Fréttablaðið - 24.11.2011, Blaðsíða 80
24. nóvember 2011 FIMMTUDAGUR64
MUTV, Liverpool TV og Chelsea TV fylgja frítt með áskrift að Stöð 2 Sport 2
Þú færð meirafyrir peningana
512 5100 STOD2.IS VERSLANIR VODAFONE VERSLANIR OG ÞJÓNUSTUVER SÍMANS 800 7000VILDARÁSKRIFT AÐ STÖÐ 2 SPORT INNIHELDUR
Misstu ekki trúna
um jólin!
Sjá! Ég boða yður mikinn fögnuð sem veitast mun öllum lýðnum:
Sex heilar umferðir í desember og meira til! Hvaða jólastjarna
blikar skærast í ár? Finnur Liverpool galdrana í gömlu skónum
hans Kennys? Nær þjálfarinn með rauða trýnið að koma
drengjunum sínum til himna á ný? Svörin opinberast í sex
helgileikjum með þínu liði í jólamánuðinum.
Og minnstu þess að halda sunnudaginn heilagan. Þá koma
vitringarnir tveir og færa þér gjafir sínar – bull, ergelsi og firru!
Sjáðu sex helgileiki með þínu liði í desember.
Tryggðu þér áskrift!
Gefðu áskriftarkort að Stöð 2 Sport 2 í jólagjöf.
Það fæst hjá okkur í Skaftahlíðinni!
FÓTBOLTI Enskir fjölmiðlar hafa
fjallað um fátt annað meira á yfir-
standandi tímabili í ensku úrvals-
deildinni en kynþáttafordóma og
meint kynþáttaníð leikmanna á
milli.
John Terry, fyrirliði Chelsea
og enska landsliðsins, hefur verið
í hringiðu umræðunnar eftir að
hann var sakaður um að hafa notað
niðrandi orð í garð Antons Ferdin-
and, varnarmanns QPR, í leik lið-
anna fyrr í haust.
Leik þessara grannliða frá
Lundúnum lauk með 1-0 sigri QPR,
en Heiðar Helguson skoraði eina
mark leiksins úr vítaspyrnu. Í gær
var mánuður liðinn síðan ásakan-
irnar í garð Terry komu fram og
er enn engin niðurstaða komin,
hvorki úr rannsókn enska knatt-
spyrnusambandsins né lögregl-
unnar í Lundúnum.
Heiðar segir að síðan þá hafi
leikmenn QPR rætt þetta mál
mikið sín á milli en þeir óski sér
helst að það verði leitt til lykta sem
allra fyrst.
Óvissan er orðin þreytandi
„Þetta hefur verið mjög mikið rætt
og ég held að við allir séum komn-
ir með nóg af þessu máli,“ sagði
Heiðar við Fréttablaðið um helgina
og telur að seinagangurinn í rann-
sókn málsins hafi gert illt verra.
„Það eru allir komnir með nóg
vegna þess að enska knattspyrnu-
sambandið hefur ekki gert neitt í
þessu. Sú óvissa um hvort og hvað
verði gert í málinu hefur hangið
yfir liðinu í langan tíma. Það
verður að fara að drífa þetta af.“
Kynþáttaníð hefur verið ansi
áberandi í haust, bæði út af
þessu máli og deilu Luis Suarez
og Patrice Evra. Svo blandaði
Sepp Blatter, forseti FIFA, sér í
umræðuna á eftirminnilegan máta
þegar hann sagði að allar slíkar
deilur mætti leysa með handabandi
í lok leikja.
„Þetta er nú ekki í fyrsta sinn
sem trúðurinn í FIFA kemur fram
með skrautleg ummæli og enskir
fjölmiðlar hafa velt sér mikið upp
úr því. Það er bara óskandi að þetta
leysist sem fyrst fyrir alla aðila,“
segir Heiðar, sem skoraði tvö mörk
í 3-2 sigri QPR á Stoke um helgina.
Hann segir stemninguna mjög
góða í herbúðum liðsins.
Stjórinn er klókur
„Frammistaða okkar í síðustu
leikjum endurspeglar hversu
góður liðsandi er innan hóps-
ins. Við erum allir mjög sam-
stilltir,“ segir Heiðar, en QPR er
nú í níunda sæti deildar innar.
„Kannski hélt stjórinn [Neil
Warnock] að við þyrftum lengri
tíma til að ná saman en hann hefur
verið mjög klókur í sínum leik-
mannakaupum. Hann hefur keypt
leikmenn sem hafa reynslu og
vita út á hvað enska úrvalsdeildin
gengur. Það getur verið erfitt að
kaupa erlenda leikmenn sem þurfa
svo tíma til að aðlagast boltanum.
Við höfum bara ekki tíma til þess.“
eirikur@frettabladid.is
Allir búnir að fá nóg af þessu máli
Heiðar Helguson segir að leikmenn enska úrvalsdeildarfélagsins QPR séu orðnir óþreyjufullir eftir niður-
stöðu í kynþáttaníðsdeilu John Terry og Anton Ferdinand. Stemningin innan leikmannahópsins sé þó góð.
HEIÐAR Fagnar hér einu af fimm
mörkum sínum í ensku úrvalsdeildinni í
haust. NORDICPHOTOS/GETTY
FÓTBOLTI Heiðar Helguson, sóknar-
maður QPR, hefur ekkert getað
æft með liði sínu í vikunni eftir
að hann varð fyrir meiðslum í leik
liðsins gegn Stoke um helgina.
QPR vann leikinn, 3-2, og skoraði
Heiðar tvö mörk þrátt fyrir að
hafa fengið þungt högg í andlitið
snemma leiks.
„Því miður hefur Heiðar ekkert
getað æft og er hann tæpur fyrir
leikinn gegn Norwich á laugar-
daginn,“ sagði Neil Warnock,
stjóri QPR, í viðtali sem birtist á
heimasíðu félagsins í gær.
Heiðar hefur oft átt í vand-
ræðum með meiðsli í gegnum
tíðina en hann hefur þó spilað
hverja einustu mínútu í síðustu
fimm leikjum liðsins og skorað í
þeim fimm mörk.
Heiðar er ekki sá eini sem er
að glíma við meiðsli hjá QPR, en
Warnock hafði aðeins fimm leik-
menn á varamannabekknum gegn
Stoke um helgina. Að morgni leik-
dags veiktist Jason Puncheon og
Brian Murphy meiddist í upp-
hitun. Luke Young þurfti svo að
fara snemma meiddur af velli og
þá meiddist Armand Traore seint
í leiknum en náði þó að klára
hann. - esá
Meiðsli í herbúðum QPR:
Heiðar tæpur
fyrir næsta leik
MIKIÐ GEKK Á Paddy Kenny, markvörður QPR, lætur hér John Terry, fyrirliða Chelsea, heyra það í leik liðanna í síðasta mánuði.
Í sama leik á Terry að hafa notað kynþáttaníð um Anton Ferdinand, liðsfélaga Heiðars Helgusonar. NORDICPHOTOS/GETTY