Fréttablaðið - 24.11.2011, Qupperneq 86
24. nóvember 2011 FIMMTUDAGUR70
BESTI BITINN Í BÆNUM
Ef hollustan er í fyrirrúmi
mundi ég velja Saffran en ef
maður á að sleppa sér smá er
Gamla smiðjan alveg málið.
Davíð Óskar Ólafsson, leikstjóri og fram-
leiðandi hjá Mystery Island
„Í huga Hollywood og kvik-
myndaveranna snýst allt um end-
urgreiðsluna, hún er sett ofar
skapandi gildum. Og ef íslensk
stjórnvöld hækka endurgreiðslu
úr þrettán prósentum í tuttugu á
það eftir breyta samkeppnisstöðu
Íslands til að fá erlendar kvik-
myndir til landsins mjög mikið.
Önnur svæði og önnur lönd hafa
vissulega hærri endurgreiðslu en
Ísland er bara einstakt. Hækkun
endurgreiðslunnar mun allavega
hafa mikið um mína mynd að
segja og nánast ráða úrslitum
hvort við komum eða ekki,“ segir
bandaríski leikstjórinn Darren
Aronofsky í samtali við Frétta-
blaðið.
Ísland kemur alvarlega til
greina sem helsti tökustaður kvik-
myndar Aronofsky um Nóa og örk-
ina hans. Leikstjórinn er staddur
hér á landi til að kynna sér aðstæð-
ur en það er framleiðslufyrirtæk-
ið True North sem hefur veg og
vanda af komu hans hingað. Aron-
ofsky er einn virtasti leikstjóri
sinnar kynslóðar en síðustu tvær
kvikmyndir hans, The Wrestler
og Black Swan, hafa notið mik-
illar velgengni. „Þetta er í annað
sinn sem ég kem hingað vegna
þessa verkefnis og Ísland hentar
fullkomlega fyrir myndina,“ segir
Aronofsky en hugmynd hans er að
taka upp sköpun jarðar, aldingarð-
inn Eden og svo þann forsögulega
tíma sem Nói lifði á samkvæmt
fyrstu Mósebók.
Aronofsky hefur verið að kynna
sér hálendi Ísland og Norðaustur-
land, meðal annars Mývatn. „Ég á
ekki orð yfir fegurðina og það sem
er svo heillandi er að maður er
enga stund að koma sér á áfanga-
stað. Fyrir kvikmyndagerðarmann
frá New York er það mikill kostur.“
Aronofsky kom til landsins á
laugardag og hefur verið á stans-
lausum þönum síðan þá. „Við rétt
DARREN ARONOFSKY: ÍSLENSK STJÓRNVÖLD GETA GERT GÆFUMUNINN
Ísland skoðað fyrir stór-
mynd um örkina hans Nóa
náðum að losa okkur við farangur-
inn á hótelinu og höfum bara verið
á ferðalagi síðan,“ en leikstjórinn
var á leiðinni upp í flugvél vest-
ur um haf þegar Fréttablaðið
náði tali af honum. Christian Bale
hefur einna helst verið orðaður við
hlutverk Nóa samkvæmt banda-
rískum fjölmiðlum en Aronofsky
vildi ekkert tjá sig um það mál.
„Það eru viðræður hafnar við leik-
ara og ég lofa því að það verður
einhver mjög góður sem fær þetta
hlutverk.“ Það yrði þá ekki í fyrsta
skipti sem Bale kæmi hingað til
lands en hann lék Bruce Wayne
eða Leðurblökumanninn þegar
tökur á Batman Begins fóru fram
hér á landi.
Aronofsky lýkur miklu lofsorði
á Ísland og segir landið mikinn
innblástur fyrir sig. „Ég fékk hug-
myndina að Nóa fyrir tíu árum og
hélt auðvitað að þessi mynd gæti
varla orðið að veruleika enda er
hún gríðarlega stór umfangs. En
velgengni bæði The Wrestler og
Black Swan hafa opnað ansi marg-
ar dyr,“ segir Aronofsky en talið
er að hún muni kosta í kringum
130 milljónir dollara.
freyrgigja@frettabladid.is
HEITASTI LEIKSTJÓRINN
Darren Aronofsky hefur verið á landinu að
undanförnu að skoða heppilega tökustaði
fyrir kvikmynd sína um örkina hans Nóa.
Christian Bale hefur einna helst verið
orðaður við hlutverk Nóa í bandarískum
fjölmiðlum. Kvikmyndin mun kosta 130
milljónir dollara í framleiðslu eða fimm-
tán milljarða íslenskra króna. NORDICPHOTOS/GETTY
„Það er fyrst og fremst forvitni sem rekur
mig af stað,“ segir sjónvarpsmaðurinn Sölvi
Tryggvason. Hann hefur skrifað undir samn-
ing við útgáfufélagið Senu um að skrifa ævisögu
Annþórs Kristjáns Karlssonar, eins þekktasta
handrukkara í undirheimasögu Íslands.
