Fréttablaðið - 10.12.2011, Blaðsíða 128

10. desember 2011 LAUGARDAGUR100
Ég er í alvörunni að
hugsa um að ég
megi ekki klúðra vítinu þegar
ég stend á punktinum. Stelp-
urnar hafa gert grín af mér út
af þessu.
KAREN KNÚTSDÓTTIR
LEIKSTJÓRNANDI ÍSLENSKA LIÐSINS
Sigurður Elvar
Þórólfsson og
Pjetur Sigurðsson
fjalla um HM í Brasilíu
seth@frettabladid.is – pjetur@365.is
UTAN VALLAR
Sigurður Elvar Þórólfsson
segir sína skoðun
Íslenska kvennalandsliðið í hand-
bolta hefur svo sannarlega komið
á óvart á heimsmeistaramótinu
sem fram fer í Brasilíu. Þetta er
fyrsta heimsmeistaramótið hjá
stelpunum okkar en til saman-
burðar komst karlalandsliðið í
fyrsta sinn í lokakeppni HM árið
1958. Kvennalandsliðið hefur nú
komist á tvö stórmót í röð, kjarni
liðsins er ungur að árum og fram-
tíðin er því björt hjá þessu liði.
Stelpurnar okkar náðu mark-
miðum sínum með því að komast
í 16-liða úrslit og það er frábær
árangur í frumraun liðsins
á heimsmeistaramóti. Ágúst
Jóhannsson, þjálfari liðsins, er
með frábæran efnivið í höndun-
um og þetta lið á örugglega eftir
að gleðja íslensku þjóðina oftar á
stórmóti á meðan mesta skamm-
degið ríkir í desember.
Ég hef aðeins minnst á pen-
inga og afreksmál í pistlum
mínum héðan frá Santos. Fjár-
hagslegur stuðningur við afreks-
fólk er mikilvægur og það er
verk að vinna í þeim málum á
Íslandi.
Kröfurnar og væntingarnar
eru miklar en það hefur verið
lögð of lítil áhersla á að búa til
vinnuumhverfi sem aðstoðar
okkar frábæra íþróttafólk til
þess að ná árangri.
Þeir sem ætla sér að komast í
fremstu röð í heiminum í hvaða
íþróttagrein sem er byrja ekki á
því að óska eftir fjárhagslegum
stuðningi. Fyrst þarf að sanna
sig, ná árangri, sýna vinnusemi,
dugnað og æfa meira en allir
aðrir. Íþróttafólkið gerir allt
þetta nú þegar án þess að vera
að væla mikið yfir því. Það vill
ná árangri en það er erfitt að
mæla sig við þá bestu þegar ekki
er hægt að gera það sama og
keppinautarnir.
Eins og staðan er í dag þarf sá
íslenski íþróttamaður sem ætlar
sér að komast í heimsklassa að
fórna öllu til þess að ná mark-
miðinu. Það þýðir m.a. að búa á
hótel mömmu langt fram yfir
fertugsaldur.
Tvær æfingar á dag er regla
en ekki undantekning, þetta er
gert samhliða námi eða vinnu.
Og þegar upp er staðið á hinn
sami engar eignir, skuldir hafa
hrannast upp og réttur þeirra í
samtryggingarkerfinu er lítill
sem enginn.
Þessu er hægt að breyta, og
til þess þarf aðeins vilja og þor
þeirra sem forgangsraða skatt-
tekjum íslenska þjóðarbúsins.
Stelpurnar náðu markmiðinu í frumraun sinni á HM
HM 2011 Karen Knútsdóttir er heil-
inn á bak við flestar sóknarað-
gerðir íslenska kvennalandsliðs-
ins í handbolta. Leikstjórnandinn
hefur leikið vel á HM og hún fór á
kostum í 26-20 sigri Íslands gegn
Þýskalandi.
Sigurinn var sérstaklega sætur
fyrir hana þar sem Karen leik-
ur sem atvinnumaður með þýska
1. deildarliðinu HSG Blomberg-
Lippe. Karen segir að það hafi
verið erfið ákvörðun að fara til
Þýskalands en hún sér ekki eftir
því í dag.
„Ég flutti út í júlí og er að kom-
ast betur inn í hlutina. Þetta er
ungt lið, ég fæ mikið að spila og
þetta var rétt ákvörðun hjá mér
að fara til Þýskalands. Bærinn er
lítill, rétt um 15 þúsund íbúar, er
stutt frá Lemgo og í klukkutíma
fjarlægð frá Hannover. Þetta er
lítill fjölskylduklúbbur og þeir
buðu mér samning eftir að ég
lék með Fram gegn þessu liði í
Evrópukeppni.“
Karen hefur smátt og smátt náð
að aðlagast aðstæðum en í liðinu er
annar íslenskur leikmaður, Hildur
Þorgeirsdóttir, sem var í æfinga-
hóp landsliðsins fyrir HM.
„Þýskaland heillaði mig ekki,
ég lærði frönsku í Verslunarskól-
anum, og ég ætlaði aldrei að fara
til Þýskalands til þess að búa þar.
Það breyttist hinsvegar og mér
líður bara vel þarna. Ég veit samt
ekki hvort ég myndi flytja þangað
til þess eins að búa í Þýskalandi –
held ekki.“
Langar til að verða arkitekt
Karen er aðeins 21 árs gömul og
það blundar í henni að afla sér
frekari menntunar. „Ég fór í verk-
fræði eftir stúdentsprófið en Evr-
ópumeistaramótið í Danmörku
fór alveg með plönin mín í verk-
fræðinni. Ég hætti en það sem
mig langar til að gera er að læra
að verða arkitekt. Hvenær ég fer í
það verður bara að koma í ljós. Ég
ætla að einbeita mér aðeins leng-
ur að handboltanum og sjá hvað
gerist.“
Leikstjórnandinn segir að hún
aki ekki um á BMW sportbílum
eða lifi einhverju „glamúrlífi“ sem
atvinnumaður í handbolta. „Ég er
sátt við það sem ég samdi um.
