Fréttablaðið - 24.11.2011, Blaðsíða 2

24. nóvember 2011 FIMMTUDAGUR2
Logi, voru öll önnur sund
lokuð?
„Nei, nei, við syndum í gegnum
þessar framkvæmdir með hjálp
þolinmóðra gesta.“
Logi Sigurfinnsson er forstöðumaður
Laugardalslaugar. Mestu endurbætur í
sögu laugarinnar standa nú yfir
FÓLK „Ég átti nú alls ekki von á
þessu. Draumurinn er orðinn að
veruleika,“ segir Edda Óskars-
dóttir, átján ára
menntaskóla-
mær, sem land-
aði samningi
við umboðskrif-
stofuna Select
í Bretlandi, en
hún er talin vera
ein sú fremsta á
sínu sviði.
Upphefð
þykir að kom-
ast á skrá hjá
Select. Þekktir leikarar og fyrir-
sætur hafa starfað hjá umboðs-
skrifstofunni gegnum tíðina og
því ljóst að samningur við hana
getur opnað ýmsar dyr. Þannig leið
ekki á löngu frá því að Edda gerði
samninginn þar til tískutímarit-
in Vogue og Cosmo politan sýndu
henni áhuga. - rve/ Allt í miðju blaðsins
Edda Óskarsdóttir á uppleið:
Íslenskt módel
vekur athygli
EDDA
ÓSKARSDÓTTIR
UMHVERFISMÁL „Þetta er bara eins
og hjá vitleysingum,“ segir Þór-
hallur Pálsson, arkitekt á Eiðum,
sem sent hefur harðort kvörtunar-
bréf til útvarpsstjóra vegna mikils
ónæðis af biluðum leifturljósum á
langbylgjumastri Ríkisútvarpsins.
Þórhallur segir mikinn og ótakt-
vissan ljósagang stafa af mastr-
inu sem er 220 metra hátt og var
formlega tekið í notkun á Eiðum
árið 1999. Þrjú leifturljós, hvert í
sinni hæð á mastrinu, eigi að vera
í takt og senda frá sér viðvörun-
arljós fyrir flugvélar. Ljósastyrk-
urinn eigi að vera mestur þegar
bjartast sé en draga eigi úr honum
eftir því sem rökkvi.
Í bréfi sínu til RÚV undirstrikar
Þórhallur að Héraðsbúar hafi áður
margsinnis bent á ástandið á leift-
urljósunum. Í mars 2004 ræddi DV
við Sigurð Ragnarsson, þáverandi
formann umhverfisnefndar Aust-
ur-Héraðs. Sagði Sigurður mastrið
oftast senda út á fullum styrk og
ekki vera í takti. Reynt hafi verið
að gera við en fljótlega sigið aftur
á ógæfuhliðina. „Ljósin eru iðu-
lega ekki í takti og auk truflunar
við fólk er þetta ástand óþolandi
ljósmengun,“ bókaði umhverfis-
ráð Austur-Héraðs árið 2004 sem
þá kvað árangurslausar ábending-
ar hafa verið sendar RÚV árin á
undan.
Þórhallur segir tímabil hafa
komið sem ljósin voru í lagi. Oft-
ast séu þau þó afar óstöðug og
hreinlega stórfurðuleg í sínum
krampakennda takti.
„Alla jafna ef það gerir slyddu
eða él þá fer þetta allt í vitleysu og
ef það gerir þoku þá verður þetta
eins og maður sé í þrumuveðri. Ég
hef séð ljósmöstur víða um lönd en
aldrei séð neitt þessu líkt,“ útskýr-
ir Þórhallur sem kveður það þó
„harmabót“ að hann búi næst allra
við mastrið. Því fari hluti af ljósa-
ganginum yfir höfuðið á honum.
Alvarlegt sé að hin furðuleiftr-
in trufli ökumenn á Héraði. Þá
hafi toppljósið verið bilað vikum
saman í sumar. Umhugsunarefni
sé hvaða áhrif slíkt hafi á flug-
öryggi.
„Ef þetta blessaða mastur stæði
úti á Seltjarnarnesi væri búið að
gera eitthvað í málunum því þá
væri fólk gjörsamlega á eyrunum
út af þessu. Það er ekki nóg með að
það sé ekkert hægt að gera í þessu
varanlega heldur hefur aldrei verið
beðist afsökunar því og það svíð-
ur mér mest,“ segir Þórhallur sem
bíður nú svars frá Ríkisútvarpinu.