Að sögn Sölva leitaði Annþór fyrst til hans
fyrir tveimur árum og hann viðurkennir að þá
hafi hann verið á báðum áttum. „Ég hitti hann
nokkrum sinnum til að ganga úr skugga um að
hann væri ekki lengur í afbrotum, að hann væri
edrú og væri ekki á höttunum eftir réttlætingu.
Ég leitaði líka til Margrétar Frímannsdóttur,
fangelsisstjóra á Litla-Hrauni, og spurði hvernig
hún sæi hann og hún staðfesti að hann væri í
góðum málum, hann hefði farið í meðferð og
klárað tólf spora kerfið,“ segir Sölvi og bætir því
við að Annþór sjálfur hafi sagt að nákvæmlega
ekkert gæti réttlætt það sem hann hefði gert.
„Vonandi verður bókin bara ný sýn inn í fíkni-
efnaheiminn.“
Sölvi gerir sér fullkomlega grein fyrir því
að þessi skrif eigi eftir að verða umdeild en
mikil umræða hefur verið í gangi um hvort fjöl-
miðlar hefji þekkta glæpamenn óþarflega upp
til skýjanna og geri þá aðlaðandi í augum ungs
fólks. Sölvi segist skilja þessa umræðu og telur
að hún eigi fyllilega rétt á sér og að fólk eigi eftir
að telja þessa bók algjörlega óþarfa. Fólk geti þá
einfaldlega sleppt því að kaupa bókina. „Ann-
þór er að reyna að fóta sig í samfélaginu eftir
nokkurra ára fangelsisvist. Hins vegar er það á
engan hátt nein hugmynd hjá mér að gera lítið úr
því sem hann hefur gert heldur ætla ég að reyna
svara því hvernig menn leiðast
út í þennan heim og fá sýn á
þessar hliðar íslensks samfé-
lags sem eru svo sannarlega til
staðar.“ - fgg
Sölvi Tryggva skrifar sögu Annþórs
VERÐUR UMDEILD BÓK Sölvi
Tryggvason hyggst skrifa
sögu Annþórs Kristjáns
Karlssonar, sem um
árabil hefur verið
einn alræmdasti
handrukkari landsins.
Sölvi kveðst gera sér
fyllilega grein fyrir
því að slík bók verði
alltaf umdeild, eðli
málsins samkvæmt.
„Þetta er tvísýnt. Ég ætla að hitta lækni og gera
þetta í samráði við hann,“ segir trommuleikarinn
Egill Rafnsson.
Hann varð fyrir því óláni að axlarbrotna fyrir
um tveimur og hálfum mánuði og því er þátttaka
hans í útgáfutónleikum Grafíkur 1. desember í
óvissu. „Ég get ekkert notað upphandlegginn. Ég
er handlama í raun og veru. Ég get notað fram-
handlegginn, hann er kominn í lag þannig að
ég get gutlað eitthvað með,“ segir Egill,
sem var á leiðinni heim frá Lond-
on þegar Fréttablaðið náði tali af
honum.
Atvikið átti sér stað á Esjumel-
um þar sem hann var á ferð sem
leiðsögumaður fyrir fjórhjóla-
hóp. Þegar hann keyrði fram af
sandhóli datt hann af fjórhjól-
inu sínu og fékk það síðan yfir
sig.
Þegar slysið varð var Egill
nýbúinn að ráða sig sem
trommuleikara í hljóðveri í
London og var búinn að útvega
sér íbúð þar í borg fyrir fjöl-
skylduna sína. Þar hafa þau dvalið
á meðan Egill hefur verið að jafna
sig en óvíst er hvort starfið í hljóð-
verinu stendur enn til boða. „Það
verður að koma í ljós hvað þeir
nenna að bíða eftir mér lengi. Þetta
var fyrst hálfsársverkefni en ég
vona bara það besta. Þetta stúdíó er
ekkert voðalega merkilegt en hefði
kannski getað verið byrjunin á ein-
hverju.“
Ný heimildarmynd um Grafík
verður frumsýnd á Ísafirði í kvöld og
útgáfutónleikarnir verða í Austurbæ
í tilefni af safnpakka með sveit-
inni sem spannar þrjátíu ára feril
sveitarinnar. Faðir Egils, Rafn, sem
er látinn, var einn af upphaflegum
meðlimum Grafíkur. - fb
Vill tromma þrátt fyrir axlarbrot
ÓVISSA Óvíst er hvort Egill geti tekið þátt í
tónleikum Grafíkur vegna axlarbrots.
Upptökur á Áramótaskaupi Ríkissjónvarpsins eru
hafnar. Stór hópur leikara og tökuliðs var áberandi í
Hörpunni í gær og voru erlendir ferðamenn nokkuð
undrandi þegar tökur á einu atriðinu drógust á
langinn. Í því rak kona upp hátt öskur og kipptust
ferðamennirnir því reglulega við. Laddi var einn
leikaranna og af gervinu að dæma
á hann að leika Ólaf Ragnar
Grímsson, forseta Íslands.
Þá gekk Alexander
Briem um ganga
Hörpunnar með hljóm-
borðsgítar – keytar.
Auk þess mátti sjá leik-
konur í gervum Bjarkar
Guðmundsdóttur og
Hildar Lífar.
- hdm
FRÉTTIR AF FÓLKI