Fréttablaðið - 24.11.2011, Blaðsíða 74

24. nóvember 2011 FIMMTUDAGUR58
Miðasala á gamlabio.is
og midi.is. Símanúmer í
miðasölu 563 4000.
Opið mán.-mið. 14:00-18:00
og fim.-sun. 14:00-20:00.
STEINI
PÉSI
&GAUR Á TROMMU
Fimmtudagur 24.11.11 20:00
Föstudagur 25.11.11 22:30
Laugardagur 03.12.11 22:30
Fimmtudagur 08.12.11 22:30
Fimmtudagur 15.12.11 20:00
Föstudagur 16.12.11 22:30
Örfá sæti laus!
Örfá sæti laus!
Aukasýning!
Aukasýning!
Síðustu
sýninga
r
fyrir jól!
Steinar Júlíusson hönnuður
hefur verið búsettur í Sví-
þjóð í eitt ár. Hann komast
nýverið í eftirsótt starfs-
nám hjá framleiðslufyrir-
tækinu Acne.
„Ég er virkilega ánægður hérna
enda alltaf líf og fjör innan fyrir-
tækisins,“ segir Steinar Júlíusson,
grafískur hönnuður, um starfsnám
sitt hjá Acne Production í Stokk-
hólmi.
Framleiðslufyrirtækið er það
fremsta í sinni röð í Svíþjóð og
hefur hlotið ýmis verðlaun en
Acne Productions framleiðir
meðal annars auglýsingar fyrir
fyrirtæki á borð við Ikea, Hennes
& Mauritz, Toyota, Nokia og SAS.
Einnig hefur fyrirtækið nýlokið
við að framleiða sína fyrstu bíó-
mynd í fullri lengd en undir Acne-
merkinu má einnig finna fata-
merkið Acne Fashion and Denim,
sem hefur aldeilis verið að sækja
í sig veðrið undanfarið ár, sem og
Acne Communications.
„Við erum hér á besta stað í
bænum allt fyrirtækið, í gömlu
húsi í Gamla Stan í Stokkhólmi, og
það er auðvitað samgangur milli
deilda. Tískumerkið er mjög frægt
og yfirleitt er mikið í gangi þegar
verið er að undirbúa sýningar og
þegar fatalínurnar koma út,“ segir
Steinar en hann hóf störf hjá Acne
fyrir mánuði en hann hefur búið í
Svíþjóð ásamt fjölskyldu sinni í eitt
ár. Áður en Steinar flutti út lauk
hann námi í grafískri hönnun við
Listaháskólann og vann meðal ann-
ars á auglýsingastofum hér á landi.
Steinar lauk diplómanámi í
hreyfihönnun frá Hyper Island í
vor og sótti í kjölfarið um starfs-
nám hjá Acne, sem er mjög eftir-
sóttur vinnustaður í þessum geira.
Hann sér núna um að klippa og
laga efni að internetinu og búa til
hreyfigrafík á vefi. „Flest fyrir-
tæki vilja gera vefi aðgengilegri
fyrir notendur sína núna. Efni sem
er lifandi og gagnvirkt er vinsælt.“
Steinar fullyrðir að starfsnámið
sé í raun eins og eitt langt atvinnu-
viðtal. „Þó að ég sé í lærlings-
stöðu er ég fullgildur starfsmaður
og auðvitað vonast ég eftir að fá
vinnu hér að starfsnáminu loknu,“
segir Steinar, en því lýkur um ára-
mótin.
Steinar hlaut á dögunum styrk
úr Hönnunarsjóði Auroru sem
fleytir honum áfram á meðan á
starfsnáminu stendur. „Þetta var
frábært og algjör forsenda fyrir
því að ég get verið í þessari stöðu.
Styrkurinn jafngildir þriggja mán-
aða launum.“
Steinari og fjölskyldu líkar vel í
Stokkhólmi og geta þau vel hugsað
sér að vera þar í nokkur ár enn.
