Fréttablaðið - 15.12.2011, Blaðsíða 72

15. desember 2011 FIMMTUDAGUR56
STEINI/PÉSI
&GAUR Á TROMMU
Miðasala á gamlabio.is og midi.is. Sími 563 4000.
Opið mán.-mið. 14:00-18:00 og fim.-sun. 14:00-20:00.
Síðustu sýningar á árinu!
25% jólaafsláttur fyrir námsmenn í desemberí miðasölu Gamla bíós.
Fimmtudagur 15.12.11 20:00
Föstudagur 16.12.11 22:30
Örfá sæti laus!
Örfá sæti laus!
HVAÐ? HVENÆR? HVAR?
Fimmtudagur 15. desember
➜ Tónleikar
20.00 Hljómsveitirnar Muck, Sudden
Weather Change og The Heavy Experi-
ence leika á óvenjulegum jólatónleikum
í Þjóðmenningarhúsinu við Hverfisgötu.
Forsala á miðum er í Smekkleysubúð-
inni og 12 Tónum og kosta þeir 1.000
krónur. Miðar verða einnig seldir við
hurð og kosta þá 1.500 krónur.
22.00 Bítladrengirnir blíðu halda tón-
leika á Ob-La-Dí-Ob-La-Da, Frakkastíg
8. Sérstakur gestur verður Geir Ólafsson
söngvari. Ókeypis inn.
17.00 Færeyska tónlistarkonan Eivör
Pálsdóttir treður upp í Rammagerð-
inni. Aðgangur er ókeypis.
20.00 Hveragerðisbær stendur fyrir
tónlistarhátíð í Hveragerðiskirkju.
Fram koma þau Páll Óskar og Monika
Abendroth ásamt strengjasveit, Söng-
sveit Hveragerðis og Söngfélagi Þorláks-
hafnar. Aðgangseyrir er kr. 2.000.
20.00 Lögreglukór Reykjavíkur
hringir inn jólin með árlegum jóla-
tónleikum sínum í Langholtskirkju.
Miðaverð kr. 1.500.
20.00 Jóla- og styrktartónleikar
Gospelkórs Jóns Vídalíns fara fram í
hátíðarsal Fjölbrautaskóla Garðabæjar.
Miðaverð er kr. 2.000 og allur ágóði
rennur til samtakanna Vímulausrar
æsku.
21.00 Vinir Dóra halda sinn árlega
jólablúsgjörning á Rúbín í Öskjuhlíð.
Vinirnir eru: Halldór Bragason gítarleik-
ari og söngvari, Guðmundur Pétursson
gítarleikari, Ásgeir Óskarsson trommu-
leikari, Davíð Þór Jónsson á hammon-
dorgel og Jón Ólafsson bassaleikari.
18.00 Vetrartónleikar tónlistardeildar
Listaháskóla Íslands klárast með tón-
leikum þar sem Stefán Haukur Gylfa-
son spilar á gítar og þau Hrafnhildur
Hafliðadóttir og Birgir Þórisson spila á
píanó. Tónleikarnir fara fram í Sölvhóli
og er aðgangur ókeypis.
➜ Leiklist
20.00 Nemendaleikhús Listaháskóla
Íslands sýnir verkið Jarðskjálftar í
London eftir Mike Bartlett í leikstjórn
Halldórs E. Laxness. Sýningar verða í
Leikhúsi Listaháskóla Íslands að Sölv-
hólsgötu 13. Miðaverð er kr. 1.500.
➜ Uppákomur
20.00 Útgáfuhóf í Herrafataverzlun
Kormáks & Skjaldar af tilefni fyrsta
tímarits Kormáks & Skjaldar, sem
hlotið hefur nafnið Spjátrungur. Blaðið
er byggt upp á greinum og myndaþátt-
um frá starfsmönnum og eigendum
verslunarinnar auk þess sem Hrafnkell
Sigurðsson listamaður setur mark sitt
á blaðið.
14.00 Ármann Jakobsson les úr bók
sinni, Glæsir, á aðventuhátíð félags-
miðstöðvarinnar Aflagranda 40 í dag.
Á eftir honum munu þau Stefán Arn-
grímsson og Oddný Sturludóttir flytja
nokkur lög áður en dúettinn Pikknikk
stígur á stokk. Aðgangur er ókeypis.
20.00 KEX hostel býður alla vel-
komna að kíkja við á Kexmas 2011.
Dagskráin hefst með upplestri Hall-
gríms Helgasonar úr bókinni Konan
við 1000°. Klukkan 21.00 leikur Nolo
svo lög af nýrri plötu sinni, Nology.
Aðgangur er ókeypis.
