Morgunblaðið - 28.07.2010, Blaðsíða 6

6 FréttirINNLENT
MORGUNBLAÐIÐ MIÐVIKUDAGUR 28. JÚLÍ 2010
Hafðu samband
sími 444 7000 • arionbanki.is
Helgi Bjarnason
helgi@mbl.is
Stækkunarstjóri Evrópu-
sambandsins segir að ekki sé hægt
að veita neinar varanlegar undan-
þágur frá lögum Evrópusambands-
ins. Kom þetta fram á blaðamanna-
fundi sem haldinn var í Brussel í
gær, eftir ríkjaráðstefnu ESB og Ís-
lands sem markar upphaf aðildarvið-
ræðna. Jón Bjarnason, sjávarút-
vegs- og landbúnaðarráðherra, segir
að þegar þessi yfirlýsing hafi verið
ítrekuð með jafn afdráttarlausum
hætti skilji hann ekki hvers vegna
þessu ferli sé haldið áfram.
Þegar Alþingi fól ríkisstjórninni
fyrir ári að sækja um aðild að Evr-
ópusambandinu var tekið fram að við
undirbúning viðræðna og skipulag
skuli ríkisstjórnin fylgja sjónarmið-
um um meginhagsmuni sem fram
komu í áliti meirihluta utanríkis-
málanefndar. Í álitinu segir að sam-
staða hafi verið í nefndinni um for-
ræði yfir sjávarauðlindinni, meðal
annars um stjórn veiða og skiptingu
aflaheimilda innan efnahagslögsög-
unnar.
Skapandi og snjallar lausnir
Össur Skarphéðinsson utanríkis-
ráðherra sagði á blaðamannafundin-
um í gær, þegar spænskur blaða-
maður spurði hann hvar Íslendingar
drægju línuna varðandi sjávarút-
vegsmál, að íslenskt efnahagslíf
reiddi sig meira á fiskveiðar en
nokkur önnur þjóð í heiminum og að
fiskveiðilögsaga landsins snerti ekki
fiskveiðilögsögu neinna landa innan
ESB. Sagði hann að fiskveiðilöggjöf
Evrópusambandsins væri ekki gerð
fyrir þesskonar aðstæður og minnti
á að ESB hefði fyrr komið til móts
við slíkar þarfir, eins og til dæmis
vegna landbúnaðar á heimskauta-
svæðum þegar Finnland gekk í sam-
bandið. „Við hljótum að finna lausn
sem hæfir öllum,“ sagði Össur og
sagðist hafa við inngöngu nokkurra
ríkja áttað sig á getu Evrópusam-
bandsins til að koma með skapandi
og snjallar lausnir sem væru klæð-
skerasaumaðar fyrir sérstakar að-
stæður. Stefan Füle, stækkunar-
stjóri Evrópusambandsins, sagði af
þessu tilefni að lausn myndi örugg-
lega finnast en lagði áherslu á að
ekki væri hægt að veita neinar var-
anlegar undanþágur frá lögum Evr-
ópusambandsins.
Jón Bjarnason, sjávarútvegs- og
landbúnaðarráðherra, sagði í samtali
við Morgunblaðið að ummæli stækk-
unarstjórans væru í samræmi við
það sem fyrrverandi stækkunar-
stjóri hefði sagt og komið hefði fram
hjá framkvæmdastjórn þess. Hann
sagðist ekki sjá hvernig þessi um-
mæli samræmdust þeim þröskuldum
sem Alþingi hefði sett við samþykkt
aðildarumsóknar. „Ég skil ekki
hvers vegna við erum að halda þessu
áfram … Það er eins og sumir vilji
ekki heyra það sem sagt er,“ sagði
Jón. Ekki náðist í Össur Skarphéð-
insson utanríkisráðherra í gær.
Forystumenn Evrópusambands-
ins gera sér grein fyrir því að ekki er
nægur stuðningur á Íslandi við aðild
að Evrópusambandinu.
Áhyggjur vegna lítils stuðnings
Steven Vanackere, utanríkisráð-
herra Belga sem fara nú með forystu
í Evrópusambandinu, sagði á fund-
inum að það væru sameiginlegir
hagsmunir ESB og Íslands að
tryggja almennan stuðning við þró-
unina en að lokum væri það Íslend-
inga að ákveða hvort þeir vildu stíga
þetta skref. Sagðist hann viss um að
vilji væri hjá stjórnvöldum á Íslandi
til að koma þessu máli í höfn og sagð-
ist hafa fengið það staðfest á fundi
með utanríkisráðherra Íslands fyrr
um daginn.
Stefan Füle sagðist hafa áhyggjur
af því að ekki væri breiður stuðn-
ingur á Íslandi við aðild. Það sýni að
þörf væri á hlutlægri umfjöllun sem
byggð væri á staðreyndum og tölum
en ekki ímyndun eða hræðslu. „Þetta
er fyrst og fremst verkefni íslenskra
stjórnvalda en við munum styðja
hana í því,“ sagði Füle. Fram kom að
stækkunarstjórinn áformaði að
heimsækja Ísland á næstu mánuðum
og opna sendiskrifstofu Evrópusam-
bandsins.
Hvorki utanríkisráðherra Íslands
né fulltrúar Evrópusambandsins
vildu gefa neitt út um það hvenær
aðildarviðræðum gæti lokið.
Engar varanlegar undanþágur
 Stækkunarstjóri ESB ítrekar afstöðu sambandsins  Utanríkisráðherra telur að lausn finnist sem
hæfir öllum  „Ég skil ekki hvers vegna við erum að halda þessu áfram,“ segir sjávarútvegsráðherra
Reuters
Viðræður hafnar Össur Skarphéðinsson utanríkisráðherra, Steven Vanac-
kere utanríkisráðherra Belgíu og Stefan Füle stækkunarstjóri ESB.
Viðræður Íslands og ESB
» Viðræður um aðild Íslands
að Evrópusambandinu hefjast í
haust á rýnivinnu þar sem
kannað er hvað ber í milli.
» Efnislegar viðræður ættu að
geta hafist á næsta ári að lok-
inni þeirri vinnu og eftir að
málið hefur verið lagt fyrir að-
ildarríki ESB.
» Stefan Füle segir að byrjað
verði á erfiðustu málunum.
» Niðurstaða samninga, ef til
kemur, verður lögð fyrir lands-
menn í þjóðaratkvæðagreiðslu.
Jafnframt þarf að breyta
stjórnarskrá Íslands.