Fréttablaðið - 15.12.2011, Side 94

15. desember 2011 FIMMTUDAGUR78
sport@frettabladid.is
HELENA SVERRISDÓTTIR bætti sinn besta persónulega árangur í Meistaradeildinni í körfubolta í gær þegar
hún var með níu stig í 106-66 stórsigri Good Angels Kosice á króatíska liðinu Gospic. Helena var auk stiganna með
6 fráköst, tvær stoðsendingar og tvo stolna bolta á tæpum fimmtán mínútum.. Hún hafði áður mest skorað fimm
stig í einum leik í Meistaradeildinni. Good Angels Kosice á góða möguleika á því að komast í 16 liða úrslitin.
Ég bætti mig mjög
mikið og náði næst-
um því að rjúfa fimmtán
mínútna múrinn. Það kemur
bara næst.
ANTON SVEINN MCKEE
SUND Óhætt er að segja að hinn 18
ára gamli Anton Sveinn McKee
hafi stigið stór og söguleg skref
á árinu 2011. Hann hefur bætt
sig gríðarlega á árinu og sló
„eldgömul“ met í 1.500 metra
skriðsundi í bæði 25 og 50 metra
laug. Hápunkturinn var þó um
helgina þegar hann var næstum
því búinn að synda 1.500 metrana
á undir fimmtán mínútum og stóð
alls fjórum sinnum efstur á palli
sem Norðurlandameistari í sínum
aldursflokki.
Nýja tæknin svínvirkaði
„Við ætluðum að toppa þarna og
það tókst. Ég bjóst ekki við að
synda svona hratt í 1.500 metr-
unum. Við vorum að þróa nýja
tækni og hún bara svínvirk-
aði. Ég bætti mig mjög mikið og
náði næstum því að rjúfa fimm-
tán mínútna múrinn. Það kemur
bara næst. Ég var sáttur við bæt-
inguna í 1.500 metrunum og eftir
að ég náði því var bara gaman að
synda allt hitt,“ sagði Anton, sem
sér ekki eftir tímanum sem fer
í sundið. „Þetta tekur sinn tíma.
Ég er að fórna ýmsu fyrir þetta
en ég fæ líka mikið í staðinn, eins
og þessa helgi sem dæmi,“ segir
Anton.
Fyrir einu ári vann Anton
Sveinn til silfurverðlauna í 1.500
metra skriðsundi á Norðurlanda-
móti unglinga og kom þá í mark
á 15:52.17 mínútum, sem var bæt-
ing á hans besta tíma. Tólf mán-
uðum síðar átti enginn möguleika
í Anton Svein í úrslitasundinu á
NMU, þar sem hann synti 1.500
metrana á 15:01,35 mínútum og
bætti sitt eigið Íslandsmet um
22,62 sekúndur. Anton hafði
tekið ellefu ára Íslandsmet af
Erni Arnarsyni á Íslandsmeist-
aramótinu á dögunum en sló nú í
leiðinni annað ellefu ára Íslands-
met Arnar í 800 metra skrið-
sundi. „Norsku og dönsku þjálf-
urunum þótti mikið til þess koma
hvað hann er búinn að bæta sig
mikið á stuttum tíma,“ sagði
þjálfari hans, Jacky Pellerin.
Góð fyrirmynd í Jakobi
Anton segist hafa góða fyrir-
mynd með sér í Ægi. „Jakob
(Jóhann Sveinsson) er rosalega
flottur sundmaður og það er
ekki hægt annað en að líta upp
til hans. Hann er bæði mikil
fyrir mynd í sundlauginni en
líka hvernig hann hagar sínu lífi
utan hennar. Það er hægt að læra
mikið af honum. Kannski verð ég
í þessu jafnlengi og Kobbi,“ segir
Anton í léttum tón, en hann fylg-
ist líka vel með uppgangi sund-
manns frá Færeyjum. „Færey-
ingurinn Pál Joensen er alltaf
flott fyrirmynd. Hann er rosa-
lega flottur langsundmaður.
Hann er að koma sterkur upp og
er farinn að stimpla sig inn með
bestu langsundmönnum í heimi.
