Fréttablaðið - 24.11.2011, Blaðsíða 22
24. nóvember 2011 FIMMTUDAGUR22
Umsjón: nánar á visir.is
Þrír erlendir vogunarsjóðir eiga
samtals 17,5% hlut í Klakka ehf.,
sem áður hét Exista. Að sögn Péturs
J. Eiríkssonar, stjórnarformanns
Klakka/Existu, hefur eign þeirra í
félaginu aukist jafnt og þétt frá því
að nauðasamningur þess var stað-
festur síðasta haust.
Sjóðirnir eru Burlington Loan
Management Ltd., CVI GVF (lux)
Master S.A.R.L. og Fir Tree Value
master fund L.P.
Arion banki er langstærsti ein-
staki hluthafi Klakka/Existu með
44,9% eignarhlut. Á meðal annarra
eigenda eru franski bankinn BNP
Paribas og Lífeyrissjóður verslun-
armanna sem eiga 2,2% hvor. Hlut-
höfum í Klakka/Existu fækkaði úr
24.952 í 163 við fjárhagslega endur-
skipulagningu. Helstu eignir félags-
ins eru Skipti hf. (móðurfélag Sím-
ans, Mílu og Skjásins), VÍS, Lífís og
Lýsing hf.
Klakki/Exista tapaði 10,5 millj-
örðum króna í fyrra og skuldir
félagsins lækkuðu um 307,8 millj-
arða króna milli ára eftir að félagið
gekk í gegnum nauðasamning. Eigið
fé þess var jákvætt um 65 milljarða
króna um síðustu áramót eftir að
hafa verið neikvætt um 210 millj-
arða króna ári áður. Eiginfjárstað-
an er því afar sterk. Þetta kemur
fram í ársreikningi Klakka/Existu
sem skilað var inn til ársreikninga-
skrár 17. nóvember síðastliðinn.
Í nauðasamningi félagsins, sem
var staðfestur 17. október 2010,
fólst meðal annars að kröfuhafar
þess breyttu 10% af 239,1 milljarða
króna kröfum í hlutafé. 90% þeirra
var síðan breytt í kröfur sem breyt-
anlegar eru í hlutabréf í félaginu ef
því tekst ekki að greiða skuldina
til baka á tímabilinu 31. desember
2020 til loka árs 2030. Upphæðin
fluttist við það af efnahagsreikn-
ingi Klakka/Existu. Í kjölfarið
fengu kröfuhafar öll yfirráð yfir
félaginu. Til viðbótar var víkjandi
láni upp á 47 milljarða króna breytt
í hlutafé í fyrra.
Vegna þessa lækkuðu skuldir
Klakka/Existu-samstæðunnar um
308 milljarða króna í fyrra. Um er
að ræða stærstu staðfestu niður-
færslu á lánum til íslensks fyrir-
tækis, ef föllnu bankarnir eru frá-
taldir. Kröfuhafar Stoða, sem áður
hét FL Group, höfðu átt það met en
þeir færðu niður skuldir þess félags
um 225 milljarða króna þegar það
var fjárhagslega endurskipulagt
árið 2009.
Pétur segir að eignarhaldið á
Klakka/Existu hafi tekið nokkrum
breytingum eftir að nauðasamn-
ingurinn var samþykktur. Meðal
annars hafi hlutafé félagsins verið
aukið eftir að nýjar kröfur voru
samþykktar til að greiða eigendum
Sími +354 590 2200 // Fax +354 590 2299 // utleiga@eik.is // www.eik.is
Atvinnuhúsnæði sem hentar þér
Skeifan 19, verslunarhúsnæði
Verslunar- og lagerhúsnæði á besta stað í Skeifunni.
Stærð: 178,7 m2
Laust: Nú þegar
Lýsing: Verslunar- og lagerhúsnæði á fjölförnum stað í Skeifunni.
Verslunin er vel sjáanleg frá götu og með góðum gluggum.
Vilhelm Patrick Bernhöft
GSM: 663-9000
Netfang: vilhelm@eik.is
0,4% VAR AUKNINGIN í kaupmætti launa í októbermánuði.
Eigendur Klakka/Existu
18. október síðastliðinn.
