Morgunblaðið - 05.03.2011, Page 15

FRÉTTIR 15Innlent
MORGUNBLAÐIÐ LAUGARDAGUR 5. MARS 2011
Evgenia Ilyinska-
ya varði doktors-
ritgerð í eld-
fjallafræði við
University of
Cambridge 3.
nóvember sl.
Hún stundaði doktorsnám við
landfræðideild Cambridge-
háskóla. Ritgerðin ber heitið
„Formation and Evolution of
Volcanic Aerosol.“ Hún hefur
skoðað hvernig svifryksagnir
myndast í eldgosamekki. Þá
hefur hún unnið á eldstöðvum á
Hawai, Níkaragúa, Japan, Suð-
urskautslandinu og á Íslandi í
Eyjafjallajökulsgosinu.
Evgenia (Jana), sem er fædd
6. október 1983, flutti til Ís-
lands tíu ára að aldri, 1993.
Jana lauk stúdentsprófi frá
MH 2003 B.Sc.-námi í jarð-
fræði vid Royal Holloway, Uni-
versity of London, árið 2006.
 Foreldrar Jönu eru Marina Ily-
inskaya og Pétur Þorleifsson.
Systkini Jönu eru Ívar Hannes Pét-
ursson og Þórey Nína Péturs-
dóttir.
» FÓLK
Doktor í
eldfjallafræði
Hinn 20. desem-
ber síðastliðinn
varði Þórlindur
Rúnar Þórólfs-
son doktors-
ritgerð sína í
tölvuverkfræði
við Ríkisháskólann í Norður-
Karólínu í Bandaríkjunum.
Doktorsritgerðin „Three-
Dimensional Integration of
Synthetic Aperture Radar
Processors“ fjallar um hvern-
ig hægt er stafla radarmynd-
unarörgjörvum til að þess að
auka afkastagetu þeirra og
draga úr rafmagnsnotkun.
Niðurstöður rannsókna Þórl-
inds Rúnars hafa birst í
fræðiritum og í ráðstefn-
uritum á sviði rafmagns- og
tölvuverkfræði og hafa verið
kynntar á alþjóðlegum ráð-
stefnum.
 Þórlindur Rúnar er sonur
hjónanna Þórólfs Þórlindssonar
prófessors og Jónu Siggeirs-
dóttur hjúkrunarfræðings. Hann
starfar við rannsóknir og
kennslu við Ríkisháskólann í
Norður-Karólínu.
Doktor í
tölvuverkfræði
Pétur Benedikt
Júlíusson hefur
varið dokt-
orsritgerð við
Háskólann í
Björgvin í Nor-
egi. Ritgerðin
fjallaði um ofþyngd og offitu
meðal barna, sem er alþjóðlegt
heilsufarsvandmál. Mælingar
voru gerðar á 8.299 börnum ár-
in 2003-2006. Tölurnar voru
bornar saman við mælingar á
árunum 1971-1974 og kom í ljós
aukning í hlutfalli líkams-
þyngdar og hæðar. Mestu
breytingarnar höfðu orðið í
efstu hundraðshlutunum, þ.e.
þyngstu börnum voru orðin
þyngri.
 Pétur Benedikt Júlíusson er
fæddur 1964 og uppalinn í Reykja-
vík. Foreldrar hans eru Þórunn
Gröndal og Pétur Emil Júlíus Hall-
dórsson. Pétur er kvæntur Ellen
Margrete Apalset gigtarlækni og
eiga þau þrjú börn. Hann hefur
verið yfirlæknir við sjúkrahúsið í
Haukeland í Noregi frá 2005.
Doktor í
læknisfræði
Í dag er fyrsti laugardagur mán-
aðarins en þá er jafnan opið lengur
en ella í miðborginni og lifandi tón-
list og stemning í öndvegi. Sönghóp-
urinn Raddir Ingólfs mun gera víð-
reist um 101 svæðið í dag og syngja
upp vorstemninguna. Verslanir eru
opnar til kl. 17 í miðborginni en sum-
ar enn lengur.
Samkvæmt upplýsingum Jakobs
Frímanns Magnússonar, fram-
kvæmdastjóra Miðborgarinnar okk-
ar, eru fleiri erlendir ferðamenn
staddir í Reykjavík um þessar
mundir en nokkru sinni fyrr á þess-
um árstíma. Langstærstur hluti
þeirra sækir miðborgina heim og
hefur áhugi þeirra í vaxandi mæli
beinst að íslenskri hönnun, fatnaði,
úrum og skartgripum auk þess sem
hin fjölbreytta flóra kaffihúsa og
veitingastaða vekur mikla ánægju.
Veitingahúsin eru síðan mörg
hver opin fram undir morgun eins og
tíðkast um helgar í hinni glaðværu
miðborg Reykjavíkur.
Langur laugardagur í miðborginni
Morgunblaðið/Árni Sæberg
Miðborgin Það er jafnan mikið líf og fjör á löngum laugardögum.
 Fleiri erlendir ferðamenn staddir í
borginni en áður á þessum árstíma