Fréttablaðið - 24.11.2011, Blaðsíða 50

Leysið upp gerið í vatninu í u.þ.b.
10 mínútur í lítilli skál. Blandið svo
hveiti, olíu, salti, sykri og gerinu og
hrærið þar til deigið er stíft. Látið lyfta
sér í u.þ.b. 30 mínútur undir rökum
klút. Hitið ofninn í 175 gráður.
Hvolfið deiginu á hveitistráð borð og
hnoðið létt.
Skiptið deginu í fjóra hluta og fletjið
út í litlar pitsur.
Smyrjið sósu á helming pitsunnar og
stráið mozzarella-osti yfir.
Flettið ósmurða helmingnum yfir
áleggið og klípið saman kantana svo
ekki leki út.
Bakið í u.þ.b. 20 mínútur.
EINFALT PITSADEIG
1 bréf þurrger
1 bolli volgt vatn
2 bollar hveiti
2 msk. ólífuolía
1 tsk. salt
2 tsk sykur
Þegar allir eru orðnir leiðir á fjölskyldupitsunni á
fimmtudögum eru hálfmánar einföld útfærsla til
að breyta örlítið til. Þægilegast er að nota sömu
uppskriftina að pitsubotninum en einnig er hægt
að finna ýmiskonar útfærslur á vefnum. Ef venj-
an var að hver fengi að velja álegg á sitt horn á
fjölskyldupitsuna er sniðugast að skipta deiginu
niður og búa til einn hálfmána á mann. Hver og
einn getur svo fyllt sinn hálfmána með uppáhalds
álegginu.
Eftirfarandi uppskrift er einföld og þægileg og
kemur af uppskriftavefnum www.allrecipes.com.
Einn máni á mann
Heimabökuð pitsa er hentug í kvöldmatinn á stóru heimili og hver getur valið álegg að vild. Hálfmánar
geta verið skemmtileg tilbreyting en nota má sömu uppskrift og í pitsuna.
Einfaldast er að fylla hálfmánann með sósu úr tómötum og
mozzarella-osti. Þá bragðast hann líka vel fylltur með skinku,
sveppum og lauk.
Gott er að klípa saman kantinn á hálfmánanum eða brjóta upp
á hann svo sósan leki ekki út í ofninum. Sumir stinga göt með
prjóni í mánann áður en hann fer í ofninn svo hann þenjist ekki
um of. NORDIC PGOTOS/GETTY
Tími smákökubaksturs fer nú í
hönd. Hér er uppskrift að ljúfum
eggjahvítukökum með kornflexi.
Þær eru sykursætar og stökkar,
hálfgert sælgæti sem gaman er
að bjóða upp á.
Himneskar eggjahvítukökur
með kornflögum
2 eggjahvítur
1 bolli sykur
1 bolli kókosmjöl
1/2 tsk. van-
illudropar
2 bollar kornflex
1/2 bolli skornar hnetur
1/2 bolli súkkulaði
Stífþeyta saman eggjahvítur og
sykur þar til úr er orðinn hvítur massi.
Blanda þurrefnum og dropum
varlega saman við. Deigið má
ekki bíða. Raðað á
smurða plötu með
teskeið í fallega
píramídalögun.
Bakað gulbrúnt
við góðan hita í
nokkrar mínútur.
Himneskar
smákökur
Eggjahvítukökurnar eru á við besta
konfekt og eru léttar og stökkar.
Hnetur eru þurraldin með eitt fræ. Veggir fræhylkisins
verða harðir þegar það nær fullum þroska og fræið
er laust frá fræhylkinu. Hnetur innihalda mikið af
olíu og eru eftirsóttur matur og orkugjafi.