Fréttablaðið - 24.11.2011, Page 6

24. nóvember 2011 FIMMTUDAGUR6
Læknastö›in • Kringlunni
Sími 568 7777 • heyrnarstodin.is
Nýjustu
heyrnartækin
og ókeypis heyrnarmæling
Komdu í ókeypis heyrnarmælingu og kynntu þér
nýjustu heyrnartækin sem við höfum að bjóða.
Þú trúir örugglega ekki þínum eigin augum
– hvað þá eyrum!
EGYPTALAND Ekkert lát var á mót-
mælum og átökum í Egyptalandi
í gær, fimmta daginn í röð, þrátt
fyrir að herforingjastjórnin hefði
lofað að hraða forsetakosningum
svo stjórnarskipti gætu orðið fyrir
mitt næsta ár.
Vaxandi gagnrýni er á herfor-
ingjastjórnina á alþjóðavettvangi.
Navi Pillay, mannréttinda-
fulltrúi Sameinuðu þjóðanna, for-
dæmir stjórnina fyrir óhóflega
valdbeitingu gegn mótmælendum.
Mannréttindasamtökin Amnesty
International segja herforingjana
ekki hafa efnt loforð um mann-
réttindaumbætur og bera ábyrgð á
alvarlegum mannréttindabrotum.
Bandaríkin og framkvæmda-
stjóri Sameinuðu þjóðanna hafa
lýst miklum áhyggjum af þróun
mála í Egyptalandi og þýsk stjórn-
völd hvetja til þess að herforingj-
arnir láti völd sín sem fyrst af
hendi til borgaralegrar stjórnar.
„Sumar þeirra mynda, sem
borist hafa frá Tahrir-torgi, þar
á meðal af grimmilegum bar-
smíðum á mótmælendum sem þó
var búið að yfirbuga, eru sérlega
óhugnanlegar, og sama er að segja
um frásagnir af því að óvopnaðir
mótmælendur hafi verið skotnir
í höfuðið,“ sagði Pillay í yfirlýs-
ingu.
Hún hvatti til þess að án tafar
yrði gerð sjálfstæð rannsókn á
atburðunum og þeir dregnir til
ábyrgðar sem stóðu þannig að
verki.
Síðan herforingjastjórnin tók
við völdum af Hosní Múbarak
í febrúar á þessu ári hafa þús-
undir manna verið handteknar.
Á níunda hundrað manns hefur
látið lífið og þúsundir manna hafa
særst.
„Vonir sem vöknuðu meðal
íbúa Egyptalands eftir að Hosní
Múbarak var komið frá völdum
hafa verið kæfðar og ný stjórn
kúgunar í raun tekið við,“ segir
í tilkynningu frá Amnesty Int-
ernational, sem hefur birt nýja
skýrslu um ástandið í Egyptalandi
þar sem farið er yfir þau mann-
réttindabrot sem framin hafa
verið á mótmælendum.
Í skýrslunni kemur fram að
herforingjarnir hafa ekki staðið
við orð sín um úrbætur og ástand
mannréttinda jafnvel versnað
frekar en lagast.
Um síðustu helgi sauð upp úr og
mótmælin hófust að nýju. Síðan
þá hafa hátt í fjörutíu manns
látið lífið og að minnsta kosti
tvö þúsund særst, flestir af völd-
um gúmmíkúlna sem her og lög-
regla hafa skotið á mótmælendur.
Margir hafa einnig þurft aðhlynn-
ingu eftir að hafa andað að sér
gasi.
Bæði herinn og lögreglan neita
að hafa notað venjulegar byssu-
kúlur á mótmælendur, en mann-
réttindasamtökin Human Rights
Watch hafa eftir starfsfólki í lík-
húsum að 20 manns hið minnsta
hafi látist af völdum skotsára.
Pilay segir aðgerðir hers og
lögreglu magna reiði almennings
og hvetja fleiri til þátttöku í mót-
mælunum: „Því fleiri sem fólk sér
flutt á brott í sjúkrabifreiðum, því
ákveðnari og kraftmeiri verða
mótmælendurnir,“ sagði hún.
gudsteinn@frettabladid.is
Herforingjastjórnin sögð
hafa brugðist byltingunni
Sameinuðu þjóðirnar krefjast óháðrar rannsóknar á atburðunum í Egyptalandi. Amnesty International
sakar herforingjana um alvarleg mannréttindabrot. Tugir mótmælenda hafa látið lífið síðustu daga.
ANDSPÆNIS LÖGREGLUNNI Nokkrir mótmælendur skýla sér bak við skjöld á Tahrir-torgi í Kaíró, en lögreglan bíður átekta. Mótmælendur áttu von á gasi frá lögreglu og voru
við öllu búnir. NORDICPHOTOS/AFP
BRETLAND, AP Ólöglegar sím-
hleranir voru stundaðar víða
á breskum síðdegisblöðum,
að sögn lögmanns nokkurra
einstaklinga sem urðu fyrir
barðinu á þeim.