Það er gaman að geta litið upp til
frænda síns úr Færeyjum,“ segir
Anton.
Jacky sá þetta á undan mér
Anton er fæddur árið 1993 og
segist hafa valið sundið þegar
hann var krakki. Hann var þó
aldrei viss um að geta náð svona
langt fyrr en þjálfari hans sagði
það. „Við erum með góðan þjálf-
ara og það hjálpar mikið. Hann
kann þetta alveg og hefur þjálf-
að marga Ólympíufara. Hann er
reynslubolti og kröfuharður eins
og allir alvöru þjálfarar. Jacky
var búinn að sjá það á undan mér
að ég gæti náð langt. Hann sagði
mér að ég gæti þetta og svo gerð-
ist það allt. Síðasta ár er búið að
vera mjög gott,“ segir Anton um
hinn franska þjálfara sinn Jacky
Pellerin.
„Það var rosalega gaman
að taka metið hans Arnar um
helgina. Maður nær oftast met-
inu í 800 metrum með 1.500
metrunum. Ég náði því ekki á
Íslandmeistaramótinu en náði
því núna,“ segir Anton og fram
undan eru spennandi tímar.
Þarf að bæta sig um 30 sekúndur
„Það er markmiðið núna að kom-
ast inn á Ólympíuleikana. Við
erum að fara í æfingabúðir á
Flórída og ætlum að æfa þar á
fullu til þess að reyna að komast
eins nálægt Ólympíulágmörk-
unum og hægt er. Vonandi náum
við því,“ segir Anton, en kunn-
ugir eru bjartsýnir eftir árang-
ur helgarinnar enda er Anton
jafnvel betri í löngu brautinni en
þeirri stuttu.
„Ég er núna 30 sekúndum frá
lágmarkinu en í 25 metra laug-
inni bætti ég mig um 50 sekúndur
á einu ári þannig að ég gæti náð
þessu. 30 sekúndur eru mikið en
ég vona það besta,“ segir Anton.
ooj@frettabladid.is
Fimmtíu sekúndna bæting á einu ári
Nýjasta nafnið í sundinu á Íslandi er Ægiringurinn Anton Sveinn McKee, sem hefur bætt sig ótrúlega
mikið á einu ári. Anton vann fjögur gull á Norðurlandamóti unglinga um helgina og bætti meðal annars
ellefu ára met Arnar Arnarsonar í 800 metra skriðsundi. Anton á nú öll Íslandsmetin í langsundunum.
FJÖGUR GULL UM HÁLSINN Anton Sveinn McKee var sigursælasti íslenski sundmað-
urinn á Norðurlandamóti unglinga með fjögur gull og sjö verðlaun. FRÉTTABLAÐIÐ/HAG
Þau munu bæði komast á ÓL í London
Frakkinn Jacky Pellerin þjálfar bæði Anton Svein McKee og Eygló Ósk
Gústafsdóttur sem unnu samanlagt sjö gull og settu saman fjögur Íslands-
met á Norðurlandamóti unglinga um helgina. Hann er mjög bjartsýnn á
frekari bætingar hjá þeim báðum sem og sæti á Ólympíuleikunum í London
á næsta ári.
„Þau geta bæði bætt sig meira. Aðalmarkmiðið hjá Eygló núna er að
ná að synda 200 metrana á 2:10 í löngu lauginni og ná A-lágmarkinu fyrir
Ólympíuleikana og fyrir Anton að ná að synda 1500 metrana á 15:15 í löngu
brautinni sem myndi líka nægja honum til að komast inn á Ólympíuleik-
ana,“ segir Jacky Pellerin.
„Ég er sannfærður um að þau komast bæði á Ólympíuleikana í London
og er alveg til í að veðja við þig um það,“ bætir Pellerin við án þess að hika.
„Við Eygló höfum sett stefnuna á að hún komist 200 metra baksund á
2:04 eða jafnvel fljótar og fyrir Anton að vera í kringum 14:45 í 1500 metr-
unum. Ég sagði við þau eftir sundin þeirra um helgina: Þetta var gott hjá
okkur en þið getið gert enn betur,“ sagði Pellerin.
