Fréttablaðið - 15.12.2011, Page 102

15. desember 2011 FIMMTUDAGUR86
BenQ 24” LCD skjár
Tilboð 34.900 kr.
HP 63 ,5 15 6”
Tilboð 69.900 kr.
- Við þekkjum tölvur
REYKJAVÍK Ármúli 11
REYKJANESBÆR AKRANES BORGARNES
Tölvuhjálp
- engar áhyggjur!
Við komum heim til þín með nýju tölvuna og
etjum hana upp fs yrir þig fyrir aðeins 4.990 kr.
ef keypt með nýrri tölvu.
Samsung Galaxy Tab 8,9”
Tilboð 99.900 kr.
HP borðtölva og 21,5” skjár
Tilboð 139.900 kr.
MacBook Air 11”
Tilboð 169.900 kr.
Vörunúmer: BL2400 Vörunúmer: Galaxy-WiFi-8.9
Vörunúmer: Z0MFVörunúmer: HP G5470sc + HP s2231a
MORGUNMATURINN
„Yfirleitt geri ég mér ommelettu
en svo er misjafnt hvað ég set
í hana. Það geta verið rækjur,
kjúklingur, grænmeti eða ávextir
– fer allt eftir því hvort ég er að
fara á æfingu eða ekki.“
Ásdís Hjálmsdóttir, spjótkastari og lyfja-
fræðingur.
„Ég var mikill Eurovision-aðdá-
andi þegar ég var lítil og kunni öll
lögin utan að,“ segir Rósa Birgitta
Ísfeld, söngkona Feldberg og
Sometime.
Rósa tekur þátt í forkeppni
Eurovision, en hún mun syngja
eitt þriggja laga Sveins Rúnars
Sigurðssonar. Íris Hólm og Magni
Ásgeirsson munu syngja hin
lögin tvö. Rósa sagði lagið sjálft
vera leyndarmál, það myndi bara
koma í ljós hvernig það hljómaði,
en tók skýrt fram að hún myndi
ekki syngja eitthvað sem henni
þætti ekki gott. Þetta væri ekki
einhver Celine Dion-slagari. „Ég
leyfði Einari [Tönsberg] að heyra
það og hann gaf grænt ljós á það
líka, fannst það bara flott.“
Seint verður sagt að Rósa geti
talist með dæmigerðum Euro-
vision-þátttakendum. Nærtæk-
ara væri kannski að flokka hana
sem dæmigerða miðbæjarrottu.
Eða hvað?
„Ég væri til í að taka þátt í
Eurovision á næsta ári ef eitt-
hvert skemmtilegt land vinn-
ur keppnina. Helst land eins og
Aserbaídsjan.“ Þetta sagði Rósa
nefnilega í viðtali við Föstudag,
fylgiblað Fréttablaðsins, dag-
inn áður en keppnin fór fram í
Ósló fyrr á þessu ári. Rósu varð
að ósk sinni, Eldar & Nigar sigr-
uðu með laginu Running Scared
og þar með höfðu örlögin gripið í
taumana hvað söngkonuna varð-
ar. „Þetta var djók innan sviga,
ég er í Eurovision-partíhópi sem
horfir alltaf saman á keppnina og
ég hugsaði af hverju ég gæti ekki
farið í þessa keppni. Ég vildi hins
vegar fara til einhvers spennandi
lands, það er ekkert stuð að fara
til Þýskalands,“ segir Rósa.
Vinum Rósu þykir þátttaka
hennar eilítið skondin en sjálf
gefur hún lítið fyrir staðalímynd-
ir Eurovision-keppandans, bendir
meðal annars á að Halla Margrét
hafi verið einn af sínum eftir-
lætiskeppendum og ekki hafi hún
verið týpísk. „Ég horfði á undir-
búningsþátt þegar Jóhanna Guð-
rún var að keppa og sá þegar
þeir voru að setja saman sviðið.
