Fréttablaðið - 21.12.2011, Blaðsíða 90

21. desember 2011 MIÐVIKUDAGUR78
FÓTBOLTI Enska knattspyrnu-
sambandið hefur dæmt Luis
Suarez, leikmann Liverpool, í
átta leikja bann fyrir kynþáttan-
íð í garð Patrice Evra, leikmann
Manchester United, í leik liðanna
fyrr í vetur.
Suarez fékk þar að auki sekt
upp á 40 þúsund pund, um 7,7
milljónir króna. Í yfirlýsingu sem
birtist á heimasíðu enska knatt-
spyrnusambandsins segir að
Suarez hafi notað niðrandi orða-
lag um Evra og litarhaft hans.
Gefin verður út ítarlegur rök-
stuðningur á ákvörðun aganefnd-
ar enska knattspyrnusambands-
ins og frá þeim tíma hefur Suarez
fjórtán daga til að áfrýja niður-
stöðunni.
Suarez þarf ekki að taka út
leikbannið fyrr en áfrýjunar-
ferlinu lýkur, eða þá þar til að
fresturinn sem hann hefur til að
áfrýja úrskurðinum rennur út.
Því hefur verið haldið fram að
Suarez hafi kallað Evra „negrito“,
sem telst vinalegt orðalag meðal
spænskumælandi Suður-Ameríku-
manna. Sjálfur er Suarez frá
Úrúgvæ en Evra er franskur. - esá
Slæm tíðindi fyrir Liverpool:
Suarez fékk
átta leikja bann
SUAREZ Missir væntanlega af stórum
hluta tímabilsins með Liverpool
snemma á nýja árinu. NORDIC PHOTOS/GETTY
Enska úrvalsdeildin
Blackburn - Bolton 1-2
0-1 Mark Davies (5.), 0-2 Nigel Reo-Coker (30.),
1-2 Yakubu (67.).
Wolves - Norwich 2-2
0-1 Andrew Surman (12.), 1-1 Sylvan Ebanks-
Blake (37.), 1-2 Simeon Jackson (76.), 2-2 Ronald
Zubar (82.).
STAÐA NEÐSTU LIÐA
QPR 16 4 4 8 15-28 16
Wolves 17 4 3 10 19-32 15
Sunderland 16 3 5 8 18-19 14
Wigan 16 3 4 9 15-30 13
Bolton 17 4 0 13 22-39 12
Blackburn 17 2 4 11 24-38 10
LEIKIR KVÖLDSINS
19.45: Aston Villa - Arsenal Sport 4
19.45: Manchester City - Stoke Sport 5
19.45: Newcastle - WBA Sport 6
20.00: Fulham - Man. United Sport 2 & HD
20.00: Wigan - Liverpool Sport 3
20.00: Everton - Swansea
20.00: QPR - Sunderland
Þýska bikarkeppnin
Bochum - Bayern München 1-2
Hólmar Örn Eyjólfsson var ónotaður varamaður
hjá Bochum, sem leikur í þýsku B-deildinni.
Hoffenheim - Augsburg 2-1
Gylfi Þór Sigurðsson var á bekknum hjá Hoff.
Sænska úrvalsdeildin
LF Basket - Sundsvall Dragons 99-88
Jakob Sigurðarson skoraði átján stig, Hlynur
Bæringsson sautján auk þess að taka fjórtán
fráköst. Pavel Ermolinskij var með níu stig og níu
stoðsendingar.
Örebro - Solna Vikings 71-85
Logi Gunnarsson skoraði 21 stig fyrir Solna.
Södertälje - Jämtland 109-81
Brynjar Þór Björnsson skoraði fimm stig fyrir
Jämtland.
Ítalska úrvalsdeildin
Cagliari - AC Milan 0-2
0-1 Francesco Pisano, sjálfsmark (4.), 0-2 Zlatan
Ibrahimovic (60.).
ÚRSLIT
HANDBOLTI Füchse Berlin vann í
gær áttunda leik sinn í röð í þýsku
úrvalsdeildinni þegar liðið mætti
Lemgo á útivelli. Eftir jafnan leik
framan af náðu gestirnir frá Berl-
ín að síga fram úr á lokakaflanum
og vinna fjögurra marka sigur,
31-27.
Eins og svo oft áður fór mikið
fyrir landsliðsmanninum Alex-
ander Peterssyni í leiknum. Hann
skoraði alls sjö mörk, var marka-
hæstur en mörg markanna hans
voru afar lagleg.