Fréttablaðið náði ekki sambandi í
gær við þá starfsmenn RÚV sem
svara fyrir langbylgju mastrið á
Eiðum. gar@frettabladid.is
Krampakennd leiftur
úr biluðu ljósamastri
Héraðsbúi sakar Ríkisútvarpið um skeytingarleysi með því að laga ekki biluð
leifturljós í langbylgjumastri þrátt fyrir ábendingar um ónæði af þeim. Um sé
að ræða viðvörunarljós vegna flugumferðar en hending sé hvernig þau virki.
Ég hef séð ljósmöstur
víða um lönd en
aldrei séð neitt þessu líkt.
ÞÓRHALLUR PÁLSSON
ÍBÚI Á EIÐUM
MASTRIÐ Á EIÐUM „Ljósleiftrin fara úr takti og hending ræður hvenær og hvert þess-
ara ljósa sendir frá sér leiftur í fullum styrk í svartamykri,“ segir Þórhallur Pálsson sem
er orðinn langþreyttur á nábýlinu við langbylgjumastur Ríkisútvarpsins á Eiðum.
MYND/ÞÓRHALLUR PÁLSSON
Jónas Jónasson útvarpsmað-
ur er látinn, áttræður að aldri.
Hann lést á líknardeild Land-
spítalans í
Kópavogi á
þriðjudag.
Jónas
hóf störf
hjá Ríkis-
útvarpinu
sautján ára
gamall og
þar starf-
aði hann meira og minna alla
ævi. Hann starfaði við ýmis-
legt þar en er þekktastur fyrir
útvarpsþætti sína. Hann lærði
bæði tónlist og leiklist. Þá
skrifaði hann leikrit og bækur
auk þess sem eftir hann liggja
þekkt dægurlög.
Jónas lætur eftir sig eigin-
konu og þrjár dætur.
Jónas Jónas-
son látinn
IÐNAÐUR Meiri líkur eru taldar vera
á því að olíulindir finnist á Jan
Mayen-hryggnum en áður. Þetta
er niðurstaða Olíustofnunar Nor-
egs sem hefur rannsakað sýni af
svæðinu í samstarfi við Orkustofn-
un og Háskólann í Bergen síðustu
mánuði.
Jan Mayen-hryggurinn liggur
inn fyrir lögsögu Íslands inn á
svokallað Drekasvæði. Þá er stór
hluti hryggjarins á sameiginlegu
nýtingarsvæði Íslands og Noregs
en hvort land á rétt á 25 prósenta
þátttöku í olíustarfsemi á þeim
hluta svæðisins sem tilheyrir
hinni þjóðinni. Þau sýni sem Olíu-
stofnunin hefur haft til rannsókn-
ar komu bæði af íslenska og norska
hluta hryggjarins.
Í tilkynningu frá Olíustofn-
uninni segir að niðurstöðurnar
hafi komið á óvart og verið mun
jákvæðari en búist var við. Þær
renni stoðum undir þá kenningu
að olíu sé að finna á svæðinu. Haft
er eftir Sissel Eriksen, forstöðu-
manni rannsókna hjá stofnuninni,
að fundist hafi mikið af steinum og
efnum sem bendi til þess að olía og
gas gætu hafa myndast á svæðinu.
Norska olíustofnunin mun halda
áfram að rannsaka svæðið á næstu
árum. Til að mynda er stefnt að því
að bora grunnar holur á hryggnum.
Þórarinn Sveinn Arnarsson,
verkefnisstjóri olíuleitar hjá Orku-
stofnun, sagði í samtali við Vísi í
gær að tíðindin kæmu á besta tíma
fyrir olíuleitarútboð Íslendinga
sem hófst í október. Niðurstöðurn-
ar komi fram á fyrri hluta útboðs-
tímabilsins á meðan áhugasamir
aðilar séu enn að meta svæðið og
ákveða hvort þeir taki þátt. Útboð-
inu lýkur 2. apríl en þá verður ljóst
hvort einhver olíufélög sæki um
vinnsluleyfi á svæðinu. - mþl
Rannsóknir renna stoðum undir þá tilgátu að olía sé á Jan Mayen-hryggnum:
Líklega olía á Drekasvæðinu
OLÍUBORPALLUR Í NORÐURSJÓ Annað
olíuleitarútboð íslenskra stjórnvalda
vegna Drekasvæðisins stendur nú yfir.