Þá velti ég því fyrir mér hvort
það yrði ekki mikið ævintýri að
standa á svona sviði. Ég væri
allavega til í að sjá hvernig þetta
er allt sett saman og kynnast því
hvernig umgjörðin er í kringum
þessa keppni.“
freyrgigja@frettabladid.is
RÓSA BIRGITTA ÍSFELD: ÞETTA VERÐUR ENGINN CELINE DION-SLAGARI
Miðbæjarrotta í Eurovision
STENDUR VIÐ STÓRU ORÐIN Rósa Birgitta Ísfeld sagðist vilja taka þátt í Eurovision ef land eins og Aserbaídsjan bæri sigur úr
býtum. Það kom á daginn og Rósa mun syngja lag Sveins Rúnars Sigurðssonar í undankeppni Söngvakeppni Sjónvarpsins.
FRÉTTABLAÐIÐ/RÓSA
„Við erum mjög sáttir við þetta.
Þetta eru að mínu mati mestu
verðlaunin sem hægt er að fá í
þessum bransa. Þetta eru verð-
laun fólksins,“ segir grínistinn
Steindi Jr.
Steindi og leikstjórinn Ágúst
Bent fengu í gær afhenta gull-
plötu fyrir sölu á fyrstu þáttaröð
Steindans okkar. Diskurinn hefur
selst í meira en 5.000 eintökum
frá því að hann kom út seint á síð-
asta ári og Steindi er að vonum
hrærður og ánægður.
Spurður hvað hann hafi gert
fyrir peningana sem diskurinn
hefur skilað segir Steindi að upp-
hæðirnar séu ekki háar og hann
sé ekki orðinn ríkur. „En þvotta-
vélin mín bilaði um daginn. Þann-
ig að ég keypti mér nýja,“ segir
hann.
Önnur þáttaröð Steindans okkar
kom út á dögunum og Steindi
bindur miklar vonir við hana.
„Ég verð mjög vonsvikinn ef hún
fer ekki í gull, því hún er betri en
fyrsta þáttaröð,“ segir hann. - afb
Fékk gullplötu og keypti þvottavél
GULL AF MÖNNUM Bent og Steindi eru svona á hverjum miðvikudegi. Tilviljun réði
því að afhendingin fór fram í gær. FRÉTTABLAÐIÐ/STEFÁN
Þetta var mjög lærdómsrík og eftirminnileg
reynsla þótt það hafi vissulega verið skrýtið
að vera í þrjátíu stiga hita án allra jólalaga í
desember,“ segir Fanney Ingvarsdóttir, Ung-
frú Ísland. Hún lenti á Íslandi á þriðjudag-
inn var eftir að hafa verið á Indlandi í tvær
vikur við góðgerðarstörf fyrir samtökin
Healthy Kids, Happy Kids. Þetta er í annað
sinn á árinu sem Fanney heimsækir landið.
Fanney flakkaði um bæði norður- og suð-
urhluta Indlands og heimsótti meðal annars
munaðarleysingjahæli. „Það var ótrúlega
erfið og tilfinningarík reynsla,“ segir Fann-
ey, sem var þó ekki ein á ferð. Ferðafélagar
hennar voru Ungfrú Kanada, Ungfrú Írland,
Miss Bikini International og svo stúlk-
ur frá Slóveníu og Bólivíu. Fanney segir
ferðina hafa gert mikið fyrir sig persónu-
lega og bætir því við að hún hafi fengið að
skoða landið. „Við heimsóttum Taj Mahal og
Gullna musterið og það var alveg einstakt að
sjá þetta með eigin augum,“ segir Fanney, en
mengun setti þó eilítið strik í reikninginn.
„Indland er náttúrulega ótrúlega samþjapp-
að land og mengunin er gríðarleg. Fyrstu
dagana héldum við að þetta væri þoka sem
við sáum en þetta var þá bara mengun,“
útskýrir Fanney, sem fékk af þeim sökum
bæði kvef og hálsbólgu.
Vegna ferðalaganna varð skólaganga feg-
urðardrottningarinnar að sitja eilítið á hak-
anum. Hún ætlar sér hins vegar að útskrif-
ast frá Fjölbrautaskóla Garðabæjar í vor.
„Og svo er það bara að halda jólin. En svo
gætu fleiri ferðalög verið handan við horn-
ið.“ - fgg
Fanney á flandri um Indland
SINNIR GÓÐGERÐARSTÖRFUM Fanney Ingvarsdóttir
dvaldi í tvær vikur á Indlandi og heimsótti meðal
annars munaðarleysingjahæli, sem hún segir hafa
verið erfiða og tilfinningaríka reynslu.