverju móti.
Það var svo á fallegu sumarkvöldi í ágúst 2008, þar
sem ég var að vafra inn á e-bay að ég fann þennan
hvíta Benz á Florída, sem sameinaði minn draumabíl
og bílana sem afi hafði átt. Ég sló til og keypti bifreið-
ina, sem mér fannst frekar ódýr en hingað til lands
kostaði hún um þrettán hundruð þúsund. Skýringin á
hinu lága verði var hins vegar augljós þegar bíllinn
kom til landsins,“ segir Bjarni og getur núna hlegið við
minningunni en tilfinningin var ekki jafngóð þegar
hann sótti bílinn niður á höfn.
„Ég fékk ég bara áfall. Ég hélt að ég hefði verið að
kaupa bíl sem ég gæti nánast sett í gang og ekið í burtu
en það var sko eitthvað annað. Þetta var bara bílhræ.
Það var nánast ekkert gólf í honum, dauð skordýr eins
og kakkalakkar lágu eins og hráviði á vatnsósa tepp-
inu. Skottið var meira og minna götótt eins tesía, mið-
stöðin ótengd og stýrisgangurinn lélegur. Í stuttu máli
má segja að það eina sem hafi verið í lagi í honum hafi
verið bremsurnar. Og eins og þetta væri ekki nóg, þá
var 2007 vitleysan enn í gangi og bíllinn þurfti að bíða
í biðröð til þess að komast í skip og þegar það er suður
af Grænlandi hrynur efnahagskerfið á Íslandi. Á nánast
einni nóttu hækkaði bíllinn um hálfa milljón og það
breytti mjög miklu fyrir mig. Bíllinn, gamall Oldsmo-
bile, sem ég hafði áður gert upp og ætlaði að selja til
þess að fjármagna þennan dugði allt í einu ekki lengur
til, ég þurfti að selja mótorhjólið mitt líka. Þetta var
algjör hryllingur,“ segir Bjarni sem þá gat ekki brosað.
„Ég gat vitanlega ekkert annað gert en leyst bílinn
út, ég hafði greitt hann og flutning til landsins og þar
var ekkert annað en að taka þessu hundsbiti og girða
sig í brók. Ég hugsaði bara með mér að nú yrði afi Benz
að koma með eitthvert tromp að handan. Það besta er
að ég held að hann hafi gert það.“
Austin Morris í afmælisgjöf
Bjarni segir að í fyrstu hafi sér alveg fallist hendur en
hins vegar sé hann svo heppinn með vinnuveitanda og
hann hafi lánað honum aðstöðu eftir vinnutíma þann-
ig að hann gat farið að vinna í bílnum.
„Ég er yfirmaður verkstæðisins hjá Örmum Vinnu-
lyftur og hef áreiðanlega oft reynt á þolinmæði eig-
andans við bílaviðgerðir því ég hef enga aðstöðu sjálf-
ur eins og stendur. En ástæðan fyrir því að ég hef valið
Benz bíla er ekki bara ástríðan og afi Benz heldur einn-
ig hagkvæmnin en Mercedes Benz er einn af fáum ef
ekki sá eini sem framleiðir varahluti í alla sína bíla enn
þann dag í dag, jafnvel þótt þeir séu frá 1972 eða mikið
eldri. Einfalt mál er að nota nettengt varahlutaforrit
Mercedes til að finna rétta varahluti og sjá hvernig allt
er sett saman. Síðan var bara að fara upp í umboðsaðila
Mercedes Benz og panta viðkomandi varahlut og hann
var kominn eftir þrjá daga. Þetta er auðvitað einstakt
en vitaskuld ekki ókeypis. En miðað við að handsmíða
viðkomandi varahlut þá borgar þetta sig auk þess sem
það síðarnefnda verður aldrei eins gott.“
Sem dæmi um nákvæmni og þjónustu verksmiðj-
anna við þá sem eru með gamla Benza tekur Bjarni
’
Ég sá fram á að þetta ævintýri
myndi kosta mig milljónir. En
þá held ég að afi Benz hafi kom-
ið til sögunnar. Kvöld eitt í janúar
2009 hringir í mig maður og spyr mig
hvort mig vanti ekki varahluti í þessa
gerð af Benz.
28 28. ágúst 2011