Morgunblaðið - 28.07.2010, Blaðsíða 11

Daglegt líf 11
Ódýr, gömul hús ekki algeng
Þá var hann búinn að kynnast
Janne Kristensen, skiptinema frá
Danmörku, og segist hún ekki hafa
spáð mikið í þetta gæluverkefni kær-
astans í fyrstu. „Ég sagði við hann:
„Já, já, gerðu þetta bara!“ og sá bara
í þessu tækifæri til að eignast flott,
gamalt hús fyrir lítinn pening. Það er
ekki hægt í Danmörku eða Belgíu
lengur, að eignast svona gamalt hús
ódýrt,“ segir Janne þar sem hún
stendur vaktina við belgískt vöfflu-
járn á kaffihúsinu og bakar ofan í
gesti, en það er stöðugur gestagang-
ur í Simbahöllinni. „Það tók næstum
4 ár að klára húsið, ég var úti í Dan-
mörku að klára skólann á veturna og
Wouter var hér að vinna í húsinu
hvenær sem hann gat. Smátt og
smátt fór okkur að langa til að búa í
þessu fallega húsi og hugmyndin að
kaffihúsinu kviknaði.“
Selja eigin rabarbarasultu
Í Simbahöllinni er borin fram
dýrindis súpa í hádeginu en að auki
er hægt að kaupa sér kaffi og með
því, kökur eftir fjölskylduupp-
skriftum Janne og belgísku vöffl-
urnar sem eru frábrugðnar þeim ís-
lensku að því leyti að í þær er notað
ger og þær eru stökkar að utan. Svo
eru þær auðvitað ferkantaðar með
djúpum holum. Með þeim er borinn
fram rjómi og rabarbarasulta Simba-
hallarinnar sem er talsvert frábrugð-
in hinni hefðbundnu íslensku sultu,
er sykurminni og soðin í styttri tíma
og heldur fallega bleikum lit rab-
arbarans.
Kökurnar á búðarborðinu
Wouter og Janne búa á efri
hæðinni en Janne segir að margt í
húsinu hafi verið í góðu ástandi, gólf
og panelklæðningar voru vel nýt-
anleg og innréttingarnar á kaffihús-
inu eru allar upprunalegar. Búðar-
borðið með öllum sínum hirslum er
afgreiðsluborð og á veggnum fyrir
aftan eru búðarhillurnar sem kaup-
maðurinn Sigmundur Jónsson lét
setja upp í versluninni en hann flutti
húsið inn frá Noregi árið 1915. Húsið
kallast Simbahöll í höfuðið á Sig-
mundi en frá 1972 voru m.a. raf-
tækjaverslun og síðar vídeóleiga í
húsinu. Að sögn Janne þykir henni
sem Dana ekkert erfitt að búa innan
um há fjöllin á Vestfjörðum, umlukin
sjó. „Það er svo fallegt hér, mér
finnst bara flott að búa hér og í þessu
húsi.“ Kaffihúsið er einungis opið á
sumrin en yfir veturinn er opið stöku
sinnum á sunnudögum, fyrir jólin eða
í tengslum við einhverja viðburði.
Simbahöllin Hið reisulega timburhús hefur nú verið gert upp.
Margt í húsinu var í
góðu ástandi og eru
innréttingarnar á
kaffihúsinu til að
mynda upprunalegar.
MORGUNBLAÐIÐ MIÐVIKUDAGUR 28. JÚLÍ 2010
Það er misjafnt hvað fólki finnst best ofan á pylsuna sína
en dýrasta pylsa heims slær líklegast allt út. Pylsan sú
hefur fengið stimpilinn dýrasta pylsan samkvæmt Guin-
ness-heimsmetastaðli en hún fæst á veitingastaðnum Ser-
indipity 3 í New York. Pylsan var sett á matseðilinn á al-
þjóðlegum pylsudegi hinn 23. júlí og er meðlætið með
henni sannarlega ekki af ódýrustu sort. Pylsan er í fyrsta
lagi gerð úr nautakjöti og steikt upp úr hvítri truffluolíu,
brauðið er hins vegar bakað úr saltkringludeigi og er ristað
upp úr hvítu trufflusmjöri. Þegar pylsan fína er komin ofan
í brauðið tekur síðan ekki verra við en þá er sett ofan á
sneiðar af gæsalifrarkæfu, sætt laukmauk og tómatsósa
og Dijon-sinnep af fínustu sort. Fyrir þetta allt saman
þurfa gestir að reiða fram 69 dollara, sem samsvarar rétt
rúmlega 8.000 íslenskum krónum, en panta verður pyls-
una með sólarhringsfyrirvara. Síðan hæfir varla annað en
að fá sér eitthvert eðalvín með slíkri pylsu og njóta hverrar
einustu krónu á meðan snætt er.