„Hér er gott að búa og við búin að
koma okkur mjög vel fyrir.“
alfrun@frettabladid.is
Ánægður hjá fremsta fram-
leiðslufyrirtæki Svíþjóðar
EINS OG LANGT ATVINNUVIÐTAL Grafíski hönnuðurinn Steinar Júlíusson segir starfs-
nám sitt hjá fremsta framleiðslufyrirtæki Svíþjóðar vera eins og langt atvinnuviðtal
en hann vonast að sjálfsögðu eftir að fá vinnu þar að loknu lærlingstímabilinu um
áramótin. MYND/HENRIKGÅNHEIM
Jimi Hendrix hefur verið kjör-
inn besti gítarleikari sögunnar
af tímaritinu Rolling Stone. Þessi
niðurstaða kemur líklega fáum á
óvart enda hefur Hendrix lengi
verið talinn einn sá allra fremsti.
Í öðru sæti lenti Eric Clapton og
þar á eftir kom Jimmy Page úr
Led Zeppelin. Fjöldi sérfræðinga
úr tónlistarheiminum, þar á meðal
Tom Morello, gítarleikari Rage
Against the Machine, tók þátt í
valinu ásamt blaðamönnum Roll-
ing Stone. „Jimi Hendrix víkkaði
út hugarheim okkar um rokktón-
list. Notkun hans á gítarnum var
einstök, rétt eins og frammistaða
hans í hljóðveri og uppi á sviði,“
sagði Morello. Aðrir sem komust
á listann voru Keith Richards, Jeff
Beck, B.B. King og Chuck Berry.
Hendrix þótti bestur
BESTUR Jimi Hendrix hefur verið valinn
besti gítarleikari sögunnar.
Tileinkuðu Magneu sigurinn
„Af því að Magnea er einfald-
lega besti íslenskukennarinn á
landinu og við vildum skila þess-
ari kveðju til hennar. Við vorum
ótrúlega ánægð með að geta
gert það og að hún skyldi vera
að horfa á,“ segja þær Margrét
Ósk Einarsdóttir, Þorbjörg Tinna
Hjaltalín og Eglé Sipaviciute.
Þær tóku allar þát í siguratriði
hæfileikakeppninnar Skrekks
sem að þessu sinni kom frá
Háteigsskóla. Hópurinn ákvað að
tileinka sigurinn Magneu Hrönn
Stefánsdóttur, kennara í skólan-
um, sem greindist með krabba-
mein skömmu áður en keppnin
fór fram.
Stelpurnar viðurkenna að frétt-
irnar af veikindum Magneu hafi
haft mikil áhrif á nemendurna,
hún sé ákaflega vel liðin meðal
þeirra. Og þær vonast til að hún
nái bata sem allra fyrst, hennar
sé sárt saknað. Þær vildu nýta
tækifærið og koma á framfæri
kærri kveðju til Magneu í Frétta-
blaðinu – henni er hér með komið
á framfæri.
Stelpurnar viðurkenna að þeim
líði næstum eins og þjóðhetjum
á göngum skólans. „Við erum
allavega enn þá með medalíuna
um hálsinn.“ Og þær segja að
leiðbeinandi þeirra, Kolbrún
Anna Björnsdóttir, eigi mikinn
heiður skilinn, hún hafi sýnt
þeim ótrúlega þolinmæði þegar
þau hafi kannski verið á verstu
stigum gelgjunnar, eins og þær
komast sjálfar að orði. „Hún er
drottningin, ekki nokkur spurn-
ing. Og það er ótrúlegt að hún
skuli hafa tekið sér allan þennan
tíma í þetta,“ segja þær.
Og þegar talið berst að stóru
stundinni í Borgarleikhúsinu
segja stelpurnar að sigurtilfinn-
ingin í Borgarleikhúsinu hafi
verið ólýsanleg og spennan yfir-
þyrmandi, ekki síst þegar búið
var að tilkynna þriðja og annað
sætið. „Þetta var tvímælalaust
ein af bestu stundunum í lífi
okkar.“ -fgg
HETJUR Krökkunum úr Skrekk-hópi Háteigsskóla var vel fagnað í skólanum þegar
hópurinn var heiðraður og skólastjórinn afhenti þeim blóm af þessu tilefni.
FRÉTTABLAÐIÐ/VALLI