Fréttablaðið - 24.11.2011, Side 40

Kynning - AUGLÝSING
Nýjasta afurð verslunarinnar Geysis eru ullarteppi sem byggja á gamalli íslenskri arf-
leifð eins og ýmislegt annað sem þar
er að finna.
„Upprunalegu teppin voru gerð í
Ullarverksmiðjunni Gefjun á Glerár-
eyrum á Akureyri. Þar voru þau
framleidd í þúsundatali og eflaust
margir sem kannast við munstrið,“
segir Auður Karitas Ásgeirs dóttir,
hönnuður hjá Geysi, sem er viss
um að margir eigi slík teppi í fórum
sínum enn þann dag í dag. Munstrið
segir hún vera upprunnið í Sviss
þaðan sem prjónavélarnar komu.
Þeim fylgdu munsturspjöld sem var
hægt að velja úr. Auður segir hönn-
uði og eigendur Geysis hafa þekkt til
teppanna og langað til að gera þess-
um gömlu gersemum skil. Þau fást
nú í tveimur útgáfum og yfir þeim er
fallegur Sixties stíll. Önnur útgáfan
er svört og grá en hin í brúnu sauða-
litunum líkt og upprunalegu teppin.
Þau eru framleidd úr íslenskum lopa
frá Ístex.
Auður Karitas segir teppin til valin
sófateppi en líka góð til að sveipa
um sig enda halda þau dásamlegum
hita. Þau geta jafnframt verið falleg
ábreiða. Teppin eru ýfð allnokkrum
sinnum sem gerir þau mjúk viðkomu
þrátt fyrir að vera úr ull.
Til gamans má geta að Ullar-
verksmiðjan Gefjun tók til starfa árið
1907 og þar var margháttaður verk-
smiðjurekstur fram á tíunda áratug
síðustu aldar. Auður Karitas segir
ánægjulegt að taka upp þráðinn en
það er stefna Geysis að halda merkj-
um íslenskrar framleiðslu og þjóðar-
arfs á lofti.
Ullarteppi byggð á íslenskri arfleifð
Verslunin Geysir hefur tekið upp þráðinn sem áður var spunninn í Ullarverksmiðjunni Gefjun á Akureyri og selur ullarteppi sem margir kannast
við frá fornri tíð. Þau eru hlý og mjúk með gamalkunnu munstri. Teppin falla vel að öðru vöruúrvali Geysis þar sem þjóðararfinum er haldið á lofti.
Teppin eru að sögn Auðar Karitasar tilvalin sófateppi en líka góð til að sveipa um sig enda halda þau dásamlegum hita. Þau geta jafnframt verið falleg ábreiða.
Upprunalegu teppin voru framleidd í Ullarverksmiðjunni Gefjun sem tók til starfa á Akureyri árið 1907. FRÉTTABLAÐIÐ/GVA