Lögmaðurinn Mark Lewis
segir marga blaðamenn hafa
talið þetta álíka léttvægt brot
og að aka aðeins of hratt í
umferðinni.
Útgáfu vikublaðsins News
of the World var hætt í sumar
þegar ljóst þótti að blaðamenn
þar hefðu byggt fréttir á hler-
uðum símaskilaboðum.
„Að vissu leyti kenni ég í
brjósti um News of the World,
eða í það minnsta lesendur þess
blaðs, vegna þess að þetta var
miklu útbreiddara en bara á
einu blaði,“ sagði lögmaðurinn
Lewis. - gb
Símhleranir í Bretlandi:
Mörg síðdegis-
blöð hleruðu
TYRKLAND, AP Recep Tayyip
Erdogan, forsætisráðherra Tyrk-
lands, baðst í gær afsökunar á
fjöldamorðum á Kúrdum þegar
tyrkneski her-
inn braut upp-
reisn þeirra
á bak aftur á
fjórða áratug
síðustu aldar.
Nærri fjórtán
þúsund Kúrdar
voru drepnir á
árunum 1936-39
í bænum Der-
sim í austan-
verðu landinu. „Ef þörf er á afsök-
unarbeiðni af hálfu ríkisins,“
sagði Erdogan á þingi, „þá mun ég
biðjast afsökunar, og ég er að biðj-
ast afsökunar.“ Þetta er í fyrsta
sinn sem tyrknesk stjórnvöld biðj-
ast afsökunar á drápunum.
- gb
Erdogan forsætisráðherra:
Kúrdar beðnir
afsökunar
RECEP TAYYIP
ERDOGAN
VIÐSKIPTI Lággjaldaflugfélagið
WOW Air mun hefja flug til og frá
Íslandi 1. júní. Skúli Mogensen,
stjórnarformaður félagsins, kynnti
starfsemi þess á blaðamannafundi
á Kex hosteli í gær. Sala farmiða
hófst í gær en flogið verður til tólf
áfangastaða í Evrópu.
Á fundinum sagði Skúli að félagið
myndi leggja áherslu á að bjóða upp
á ódýra og skemmtilega þjónustu.
Það yrði samkeppnishæft og stund-
víst á sínum leiðum og myndi bjóða
frábæra þjónustu.
Skúli sagði Íslendinga oft gleyma
því hve Ísland væri magnað. Útlend-
ingar sem hingað kæmu upplifðu
Ísland sem „WOW“ og það væri upp-
lifunin sem flugfélagið vildi kynna
farþega sína fyrir.
„Við erum ekki að horfa á þetta
sem samkeppnismarkað. Við erum
að horfa á tækifæri til að stækka
kökuna,“ sagði Skúli og bætti við:
„Það er algjörlega raunhæft að ætla
að tvöfalda fjölda farþega til og frá
Íslandi á næstu fimm árum. Þar
liggur tækifærið.“
Með tilkomu flugfélagsins verða
til 50 störf auk allt að 20 starfa fyrir
flugmenn. Íslenskir flugmenn verða
ráðnir eftir því sem kostur er. Flug-
vélar fyrirtækisins verða af gerð-
inni Airbus A320 og mun það leggja
upp með að hafa flugvélar sem er
vel haldið við og líta vel út. Það
er fyrirtækið Avion Express sem
útvegar flugvélarnar en það er að
hluta í eigu Davíðs Mássonar sem
tekur einnig sæti í stjórn WOW Air.
Félagið hefur verið að fullu fjár-
magnað en það er í meirihlutaeigu
fjárfestingarfélagsins Títan sem
er í eigu Skúla Mogensen. Aðrir
hluthafar eru Baldur Oddur Bald-
ursson, sem er framkvæmdastjóri
fyrirtækisins, og Matthías Ims-
land. - mþl
Lággjaldaflugfélagið WOW Air hóf sölu farmiða í gær en fyrstu flug félagsins verða 1. júní 2012:
WOW Air flýgur til tólf staða í Evrópu
KEX HOSTEL Í GÆR Jóna Lovísa Jónsdótt-
ir, prestur á Akureyri og fitnessmeistari,
opnaði vef WOW Air og blessaði fyrir-
tækið á blaðamannafundi í gær.
FRÉTTABLAÐIÐ/ANTON
KJÖRKASSINN
Átt þú spjaldtölvu?
JÁ 8,9%
NEI 91,1%
SPURNING DAGSINS Í DAG:
Hefur þú skoðað flug til út-
landa með nýju flugfélögunum
sem í boði eru?
Segðu þína skoðun á vísir.is.