Fréttablaðið - 08.12.2011, Síða 28

8. desember 2011 FIMMTUDAGUR28
Íslensk fjarskiptafyrirtæki hafa
hafið undirbúning fyrir innreið 4G,
fjórðu kynslóðar farskiptakerfisins,
sem mun bjóða upp á aukinn hraða í
gagnaflutningum fyrir neytendur á
næstu misserum. Enn sem komið er
eru fyrirtækin þó enn á undirbúnings-
stigi.
Kjartan Briem, framkvæmdastjóri tæknisviðs
hjá Vodafone, segir í samtali við Fréttablaðið
að þau séu í startholunum og hafi litið til Voda-
fone Global og reynslu þess í uppbyggingu
þess konar kerfa.
Kjartan segir að 4G sé klárlega hluti af
framtíðarsýn í fjarskiptum. Réttast sé þó að
horfa á öll kerfin, 4G, 3G og GSM, sem eina
heild.
„Við munum laga okkur að þeirri framtíð,
en kerfin verða eflaust öll notuð næstu árin.
Ég hef mikla trú á að 4G- og GSM-kerfið muni
lifa áfram, því að það er útbreiddasta farsíma-
tækni í heimi. Hvað varðar gagnaflutninga
mun 4G hins vegar nýta betur tæki og tíðnir
heldur en 3G og því eru líkurnar á að síma-
fyrirtæki muni frekar vilja fjárfesta í því til
lengri tíma litið. Þannig er það útbreidd trú í
fjarskiptabransanum að það verði frekar 3G
sem muni gefa eftir.“
Þó að 4G muni geta boðið upp á meiri hraða
en margar fastlínutengingar telur Kjartan ekki
líklegt að þráðlausa kerfið muni koma alfarið í
stað línutenginga til skemmri tíma litið. Hann
segir erfitt að spá um hvenær notkun 4G-
kerfisins verði orðin almenn.
„Eins og staðan er í dag er tiltölulega lítið
af tækjum á markaðnum sem styðja 4G og
það munu kannski líða þrjú til fimm ár þar til
notkun verður almenn. Þá kallar 4G á miklar
fjárfestingar ef við ætlum að ná góðri dreif-
ingu hér á Íslandi. Við munum hins vegar
fylgjast grannt með þessum málum og höfum
myndað okkur framtíðarsýn. Mín tilfinning
er að 4G muni netvæða heiminn enn frekar en
orðið er.“
Margrét Stefánsdóttir, upplýsingafulltrúi
Símans, segir fyrirtækið vera búið að sækja
um leyfi til tilraunareksturs á 4G-kerfi til
Póst- og fjarskiptastofnunar og um leið og það
sé í höfn muni tilraunir hefjast. Síminn sé þó
þegar farinn að bjóða allt að 21 Mb tengingu
með 3G á stóru svæði í höfuðborginni.
„Með því erum við komin langleiðina í 4G,
en það verður næsta skref. Eins og stendur er
ekki mikið af búnaði sem styður 4G hér á landi
og hraðinn á þessari þróun mun því að miklu
leyti ráðast af þörfum neytenda.“
Nova er komið skrefi lengra á leið en hin
fyrirtækin, þar sem það hefur þegar fengið
tilraunaleyfi og rekur 4G-kerfi sem nær frá
höfuðstöðvum fyrirtækisins í Lágmúla og
niður í miðborg.
Liv Bergþórsdóttir, framkvæmdastjóri
Nova, segir það gert til að meta fjárfestinguna
sem til þurfi við uppbyggingu kerfisins.
„Þetta verður gífurlega mikil breyting enda
býður 4G upp á tíu sinnum meiri hraða en 3G
og þrisvar sinnum meiri hraða en algengustu
ADSL-tengingar í dag.“
Liv segir að allt bendi til þess að gagnaflutn-
ingar um netið muni stóraukast á komandi
árum.
„Það er til dæmis útlit fyrir að sjónvarpsefni
muni í frekari mæli verða aðgengilegt í gegn-
um netið og við erum eiginlega á byrjunarreit
í dag.“
Liv segir að fyrst um sinn sé miðað að því
að 4G-nettengingar verði að mestu inni á
heimilum.
„3G-kerfið mun geta sinnt farsímum á næst-
unni en þetta er aðallega hugsað fyrir heima-
tengingar og þessa miklu aukningu sem við
erum að sjá í spjaldtölvunotkun.“
Hún segist ekki geta sagt til um hversu hröð
þróunin á 4G-kerfinu verði. „Ég býst þó við
því að hún verði hraðari en þegar 3G kom á
markaðinn.“ thorgils@frettabladid.is
Ég hef mikla trú á að 4G og GSM-
kerfið muni lifa áfram, því að það
er útbreiddasta farsímatækni í heimi.