Því lýkur 2. apríl næstkomandi.
NORDICPHOTOS/AFP
VINNUMARKAÐUR Miðstjórn ASÍ segir stjórn-
völd hafa í hyggju að svíkja loforð sem gefin
voru við gerð kjarasamninga í vor. Ríkis-
stjórnin hafi lofað að hækka bætur samhliða
niðurstöðum kjarasamninganna, en nú hafi
verið fallið frá því.
Samkvæmt kjarasamningunum hækka
lægstu laun um 6,5 prósent í febrúar 2011.
Samkvæmt yfirlýsingu ríkisstjórnarinnar frá
5. maí eiga bætur almannatrygginga að fylgja
umsömdum hækkunum „þannig að lífeyris-
þegar og atvinnulausir njóti hliðstæðra kjara-
bóta og um verður samið í kjarasamningun-
um,“ líkt og segir í yfirlýsingunni.
Miðstjórn ASÍ bendir á að í bandormi ríkis-
stjórnarinnar komi fram að ríkisstjórnin hafi
einhliða ákveðið að hækka bætur aðeins um
helming af því sem um var samið í kjara-
samningunum, eða um 3,5 prósent. Það þýði
5.500 króna hækkun bóta í stað 11 þúsund
króna.
„Ríkisstjórnin sem kennir sig við velferð
ætlar þannig ekki aðeins að svíkja eigin lof-
orð heldur einnig snupra þá sem lökust hafa
kjörin í okkar þjóðfélagi,“ segir í ályktun mið-
stjórnar ASÍ.
Þá gagnrýnir miðstjórnin að stöðu langtíma
atvinnulausra verði ekki breytt, en þeir sem
hafa verið án vinnu í þrjú og hálft ár missa
bótarétt í þrjá mánuði áður en réttur þeirra
endurnýjast. Endurnýjunin gildir í þrjá mán-
uði. - kóp
Miðstjórn ASÍ sakar stjórnvöld um að svíkja gefin loforð um hækkun bóta til jafns við laun:
Segir að ríkisstjórnin ráðist á réttindi
ALÞÝÐUSAMBAND ÍSLANDS Miðstjórn ASÍ gagnrýnir
ríkisstjórnina fyrir að standa ekki við gefin loforð um
hækkun bóta. Frá formannafundi ASÍ í október.
FRÉTTABLAÐIÐ/GVA
UMHVERFISMÁL Bæjarstjórn Fljóts-
dalshéraðs hefur heimilað gerð
fiskvegar um svokallaðan Stein-
boga í Jökulsá á Dal. Skilyrði er
að ekki verði hróflað við urðinni
sem myndar Steinbogann og að
allt rask umfram stigann sjálfan
hverfi að framkvæmdum loknum.
Svæðið er á Náttúruminjaskrá og
bæjarfulltrúi Framsóknarflokks
vildi að aðstæður yrðu kannaðar
betur áður en ákveðið væri með
leyfið. Með fiskistiganum hyggst
veiðifélag árinnar greiða laxfisk-
um allt að sextíu kílómetra leið
upp Jökulsá og hliðarár. - gar
Nýjar veiðilendur í sjónmáli:
Leyfa laxastiga
í Jökulsá á Dal
STEINBOGI Urðin sem hindrar fiskigöng-
ur í ánni. MYND/ÞRÖSTUR ELLIÐASON
SAMFÉLAGSMÁL Vefur Reykjavík-
urborgar hefur fengið aðgengis-
vottun, sem felst í því að hann er
aðgengilegur öllum óháð fötlun
eða getu.
Öryrkjabandalagið og ráð-
gjafafyrirtækið Sjá ehf. veittu
vottunina og tók Jón Gnarr
borgarstjóri á móti henni. Með
vottuninni skuldbindur Reykja-
víkurborg sig til að fylgja kröfum
sem settar eru fram um aðgengi.
Í gær var einnig opnuð auðlesin
útgáfa af vef borgarinnar, þar
sem upplýsingar um helstu þjón-
ustu eru settar fram fyrir þá sem
eiga erfitt með að nýta sér hefð-
bundna framsetningu. - þeb
Reykjavíkurborg fær vottun:
Vefur aðgengi-
legur fötluðum
SPURNING DAGSINS