Arion banki
hf. 44,9%
Burlington Loan Management LTD 11,7%
CVI GVF (lux) Master S.A.R.L. 2,9%
Fir Tree Value master fund L.P. 2,9%
BNP Paribas London Branch 2,2%
Lífeyrissjóður verslunarmanna 2,2%
Aðrir hluthafar 33,2%
Vogunarsjóðir eiga hlut í Existu
Skuldir Klakka, áður Existu, lækkuðu um rúmlega 300 milljarða króna í fyrra. Eigið fé félagsins eftir endurskipulagningu er 65 millj-
arðar króna. Arion banki, erlendir vogunarsjóðir og lífeyrissjóður eru á meðal stærstu eigenda. Klakki á meðal annars Símann og VÍS.
VÍS Á meðal stærstu eigna Klakka/Exista eru Vátryggingafélag Íslands, Skipti (móðurfélag Símans) og Lýsing.
hlut
eiga þrír
erlendir
vogunarsjóðir í Klakki sem
áður hét Exista.
17,5%
Spurður um framtíðaráform Klakka/Existu segir Pétur það nú vera eignar-
haldsfélag sem ræktar eignir sínar til að gera þær betri og verðmætari. „Við
höfum fengið nokkur tilboð í sölu á rekstri Lýsingar. Það er verið að vinna
í þeim. Annars erum við bara að rækta aðrar eignir okkar og undirbúa þær
fyrir sölu einhvern tímann í framtíðinni. Það gæti orðið eftir sex mánuði,
það gæti orðið eftir tvö ár. Það er engin stefna komin önnur en sú að auka
verðmæti þessara eigna.“
Hafa fengið tilboð í rekstur Lýsingar
Eftirlitsstofnun EFTA (ESA) ákvað
í gær að hefja formlega rannsókn
á lánveitingum íslenska ríkisins til
fjárfestingabankanna VBS, Sögu
og Askar Capital. Bankarnir þrír
fengu samtals 52 milljarða króna
lánaða frá ríkinu í mars 2009.
Saga og VBS fengu samtals 46
milljarða króna lánaða. Lánin voru
til sjö ára á 2% vöxtum. Markaðs-
vextir á þeim tíma voru um 12%.
Báðir bankarnir tekjufærðu vaxta-
áhrif lánsins afturvirkt í ársreikn-
ingum sínum fyrir árið 2008. Við
það varð eiginfjárstaða bankanna
jákvæð og þeir keyptu sér auk-
inn líftíma. VBS féll innan við ári
síðar. Hann greiddi aldrei af lánun-
um. Lýstar kröfur í bú hans námu
um 48 milljörðum króna. Ekki er
búist við því að mikið fáist upp í
þær. Starfsleyfi Sögu var nýverið
afturkallað. Einungis tveir starfs-
menn eru eftir hjá fyrirtækinu.
Seðlabanki Íslands er eigandi Sögu
í dag. Askar Capital, sem fékk 6
milljarða króna lán frá ríkinu,
er líka gjaldþrota. Alls var 41,5
milljörðum króna kröfu lýst í bú
bankans en litlar sem engar eignir
eru í því. Leiði skoðun ESA í ljós
að ríkis aðstoðin sem bönkunum
þremur var veitt brjóti í bága við
ákvæði EES-samningsins verður
óskað eftir því að íslensk stjórn-
völd krefji viðtakendurna um end-
urgreiðslu hennar. Tveir fjárfest-
ingabankanna eru gjaldþrota og
einn er hættur nánast allri starf-
semi. - þsj
Formlega rannsókn á lánveitingum ríkisins:
ESA rannsakar lán til
VBS, Sögu og Aska
FJÁRMÁLARÁÐHERRA Steingrímur J. Sigfússon var nýtekinn við ráðherraembætti
þegar lánin voru veitt.
þeirra. Það gerðist síðast í ágúst
þegar hlutaféð var aukið um 6,4
milljarða króna.
Að sögn Péturs eru erlendir vog-
unarsjóðir á meðal þeirra sem hafa
eignast hluti með þessum hætti.
„Það hafa komið inn kröfur í þeirra
eigu sem hafa verið samþykktar og
þeim síðan breytt í hlutafé. Síðan
höfum við orðið varir við að ýmsir
aðilar hafa verið að selja kröfur
sínar til vogunarsjóða sem hafa þá
stækkað sem eigendur. Sumir vog-
unarsjóðanna hafa reyndar verið
stórir eigendur frá því að nauða-
samningurinn var samþykktur en
ég hef tekið eftir því að þeir hafa
verið að bæta við sig.“
thordur@frettabladid.is