KJARTAN BRIEM
FRAMKVÆMDASTJÓRI TÆKNISVIÐS HJÁ VODAFONE
VIÐSKIPTI Íslandsbanki varð í gær-
morgun fyrsta fjármálafyrirtæk-
ið sem gefur út verðbréf í íslensku
Kauphöllinni eftir bankahrun. Þá
hófust viðskipti með sértryggð
skuldabréf sem útgefin eru af
bankanum. Heildarvirði útgáf-
unnar í gær var fjórir milljarð-
ar króna og eru þau til fimm ára.
Bréfin bera 3,5% árlega verð-
tryggða vexti sem greiðast tvisv-
ar á ári. Höfuðstóllinn verður
endurgreiddur í einni greiðslu 7.
desember 2016. Útgáfan er tryggð
með safni húsnæðislána. Íslands-
banki áætlar að gefa út allt að 10
milljarða króna af sértryggðum
skuldabréfum á ári á næstu árum
til að auka fjölbreytni í fjármögn-
un sinni og endurfjármögnunar-
þörf sinni. Heildarstærð þess
útgáfuramma er 100 milljarðar
króna. Til stendur að stíga næsta
skref í útgáfu skuldabréfanna á
næstu mánuðum.
Birna Einarsdóttir, bankastjóri
Íslandsbanka, sagði á kynning-
arfundi með fjölmiðlum í gær að
eftirspurn hefði verið umfram
framboð. Áhuginn á bréfunum
hefði verið mjög dreifður á meðal
fagfjárfesta á borð við lífeyris-
sjóði, tryggingafélög og eignar-
stýringafyrirtæki.
Íslandsbanki kynnti líka níu
mánaða uppgjör sitt í gær. Bank-
inn hagnaðist um 11,3 milljarða
króna á tímabilinu og eiginfjár-
hlutfall hans var 28,8% í lok tíma-
bilsins. Búist er við því að það
lækki niður í um 20% eftir að
sameining Íslandsbanka og Byrs
er að fullu gengin í gegn snemma
á næsta ári.
Í árshlutareikningnum kom
einnig fram að alls hefðu um
17.700 einstaklingar fengið
„afskriftir, eftirgjafir eða leið-
réttingar á skuldum hjá bankan-
um“. Alls hafa þessir einstakling-
ar fengið niðurfærslu á lánum upp
á 65 milljarða króna. Að meðaltali
er um að ræða 3,7 milljónir króna
á hvern einstakling.
Þá hafa um 2.700 fyrirtæki
fengið afskrifaðar skuldir hjá bank-
anum. Samanlögð lækkun lána
þeirra er 215 milljarðar króna.
Að stærstum hluta er um að ræða
niðurfærslur vegna eignarhalds-
félaga. Afskriftir vegna gjaldþrota
nema 120 milljörðum króna. - þsj
Íslandsbanki skilar uppgjöri og gefur út skuldabréf:
Eftirspurn í bréfin
meiri en framboðið
LOKSINS HRINGT Bjöllunni í Kauphöllinni var í gærmorgun hringt í fyrsta sinn síðan í
bankahruninu. Páll Harðarson, forstjóri Kauphallarinnar, og Birna Einarsdóttir sáu um
það. FRÉTTABLAÐIÐ/GVA
VIÐSKIPTI Fyrirlagningu skýrslu
um greiningu á þörfum Íslands
fyrir fjármálakerfi og framtíðar-
skipulagi fjár-
málamarkaðar-
ins hefur verið
frestað fram á
vorþing. Í þjóð-
hagsáætlun
ársins 2012,
sem efnahags-
og viðskipta-
ráðherra lagði
fram í október,
kom fram að
leggja ætti hana fram á haust-
þingi 2011.
Árni Páll Árnason, efnahags-
og viðskiptaráðherra, segir
vinnslu skýrslunnar langt komna
en gerð hennar hafi reynst
tímafrekari en vonir stóðu til.
Á meðal þess sem fjallað er um
í skýrslunni er hvort aðskilja
eigi viðskipta- og fjárfestinga-
bankastarfsemi og hvort sam-
eina eigi Fjármálaeftirlitið og
Seðlabankann. - þsj
Skýrsla um fjármálakerfi:
Frestast fram
yfir áramót
ÁRNI PÁLL
ÁRNASON
4G er framtíðin í fjarskiptum
FJARSKIPTABYLTING Fjarskipti á 4G-kerfinu eru það
sem koma skal að mati símafyrirtækjanna, en þróunin
mun taka nokkur ár og ráðast að miklu leyti af þróun
tækjabúnaðar á neytendamarkaði. FRÉTTABLAÐIÐ/VILHELM
Peningastefnunefnd Seðlabanka
Íslands tilkynnti í gær að vöxtum
bankans yrði haldið óbreyttum um
sinn. Verðbólga er enn fyrir ofan
markmið bankans en nýleg þróun
bendir til þess að því verði náð á
næstu misserum.
Stýrivextir óbreyttir
EFNAHAGSMÁL