FÓTBOLTI Landsliðskonurnar
Hólmfríður Magnúsdóttir og
Katrín Ómarsdóttir eru á leið til
bandaríska atvinnumannaliðsins
Philadelphia Independence. Þetta
varð ljóst í gær eftir að WPS-
deildin fékk leyfi stjórnar banda-
ríska knattspyrnusambands-
ins til að vera áfram efsta deild
bandaríska kvennaboltans.
Þetta verður þriðja tímabil
Hólmfríðar með liðinu en Katrín
hefur ekki spilað áður í deildinni.
Hún er nú í námi í Kaliforníu
en þær æfðu báðar með liðinu á
dögunum og var báðum boðinn
samningur. Þetta staðfesti Hólm-
fríður í samtali við Fréttablaðið.
Þó munu aðeins fimm lið taka
þátt og öll verða staðsett á aust-
urströndinni – í Philadelphia, Atl-
anta, Boston, New York og New
Jersey. WPS-deildin var stofn-
uð árið 2007 og sjö lið tóku þátt
fyrsta tímabilið sem var reyndar
ekki fyrr en 2009. Flest tóku þátt
í fyrra, átta talsins, en aðeins sex
í ár. „Það verður spiluð þreföld
umferð og svo lýkur tímabilinu
með úrslitakeppni. Þetta eru
vissulega fá lið en vel þess virði –
það besta sem ég hef upplifað er
að spila fótbolta í Bandaríkjun-
um,“ sagði Hólmfríður.
Bandaríska sambandið setti
það sem skilyrði að fjölga þurfi
liðum á næstu árum til að deildin
fái áfram að starfa. Keppnistíma-
bilið hefst í apríl og stendur yfir í
fimm mánuði. - esá
WPS-deildin fékk grænt ljós:
Spilað verður í
Bandaríkjunum
HÓLMFRÍÐUR Aftur á leið til Banda-
ríkjanna en hún spilaði með Val á seinni
hluta tímabilsins í sumar.
FRÉTTABLAÐIÐ/ARNÞÓR
HANDBOLTI Alfreð Gíslason hafði
betur gegn Degi Sigurðssyni í 16
liða úrslitum þýska bikarsins í
Berlín í gærkvöldi og sló þar með
landa sinn út úr bikarnum þriðja
árið í röð. THW Kiel vann Füchse
Berlin örugglega 39-28 og tryggði
sér sæti í átta liða úrslitunum.
Kiel er ríkjandi bikarmeistari og
hefur unnið þýska bikarinn fjórum
sinnum á síðustu fimm árum. Kiel
vann Füchse í átta liða úrslitunum
í fyrra og í 2. umferð árið á undan.
Aron Pálmarsson átti fínan leik
og skoraði fimm mörk fyrir Kiel
en þeir Momir Ilic og Kim And-
ersson voru markahæstir með sjö
mörk hvor. Alexander Petersson
skoraði fjögur mörk fyrir Füchse
en þeir Bartlomiej Jaszka og Ivan
Nincevic voru markahæstir með
fimm mörk hvor.
Kiel tók strax frumkvæðið í
jöfnum fyrri hálfleik og var á
endanum með 17-14 forystu í hálf-
leik. Füchse minnkaði muninn í
eitt mark 15-14, en Kiel-liðið skor-
aði tvö síðustu mörk hálfleiksins.
Aron skoraði annað þeirra marka
og var með tvö mörk í fyrri hálf-
leiknum en Alexander skoraði eitt
mark í fyrri hálfleik.
Füchse skoraði fyrsta mark
seinni hálfleiks og minnkaði mun-
inn í tvö mörk en Kiel svaraði með
þremur mörkum í röð og leit aldrei
til baka eftir það.
Kiel hefur nú unnið alla nítján
leiki sína í deild (16) og bikar (3) á
tímabilinu. - óój
Aron Pálmarsson skoraði fimm mörk þegar Kiel vann 39-28 sigur á Füchse Berlin í þýska bikarnum í gær:
Alfreð sló Dag út úr bikarnum þriðja árið í röð
SÆTIÐ TRYGGT Alfreð Gíslason og Aron Pálmarsson fagna. NORDICPHOTOS/BONGARTS