Morgunblaðið - 28.07.2010, Blaðsíða 17

17
MORGUNBLAÐIÐ MIÐVIKUDAGUR 28. JÚLÍ 2010
List Íslenskur sjávarútvegur nýtur Atlantshafsins og ungur maður notfærir sér öldur frá varðskipinu Tý til þess að sýna listir sínar á sæþotu á Faxaflóa í gær.
Árni Sæberg
Fyrir skömmu átti
ég tal við útlenda
konu sem býr á Suð-
urnesjum. „Íslend-
ingar vita ekki hvað
þeir eru að gera með
því að setja nýtingar-
rétt orkulinda sinna í
hendur einkafyrir-
tækis,“ sagði þessi
kona. „Þetta var gert
í minni heimabyggð í
Kanada með þeim af-
leiðingum að hús sem áður kostaði
30 þúsund krónur að hita upp í 20
gráður, kostar nú 70 þúsund að
hita í 15 gráður á mánuði. Meiri
hita hefur fólki almennt ekki efni
á að veita sér. Það situr skjálfandi
og kappklætt í húsum sínum og
stundum eru börnin höfð í rúminu
þegar kaldast er,“ bætti konan
við.
Þegar hún sá vantrúarsvipinn á
andliti mínu sagði hún: „Ég og
maðurinn minn bjuggum áður í
Kanada og var oft mjög kalt á vet-
urna. Hann er íslenskur og sagði
við mig: „Við skulum flytja til Ís-
lands, þar eru húsin alltaf funheit,
þú getur farið í sturtu og sund
eins oft og þú vilt.“ Mér fannst
þetta yndisleg tilhugsun og við
fluttum hingað með börnin okkar.
Nú lítur út fyrir að ég fari aftur
að skjálfa í húskulda, heitt vatn í
sturtu verði af skornum skammti
og dýrt verði að fara í sundlaugar
ef Magma fær sitt fram.
Einkafyrirtæki eru alls staðar
eins. Þau kaupa ekki nýtingarrétt
á orkulindum nema til að græða.
Og þau græða ekki nema með því
að hækka gjaldskrár. Mér finnst
þróunin hér á Íslandi í orkumálum
hræðileg,“ sagði konan.
Mér hefur orðið þetta samtal
umhugsunarefni. Í
langar aldir máttu Ís-
lendingar búa við af-
ar köld kjör. Rithöf-
undar og fræðimenn,
svo sem Gísli Kon-
ráðsson, sátu með
með grifflur á krók-
loppnum höndum í ís-
köldum húsakynnum
við ritstörf þau sem
gáfu þjóðinni kjark til
að þrauka. Það skyldi
þá aldrei eiga fyrir
okkur að liggja, nú-
tíma Íslendingum, að glutra heita
vatninu okkar í hendur útlend-
ingum sem svo purkunarlaust
kæmu okkur í sömu stöðu og for-
feðrunum hvað húskulda snertir.
Sigríður Tómasdóttir í Bratt-
holti hindraði að Gullfoss yrði eign
útlendinga og íslenska ríkið keypti
fossinn 1940. Sigurður nokkur
Jónsson keypti Geysi af erlendum
manni og gaf hann og svæðið í
kringum hann íslenska ríkinu árið
1935.
Hvaða hetjur munu færa okkur
yfirráð heita vatnsins á Suður-
nesjum úr höndum erlends skúffu-
fyrirtækis? Hver á eldmóð, kjark
og hugkvæmi til að koma í veg
fyrir þessi vafasömu landráða-
kaup? Það verður fróðlegt að sjá!
Eftir Guðrúnu
Guðlaugsdóttur
»Hvaða hetjur munu
færa okkur yfirráð
heita vatnsins á Suð-
urnesjum úr höndum
erlends skúffufyrir-
tækis? Það verður
fróðlegt að sjá.
Guðrún
Guðlaugsdóttir
Höfundur er blaðamaður
og rithöfundur.
Krókloppin framtíð
Það virðist vera að
renna upp fyrir þjóðinni
að Samfylkingin fylkir
sér ekki um málefni
þjóðarinnar heldur mál-
efni í andstöðu við hags-
muni þjóðarinnar.
Samfylkingin fylkir
sér saman með breskum
og hollenskum stjórn-
völdum, sem í skjóli eig-
in krafts og með aðstoð
leiðtoga ESB brjóta lög ESB og EES
um tryggingu sparifjáreigenda og
fjármálaeftirlit á EES-svæðinu.
Samfylkingin reyndi að hindra
stjórnarskrárbundna þjóðar-
atkvæðagreiðslu um Icesave og for-
sætisráðherrann hvatti landsmenn til
að fylgja fordæmi sínu og kjósa ekki.
Þrátt fyrir að rúm 98% þeirra sem
greiddu atkvæði um Icesave sögðu nei
og tóku þar með umboðið af rík-
isstjórninni að þvinga ólöglegum kröf-
um Breta og Hollendinga á Íslend-
inga, heldur Samfylkingin áfram að
breiða út skuldarviðurkenningu á er-
lendum vettvangi og villa um fyrir öðr-
um þjóðum um raunverulega afstöðu
Íslendinga.
