SunnudagsMogginn - 28.08.2011, Blaðsíða 35

28. ágúst 2011 35
vinsælla þátta eins og The Untoucha-
bles, Star Trek og Mission Impossible.
Þættirnir I Love Lucy luku göngu
sinni árið 1957 en var þá breytt í
klukkutímalangan þátt af svipaðri gerð
og sá var sýndur í þrjú ár en þá skildu
hjónin eftir nítján ára hjónaband. Lucy
keypti eiginmann sinn út úr fyrirtæk-
inu, varð æðsti stjórnandi þess og ein
valdamesta kona í Hollywood. Hún lék í
eigin sjónvarpsþáttum The Lucy Show
frá 1962-68 og Here’s Lucy frá 1968-
1974. Sjónvarpsþættir Lucy Ball unnu
samtals til rúmlega 200 verðlauna og
voru um tíma sýndir í 77 löndum.
Þrætugjörn og kröfuhörð
Seinni eiginmaður Lucy var gamanleik-
arinn og uppistandarinn Gary Morton,
en hann var sex árum yngri en hún, eins
og fyrri eiginmaður hennar. Hún sagði
sjálf: „Þegar ég varð ástfangin af Desi
var það ást við fyrstu sýn. Ást mín til
Gary þróaðist hægt. Ég kunni vel við
hann áður en ég fór að elska hann.“
Vinir Lucy voru þó alltaf sannfærðir um
að hún hefði aldrei hætt að elska fyrri
eiginmann sinn.
Lucy var ekki auðveld kona í sam-
vinnu, þrætugjörn og kröfuhörð við
samstarfsfólk sitt. Gamanleikarinn Jack
Benny kom fram í einum þætti hennar
og hann, sem hafði að reglu að gagnrýna
fólk aldrei, sagði í einkasamtali, að hún
ætti að fá sér góðan sálfræðing.
Hún var ekki umhyggjusöm móðir.
Dóttir hennar Lucie sagði um hana:
„Hún átti í erfiðleikum með að vera op-
in í samskiptum og gat verið mjög til-
litslaus. Vinnan skipti hana öllu máli.
Hún gat verið mjög kuldaleg og þótt
hún segðist elska mig þá fannst mér ég
aldrei vera elskuð. Ég vildi óska þess að
hún hefði verið hjá okkur systkinum til
að veita okkur þá ást sem við þörfn-
uðumst svo sárlega.“
Árið 1986 sneri Lucy aftur í sjónvarp í
þáttunum Life With Lucy. Hún fékk
skelfilega dóma. Pauline Kael, sem var
miskunnarlaus gagnrýnandi sagði: „Eins
og flestar aðlaðandi konur í skemmt-
anaiðnaðinum fór Lucy að lokum að
minna á klæðskipting.“ Þetta var í fyrsta
sinn sem Lucy mistókst í sjónvarpi og
það var henni mikið áfall. Þættirnir voru
teknir af dagskrá og Lucy dró sig í hlé.
Hún þurfti þó ekki að kvarta undan því
að fá ekki athygli því hún hlaut alls
kyns viðurkenningar fyrir lífsstarf sitt.
Hún lést árið 1989. arpsstjörnum sögunnar.
Með fyrri eiginmanni sínum, Desi. Við Óskarsverðlaunaveitingu örfáum vikum fyrir dauða sinn.
’
Fjöldi þekktra leikara lék gesta-
hlutverk í þáttum hennar. Einn
þeirra var Orson Welles. Eitt sinn
var komið að honum þar sem hann var að
fylgjast með Lucy þar sem hún var að
æfa. Þegar Welles var spurður að því
hvað hann væri að gera svaraði hann:
„Ég er að horfa á mestu leikkonu heims.“
Lucy varð ein valda-
mesta kona í Hollywod.