Fréttablaðið - 24.11.2011, Blaðsíða 63
FIMMTUDAGUR 24. nóvember 2011 47
➜ Opnanir
17.00 Björk Viggósdóttir opnar sýn-
inguna Flugdrekar í Hafnarhúsi.
17.00 Þórarinn Leifsson opnar sýningu
á völdum teikningum úr Götumálar-
anum á efstu hæð í Eymundsson í
Austurstræti. Myndinar eru unnar með
blandaðri tæki og áritaðar af höfundi.
Allir velkomnir.
➜ Félagsvist
20.00 Félagsvist Skaftfellinga og
Rangæinga verður í Skaftfellingabúð,
Laugavegi 178. Allir velkomnir.
➜ Upplestur
19.00 Lesið verður upp úr jólabókum
á Bókasafni Hafnarfjarðar. Elín Hirst,
Guðrún Ebba Ólafsdóttir, Haukur
Ingvarsson, Bryndís Björgvinsdóttir og
Ari Trausti Guðmundsson lesa upp úr
bókum sínum. Kaffihúsastemning og
Snævar Jón Andrjesson spilar á saxófón.
➜ Heimildarmyndir
17.00 Konfúsíusarstofnunin Norðurljós
sýnir heimildarmyndina Sumarhöllin
2. hluti í Odda 101. Allir velkomnir og
aðgangur er ókeypis.
➜ Bókmenntir
17.00 Úgáfu bókarinnar Rikka og töfra-
hringurinn í Japan verður fagnað með
japanskri stemningu í Skipholti 50 C
milli kl. 17 til 19. Allir velkomnir.
20.00 Norræna húsið í samvinnu við
Hið íslenska bókmenntafélag býður á
höfundakvöld. Gestur kvöldsins er hinn
sænski Herman Lindqvist. Hann kynnir
rit sitt Napóleon, sem nú kemur út í
íslenskri þýðingu Borgþórs Kjærnested.
Tríó Inga Bjarna Skúlasonar flytur nokk-
ur sænsk þjóðlög og Sænska sendiráðið
býður upp á veitingar.
➜ Kynningar
18.00 ÍT ferðir verða með ferðakynn-
ingu á göngu-, sögu- og menningarferð-
um árið 2012. Fundurinn verður haldinn
í húsi ÍSÍ í Íþróttamiðstöðinni í Laugar-
dal, sal D á 3. hæð. Allir velkomnir.
➜ Tónlist
22.00 Dj Einar Sonic þeytir skífum á
Bakkusi.
22.00 HúsDjús kvöld verður á Kaffi-
barnum. Gaston Lagaffe spilar rafræna
tónlist.
23.00 Símon spilar tónlist á Vega-
mótum.
➜ Listamannaspjall
20.00 Guðjón Ketilsson listamaður
ræðir við gesti Hafnarborgar um verk
sín á sýningunni Samræmi sem nú
stendur yfir. Sýningin dregur fram ein-
staka næmni og rýmishugsun tveggja
listamanna þeirra Guðjóns og Hildar
Bjarnadóttur. Aðgangur er ókeypis.
Upplýsingar um viðburði sendist á
hvar@frettabladid.is.
„Ég ætla að segja Græni hatturinn af
fenginni reynslu. Þegar hann er opinn
þá er hann góður,“ segir
Sigurður Guðmundsson
í Hjálmum. „Hann er
alltaf lokaður nema
það séu tónleikar.
Hann fellur ekki beint
í kategoríuna sem bar en
hann er engu að síður bar
og er virkilega góður.“
Besti barinn: Sigurður Guðmundsson í Hjálmum
Græni hatturinn
er góður
„Þetta er bara gamla góða sjóvið,
eins og landinn þekkir það,“ segir
Jóhannes Bachmann, nýráðinn
markaðsstjóri Broadway.
Annað kvöld verður frumsýnd
sextíu ára afmælissýning tónlist-
armannsins Magnúsar Kjartans-
sonar, My Friends and I. Jóhannes
segir að stefnan sé að endurvekja
þá stemningu þegar Íslendingar
fóru út að borða í hópum, horfðu
á sýningar og dönsuðu svo fram
á rauða nótt. „Það voru stundum
6-800 manns á hverju sjóvi, fyrir
utan þá sem komu á böllin. Þetta er
ótrúlega skemmtilegt.“
Jóhannes segir að Broadway-
nafnið sé 30 ára í ár og á næsta ári
verði Broadway á Hótel Íslandi 25
ára. Af þessu tilefni hefur aðeins
verið flikkað upp á staðinn, hann
málaður og ljósa- og hljóðkerfi
endurnýjað. Á næsta ári er stefnan
að fleiri sýningar líti dagsins ljós.
„Vonandi tvær til fjórar,“ segir
Jóhannes.
Af hverju heldurðu að tími slíkra
sýninga sé aftur kominn? Er þetta
eitthvað afturhvarf til fyrri tíma
eftir hrun?
„Já og nei. Það er samt aðallega
það að ég held að fólk um og yfir
fertugu vilji svona skemmtanir.
Það er farið að finna fyrir leiða á
göngutúrum niðri í miðbæ um helg-
ar. Fólk vill fara á einn almenni-
legan stað með dansgólfi. Hér er
stærsta dansgólfið svo fólk getur
skemmt sér gríðarlega vel.“ - hdm
Endurvekur sjóvin á Broadway
JÓHANNES BACHMANN Markaðsstjóri
Broadway frumsýnir sýningu með
Magga Kjartans á morgun. Hann vill
endurvekja gömlu stemninguna þegar
fólk fór á sjóv og á dansleik á eftir.
FRÉTTABLAÐIÐ/GVA