Morgunblaðið - 29.12.2010, Blaðsíða 9

FRÉTTIR 9Innlent
MORGUNBLAÐIÐ MIÐVIKUDAGUR 29. DESEMBER 2010
Nánari upplýsingar um afgreiðslutíma er að finna á vinbudin.is
AFGREIÐSLUTÍMI
UM HÁTÍÐARNAR
Fimmtudagur 30. des. kl. 11.00 - 20.00
nema Skeifan, Dalvegur og Skútuvogur kl. 9.00 - 20.00
Föstudagur 31. des. kl. 10.00 - 13.00
nema Skeifan, Dalvegur og Skútuvogur kl. 9.00 - 13.00
Laugardagur 1. jan. Lokað
Vínbúðirnar á höfuðborgarsvæðinu,
Akureyri, í Reykjanesbæ og á Selfossi.
E
N
N
E
M
M
/S
ÍA
/N
M
44
78
4
Vottunarstofan Tún hefur staðfest
að fyrirtækin Sjóvík ehf. og Fram
Foods Ísland hf. uppfylli kröfur
Marine Stewardship Council (MSC)
um rekjanleika sjávarafurða sem
upprunnar eru úr MSC-vottuðum
sjálfbærum fiskveiðum. Eru þetta
fyrstu íslensku fyrirtækin til að
hljóta slíka vottun en vottorð voru
afhent fyrirtækjunum við formlega
athöfn í Þjóðmenningarhúsinu í
gær.
Rekjanleikavottun af þessu tagi
staðfestir að hráefni og afurðir séu
upprunnar úr sjálfbærum fiskistofn-
um. Samkvæmt upplýsingum frá
Túni hafa þessi vottorð breiðst hratt
út á undanförnum árum, samfara
aukinni eftirspurn á alþjóðlegum
mörkuðum eftir sjávarafurðum úr
vottuðum nytjastofnum. Hafa ís-
lensk fyrirtæki til þessa þurft að
sækja vottunina til útlanda, með
fyrirhöfn og kostnaði.
Sjóvík er dótturfélag Icelandic
Group og á og rekur fiskvinnslur í
Kína og Taílandi. Fram Foods, áður
Bakkavör á Íslandi, er með verk-
smiðju í Reykjanesbæ og framleiðir
m.a. fyrir systurfélög erlendis.
Sjóvík og Fram Foods
með vottaðar afurðir
Vottun Fulltrúar Sjóvíkur og Fram Foods með vottunarbréfin sem Tún og
MSC á Íslandi afhenti þeim við athöfn í Þjóðmenningarhúsinu í gær.
Næsta sumar verður boðið upp á
beint flug frá Akureyri til höf-
uðborgar Slóveníu, Ljubljana. Lagt
verður af stað hinn 24. júní nk. og
komið heim aftur 8 dögum síðar, 2.
júlí. Flogið verður með 136 sæta
Airbus frá slóvenska flugfélaginu
Adria Airways. Um leið mun stór
hópur Slóvena sækja Ísland heim í
tilefni þess að 20 ár verða liðin frá
því að Slóvenía fékk sjálfstæði, en
Ísland varð fyrst til þess að við-
urkenna sjálfstæðið. Hver Slóveni
mun m.a. gróðursetja eitt tré í
þakklætisskyni fyrir stuðninginn
fyrir 20 árum. Það er Ferðaskrif-
stofan Nonni sem skipuleggur ferð-
ina til Slóveníu og tekur á móti hin-
um erlendu gestum.
Slóvenía í beinu
flugi frá Akureyri
næsta sumar
Akureyri Flogið til Slóveníu næsta sumar.
Holtskjör fyrsta
verslunin
Í frétt sem birtist í blaðinu hinn 23.
desember síðastliðinn var ranglega
sagt frá því að verslunin Rangá hefði
verið fyrsta verslunin í Langholts-
hverfi í Reykjavík. Hið rétta er hins
vegar að Holtskjör var sú fyrsta.
Beðist er velvirðingar á mistök-
unum.
LEIÐRÉTT
Óvissan sem ríkt hefur um starf-
semi Heilbrigðisstofnunar Suður-
lands (HSu) hefur valdið því að ekki
var hægt að ljúka gerð rekstr-
aráætlunar fyrir áramót. Þetta
kemur fram í pistli sem Magnús
Skúlason, forstjóri HSu, skrifar á
vef stofnunarinnar. Stefnt er að því
að ljúka áætlunum einstakra deilda
í byrjun janúar. Um verulegan
vanda er um að ræða við rekstur
stofnunarinnar en á síðustu tveim
árum hafa fjárveitingar verið
skornar niður um yfir 20%. Það hafi
óhjákvæmilega mikil áhrif á rekst-
ur og starfsemi HSu.
Óvissa uppi um
starfsemi HSu
Selfoss Heilbrigðisstofnun Suðurlands.
SPRON-
sjóðurinn ses
hefur á síðustu
dögum úthlutað
340 milljónum
króna til marg-
víslegra málefna
tengdra mennt-
un, menningu og
góðgerðarstarfi.
Við úthlutun
styrkjanna var
tekið mið af þeim málefnum sem
Sparisjóður Reykjavíkur og ná-
grennis studdi á meðan sparisjóð-
urinn var enn við lýði en SPRON-
sjóðurinn ses varð til við breytingu
sparisjóðsins í hlutafélag árið 2007.
Hefur sjóðnum nú verið slitið.
Til góðgerðarmála fóru 130 millj-
ónir króna, 120 milljónir til menn-
ingartengdra mála og 90 milljónir í
menntun í nýsköpun.
340 milljónir úr
SPRON-sjóðnum
SPRON-sjóðnum
hefur verið slitið.