➜ Tónlist
22.00 Próflokakreppukvöld á Bar 11
með Orra á X-inu 977.
➜ Fyrirlestrar
14.45 Utanríkisráðherra Palestínu,
Dr. Riayd al-Maliki, heldur erindi í
Norræna húsinu á vegum Alþjóða-
málastofnunar Háskóla Íslands. Allir
velkomnir.
➜ Myndlist
20.00 Jan-Philipp Fruehsorge, list-
fræðingur og galleríisti, er einn fremsti
fræðimaður Evrópu á sviði teikningar-
innar sem listmiðli. Í tengslum við sýn-
inguna Hraðari og hægari línur mun
hann ásamt sýningarstjóranum Birtu
Guðjónsdóttur fjalla um teikninguna í
samtímamyndlist í alþjóðlegu og list-
sögulegu samhengi. Viðburðurinn fer
fram á ensku. Nánari upplýsingar á
listasafnreykjavikur.is.
Upplýsingar um viðburði sendist á
hvar@frettabladid.is.
Hellvar heldur tvenna tónleika
á Dillon á föstudagskvöld. Þeir
fyrri verða órafmagnaðir en
á þeim síðari verður stungið í
samband og rokkað af krafti.
Ástæða tónleikanna er ný plata
með hljómsveitinni sem var tekin
upp í síðasta mánuði. Hún heitir
Noise That Stopped og hefur að
geyma órafmagnaðar útgáfur af
nýjustu plötu Hellvar, Stop That
Noise. „Við vorum búin að vera
að spila tvær útgáfur af mörgum
laga okkar í smá tíma og var bara
farið að langa til að eiga upptök-
ur af lágstemmdu, órafmögnuðu
útgáfunum,“ segir söngkonan
Heiða Eiríksdóttir.
Órafmögnuð
plata Hellvar
HELLVAR Hljómsveitin heldur tvenna
tónleika á föstudagskvöld.
Tvær hæfileikaríkar söngkonur
leiða saman hesta sína í Fríkirkjunni
á sunnudaginn. Sú þriðja bætist í
hópinn þegar líður á kvöldið.
„Við ákváðum að kýla bara á þetta í öllu jóla-
tónleikaflóðinu,“ segir Ragnheiður Gröndal
söngkona.
Blásið verður til tvöfaldra útgáfutónleika í
Fríkirkjunni sunnudaginn 18. desemb-
er klukkan 20.30. Ragnheiður Grön-
dal flytur lög af nýjustu plötu sinni,
Astrocat Lullaby, og dúettinn Song
for Wendy, skipaður þeim Bryndísi
Jakobsdóttur og Mads Mouritz,
fagnar fyrstu plötu sinni, Meet-
ing Point.
Ragnheiður á von á sínu fyrsta
barni í febrúar en lætur það ekki
stoppa sig frá tónleikahaldi. „Hug-
myndin að því að gera þetta saman
kom frá Dísu sem var búin að
ákveða að halda útgáfutónleika
en vildi gera eitthvað meira úr
því. Hún hafði samband við mig
og ég ákvað að slá til. Upphaf-
lega ætlaði ég ekkert að halda
útgáfutónleika strax, ég er
kasólétt og ætlaði að taka
því rólega á aðventunni, en
það verður gaman að gera þetta
saman. Ég held að atriðin okkar
passi vel saman og að þetta verði
notaleg stund.“
Tónleikarnir verða ekki laus-
ir við aðventublæinn því þegar
Ragga og Dísa hafa kynnt plöt-
urnar fyrir tónleikagestum
munu þær flytja eftirlætis
jólalög sín ásamt vinkonu
sinni, Sigríði Thorlacius.
Þetta verður í fyrsta
sinn sem þessar þrjár
hæfileikaríku söngkonur
koma einar fram, en áður
hafa þær sungið bakraddir
saman fyrir Moses Highto-
wer. Tríóið kallar sig Jóla-
bjöllurnar og Ragnheiður
tekur vel í það að þær
gætu orðið eins konar Borgardætur næstu
kynslóðar söngkvenna. „Það verður spenn-
andi fyrir okkur að syngja þrjár saman. Við
erum allar með ólíkar raddir en samt áþekk-
ar þannig að þær blandast held ég mjög vel
saman. Það væri gaman að gera eitthvað
meira úr þessu.“
Miðaverð á tónleikana er 1.500 krónur í for-
sölu á Miði.is og 2.000 krónur við inngang.
bergthora@frettabladid.is
Ragga og Dísa syngja í Fríkirkjunni
DÖNSK INNRÁS Dísa Jakobs og Mads Mouritz kynna fyrstu plötu sína í Fríkirkjunni.
FRÉTTABLAÐIÐ/HAG