Samfylkingin leiðir að eigin sögn
„fyrstu norrænu velferðarstjórnina“ á
Íslandi, sem hefur fylkt sér um
bitlingahagsmuni meðlima og stuðn-
ingsmanna sinna á kostnað venjulegra
borgara Íslands. Skattar hafa verið
stórhækkaðir, áralöng viðurkenning á
erfiðum störfum sjómanna afnumin,
verðtrygging persónuafsláttar ellilíf-
eyrisþega afnumin og kjör hinna vinn-
andi stétta yfirleitt stórskert.
Samfylkingin fylkir sér með búró-
krötunum í Brussel gegn afstöðu
meirihluta landsmanna, að þjóðinni sé
best borgið utan ESB. Samfylkingin
fylkir sér með þeim, sem vilja afnema
stjórnarskrá Lýðveldisins Íslands og
setja nýja í staðinn, þar
sem sjálfsákvörð-
unarréttur þjóðarinnar
er að mestu afnuminn og
fluttur til Brussel. Sam-
kvæmt nýrri stjórn-
arskrá fá alþingismenn
og ríkisstjórn að taka
ákvarðanir um menn-
ingu, listir og íþróttir, á
meðan búrókratarnir í
Brussel taka ákvarðanir
í utanríkis- og varn-
armálum, efnahags-
málum, samningamálum
við erlend ríki og varðandi málefni
hafsins ásamt öllu tilheyrandi, sem í
því finnst.
Samfylkingin fylkir sér með þeim
sem vilja kollvarpa útgerð á Íslandi
með svokallaðri fyrningarleið til að
veikja stöðu útgerðarinnar gagnvart
fyrirhuguðum samningum við ESB.
Samfylkingin fylkir sér með þeim
öflum, sem vilja koma ákvörðunarrétti
þjóðarinnar á auðlindum sínum í hend-
ur erlendra aðilja.
Samfylkingin fylkir sér með þeim,
sem segja, að það verði að koma með
svo neikvæðar tillögur, að þær næst-
verstu virðast „góðar“ við fyrstu sýn,
jafnvel þótt tillögurnar flytji þjóðina
langt aftur fyrir valdatíð Jörundar
hundadagakonungs.
Samfylkingin fylkir sér um af-
brotamenn á borð við skeljaforstjór-
ann Jón Ásgeir og fjölskyldu hans,
sem rændi banka og fyrirtæki inn-
anfrá og skildi eftir tóma skelina fyrir
aðra.
Samfylkingin fylkir sér með þeim
sem brotið hafa lánalög á kostnað lán-
þega og tekur fram fyrir hendurnar á
sjálfum Hæstarétti með eigin útspili
um vaxtastig sem ekki er besta lausn-
in fyrir þolendur hins meinta lögbrots.
Samfylkingin fylkir sér með þeim
sérhagsmunaöflum sem vilja merg-
sjúga venjulega borgara landsins í
stað þess að gera upp reikningana við
heimilin til móts við uppgjör við ótínda
fjárglæframenn.
Með Samfylkinguna við stýri þjóð-
arskútunnar verður sjálfsákvörð-
unarréttur þjóðarinnar framseldur til
ESB og Íslendingar missa völdin á
eigin auðlindum.
Skuldir óreiðumanna í fjármála-
heiminum verða miskunnarlaust flutt-
ar yfir á herðar almennings, sem fær
að borga brúsann með miklu erfiði.
Fjórir vinnudagar af fimm fara í að
vinna fyrir skuldum þjóðarinnar, sá
síðasti til eigin framfærslu.
Móðir mín, sem lengst af hefur ver-
ið trúr krati, getur ekki kosið Samfylk-
inguna lengur. Afi konunnar minnar
var sjómaður og vörubifreiðastjóri og
krati og er sjálfsagt búinn að
hringsnúast í gröfinni vegna „samfylk-
ingarstefnu“ krata nútímans, sem
fylgja teóríum ákveðins hóps mennta-
fólks með enga tilfinningu fyrir vilja
þjóðarinnar.
Sjálfur seldi ég sem unglingur miða
í kratahappdrættisbílnum í Austur-
stræti.
Ég samfylki mér með öllum þeim
sem vilja flýta fyrir nýjum alþing-
iskosningum svo við getum losað okk-
ur undan þessari „samstöðu“ við Sam-
fylkinguna.
Stöndum vörð um fullveldi lýðveld-
isins okkar – Íslands, stjórnarskrána,
þingræðið og sjálfstæði þjóðarinnar.
Eftir Gústaf Adolf
Skúlason » Samfylkingin fylkir
sér með þeim sér-
hagsmunaöflum sem
vilja mergsjúga venju-
lega borgara landsins í
stað þess að gera
upp reikningana við
heimilin …
Gústaf Adolf Skúlason
Höfundur er smáfyrirtækjarekandi.
Samfylking gegn Íslandi