Staðan í hálfleik var 15-14,
Lemgo í vil, sem var reyndar
skrefinu framar fyrstu 40 mínút-
ur leiksins. Alexander jafnaði þá
metin í 18-18 og lærisveinar Dags
Sigurðssonar fóru að taka völdin í
leiknum, hægt og rólega.
Þegar ellefu mínútur voru eftir
skoraði Alexander aftur mark
og kom sínum mönnum í þriggja
marka forystu, 24-21. Lemgo náði
að minnka muninn aftur í eitt
mark en nær komst liðið ekki og
Berlínarbúar unnu að lokum nokk-
uð þægilegan sigur.
Með sigrinum komst Füchse
Berlin í 29 stig og er þremur á
eftir toppliði Kiel, sem á þar að
auki leik til góða. Füchse Berlin er
með fimm stiga forystu á næstu lið
í deildinni en sjö leikir fara fram
í kvöld. Kiel mætir botnliði Ein-
tracht Hildesheim, sem er aðeins
með tvö stig, og því allar líkur á
að Alfreð Gíslason og hans menn
verði enn með fullt hús stiga eftir
sautján umferðir.
Dagur hefur náð frábærum
árangri með „refina“ frá Berlín
á undanförnum árum og haldi
liðið áfram á þessari braut virðist
fátt geta komið í veg fyrir að liðið
missi annað sæti deildarinnar úr
þessu. - esá
Füchse Berlin vann enn einn leikinn í gær:
Alexander marka-
hæstur í góðum sigri
ALEXANDER Skýtur hér að marki í leik með Füchse Berlin fyrr í vetur en hann var
öflugur í Lemgo í gær. NORDICPHOTOS/GETTY
FÓTBOLTI Knattspyrnustjórarnir
Owen Coyle hjá Bolton og Steve
Kean hjá Blackburn voru báðir að
berjast fyrir starfi sínu þegar liðin
áttust við í botnslag ensku úrvals-
deildarinnar í gær. Svo fór að
Bolton vann 2-1 sigur og má gera
ráð fyrir því úr þessu að Black-
burn verði komið með nýjan knatt-
spyrnustjóra áður en jólin ganga
í garð.
Grétar Rafn Steinsson var í
byrjunarliði Bolton á nýjan leik,
en hann hefur lítið fengið að spila
með liðinu að undanförnu nema
sem varamaður. Hann nýtti tæki-
færið vel og skilaði sínu í leiknum.
Bæði mörk Bolton komu í fyrri
hálfleik og það fyrra strax á fjórðu
mínútu. Mark Davies var þar að
verki með hnitmiðuðu skoti eftir
vandræðagang í varnarleik Black-
burn.
Varnarmenn heimaliðsins sváfu
aftur á verðinum er miðjumaður-
inn Nigel Reo-Coker skoraði annað
mark Bolton á 30. mínútu.
Leikmenn Blackburn gáfust þó
ekki upp og uppskáru mark þegar
23 mínútur voru til leiksloka.
Yakubu, sem hefur látið mikið til
sín taka að undanförnu, skoraði
með því að vippa yfir Jussi Jääske-
läinen í marki Bolton.
Stuðningsmenn Blackburn
púuðu duglega á liðið í leikslok
eftir að hafa krafist þess með
hrópum og köllum nánast linnu-
laust allan leikinn að Kean yrði
rekinn frá félaginu.
Blackurn hefur aðeins unnið
einn leik í deildinni síðan um
miðjan september og uppskeran
eftir því ansi rýr – aðeins tíu stig í
sautján leikjum.
Bolton komst úr botnsæti
deildar innar með sigrinum, þeim
fyrsta síðan í byrjun nóvember, og
er nú með tólf stig.
Þá skildu nýliðar Wolves og
Norwich jafnir í gær, 2-2, eftir að
síðarnefnda liðið hafði komist tví-
vegis yfir í leiknum. Roland Zubar
tryggði Úlfunum stigið með marki
átta mínútum fyrir leikslok.
eirikur@frettabladid.is
Dagar Kean virðast taldir
Grétar Rafn Steinsson endurheimti sæti sitt í byrjunarliði Bolton sem fékk þrjú
dýrmæt stig í botnslag ensku úrvalsdeildarinnar í gær með sigri á Blackburn,
2-1. Owen Coyle heldur starfi sínu eitthvað lengur en Steve Kean virðist á útleið.
FAGNAÐ VEL OG INNILEGA Owen Coyle, knattspyrnustjóri Bolton, leyndi ekki ánægju
sinni með mörk sinna manna og stigin þrjú langþráðu í gær. NORDIC PHOTOS/GETTY