Félagið útvegar húsnæði, bíl og sér
um margt annað sem tengist þessu
daglega lífi. Ég borga símareikn-
inginn og að sjálfsögðu fæ ég laun
fyrir að spila. Launin eru góð og
ég er ánægð með samninginn sem
ég gerði. Það væri gaman að geta
komist að hjá sterkara liði í fram-
tíðinni, kannski verður þetta HM
til þess að opna einhverja glugga,“
segir Karen.
Karen hefur sýnt stáltaugar
í vítaköstunum á heimsmeist-
aramótinu og hún skoraði alls 9
mörk gegn Þjóðverjum – og þar
af fjögur á lokamínútum leiksins.
Karen er ekki hávaxnasti leikmað-
urinn í íslenska liðinu en það má
ekki líta af henni í vörninni þá er
hún búin að skjóta eða brjótast í
gegn. Karen viðurkennir að hún
hafi hugsað of mikið í Þjóðverja-
leiknum þegar hún tók vítaköstin.
„Ég virðist kannski vera mjög
róleg en ég hugsa um allt of mikið.
Þegar ég tók víti í stöðunni 21-20
þá fór ég að hugsa um hvað myndi
gerast ef ég klúðraði og þær kæm-
ust í sókn og jöfnuðu. Ég fer yfir
stöðuna þegar ég tek víti og liðs-
félagarnir hafa gert grín að þessu
hjá mér. Ég er í alvöru að hugsa
um að ég megi ekki klúðra og það
tókst sem betur fer. Ég er ekkert
að fara taka eitthvað „Ólaf Stef-
áns“ víti í svona móti eða bara í
leik. Ég er ekki með taugar í það
ennþá,“ segir Karen og rifjar
upp eftirminnileg vítaköst Ólafs
Stefánssonar fyrirliða íslenska
karlalandsliðsins.
Ágúst Jóhannsson þjálfari
kvennalandsliðsins fær mikið
hrós hjá Karen. „Gústi hefur lyft
okkur á hærra plan og þetta er
ótrúlega skemmtilegt. Hann tók
okkur á fund strax eftir stórtapið
gegn Noregi, og sagði í raun allt
rétt. Við vorum þvílíkt tilbúnar
í leikinn gegn Þýskalandi. Gústi
og aðstoðarmenn hans eiga stór-
an hlut í því að liðið er í framför,“
sagði Karen Knútsdóttir.
Hugsa allt of mikið á vítalínunni
Karen Knútsdóttir er með pókerandlit í vítaköstunum á HM. Ísköld á línunni en hjartað slær hratt og hún
hugsar um það sem gæti farið úrskeiðis. Atvinnumaðurinn kann vel við sig í Þýskalandi.
HEILINN Í LEIK ÍSLENSKA LIÐSINS Leikstjórnandinn Karen Knútsdóttir er einstaklega útsjónarsamur leikmaður sem stýrir leik
íslenska liðsins af festu og ákveðni. FRÉTTABLAÐIÐ/PJETUR
HANDBOLTI Stelpurnar okkar náðu
þeim frábæra árangri í gær að
komast í sextán liða úrslit á HM
í Brasilíu. Sigur Angóla á Þýska-
landi gerði það að verkum að
Ísland festist í fjórða sætinu.
Leikurinn gegn Kína skipti því
nákvæmlega engu máli.
Ísland mun mæta einu besta
liði heims, Rússlandi, í sextán
liða úrslitunum.
Þar sem leikur Íslands og Kína
hófst mjög seint í gærkvöldi var
leiknum ekki lokið þegar Frétta-
blaðið fór í prentun.
Á fréttavefnum Vísi er aftur
á móti yfirgripsmikil umfjöllun
um leikinn og framhaldið hjá
íslenska liðinu. - hbg
Ísland í 16-liða úrslit:
Mæta Rússum
FRÁBÆR ÁRANGUR Stella og félagar eru
komnar áfram. FRÉTTABLAÐIÐ/PJETUR
HANDBOLTI Dr. Hassan Moustafa,
forseti Alþjóða handknattleiks-
sambandsins, mun tilkynna á
fimmtudaginn í næstu viku hvar
heimsmeistaramótið árið 2017 í
karlaflokki fer fram.
Það er ljóst að Þýskaland verð-
ur gestgjafi hjá A-landsliðum
kvenna árið 2017 en Þjóðverjar
voru þeir einu sem sóttust eftir
mótinu. Næsta HM kvenna fer
fram í Serbíu í desember árið
2013 og árið 2015 verður það í
Danmörku.
HM hefur farið fram tvívegis
áður í Þýskalandi, 1965 og 1997.
Þrjár þjóðir hafa sótt um karla-
keppnina árið 2017.
Frakkar og Danir sóttu um á
réttum tíma en Norðmenn eru
enn að vonast til þess að umsókn
þeirra verði tekin gild en hún á að
hafa borist of seint.
IHF mun úrskurða um það mál
í næstu viku og tilkynna hvar
keppnin fer fram árið 2017.
- seth
HM kvenna 2017:
Fer fram í
Þýskalandi
STEMNING Íslendingar fjölmenna
kannski til Þýskalands á HM kvenna.
FRÉTTABLAÐIÐ/PJETUR