Bandaríkjamenn slá allt út í eldhúsinu
Hefðbundin Dýrasta pylsa heims er ekkert venjuleg.
Dýrasta pylsa heims
með gæsalifrarkæfu
Það er góð skemmtun að skoða gaml-
ar myndir og rifja upp gamla tíma.
Ekki er verra að hún kostar ekki
krónu. Endilega dustið af gömlum
myndaalbúmum, dragið fjölskyldu-
meðlimi í sófann með ykkur og flettið
saman. Rifjið upp hvenær myndirnar
voru teknar og við hvaða tilefni og
ýmsar uppákomur í kringum þær.
Oftar en ekki gjósa upp hláturrokur
þegar eftirminnileg atvik eru rifjuð
upp og oft þarf ekki meira en undar-
lega fatatísku og löngu gleymda hár-
greiðslu til að kitla hláturtaugarnar
rækilega. Góð skemmtun sem þjapp-
ar fólki saman.
Endilega …
… skoðið gömul myndaalbúm
Það var líf og fjör á ströndinni í bænum Weston-super-Mare
í Somerset á Englandi á dögunum. Þar skemmtu listamenn
sér við það að byggja ýmiss konar skúlptúra í sandinn og
var þemað allt sem enskt er. Slík sandskúlptúrahátíð er
haldin á hverju ári en Weston-super-Mare varð fyrir valinu
þar sem sandurinn þar þykir fullkominn til að búa til slíka
skúlptúra. Sýni af sandinum var sent til sérstakrar akae-
míu um sandskúlptúra í Hollandi árið 2005 og þar ætluðu
menn ekki að trúa eigin augum yfir gæðum sandsins. Upp
úr því var ákveðið sumarið 2006 að halda í bænum mikla
sandskúlptúrahátíð en byrjað var á að byggja sandlíkan af
King Kong sem í þurfti 20 tonn af sandi. Árið eftir var þem-
að ævintýri en nú má sjá á ströndinni meðal annars enga
aðra en drottninguna sjálfa, William Shakespeare, fyrrver-
andi forsætisráðherrann Margaret Thatcher og karaktera
úr Monty Python-kvikmyndunum svo og gamanþáttunum
Little Britain. Sandskúlptúrarnir miklu verða til sýnis fyrir
almenning fram í september.
Vinsæl sandskúlptúrahátíð á Englandi
Monty Python Þemað var allt sem enskt er.
Drottningin gerð
úr hellingi af sandi
HOLTAGÖRÐUM GLÆSIBÆ KRINGLUNNI SMÁRALIND www.utilif.is
ÍS
L
E
N
S
K
A
/
S
IA
.I
S
/
U
T
I
5
0
6
9
4
0
6
/1
0
Deuter Aircontact Pro
Sá vandaðasti úr smiðju Deuter.
Frábært, stillanlegt burðarkerfi.
Fáanlegur í ýmsum stærðum f. dömur og herra.
Deuter Aircontact
Margverðlaunaður bakpoki! Góður í lengri ferðir.
Vandað, stillanlegt burðarkerfi. Regnyfirbreiðsla.
Fáanlegur í ýmsum stærðum f. dömur og herra.
Deuter Futura
Okkar vinsælustu dagpokar! Með frábæru
öndunarkerfi í baki. Regnyfirbreiðsla og
ýmsar festingar. Fáanlegur í ýmsum stærðum.
50+15 L
Verð: 44.990 kr.
55+15 L
Verð: 47.990 kr.
60+15 L
Verð: 49.990 kr.
70+15 L
Verð: 49.990 kr.
45+10 L
Verð: 31.990 kr.
55+10 L
Verð: 34.990 kr.
65+10 L
Verð: 42.990 kr.
75+10 L
Verð: 47.990 kr.
22 L
Verð: 15.990 kr.
28 L
Verð: 17.990 kr.
32 L
Verð: 19.990 kr.
42 L
Verð: 23.990 kr.
Góðir ferðafélagar í sumar
Deuter bakpokarnir eru mest verðlaunuðu bakpokar seinni ára