Morgunblaðið - 01.04.2011, Blaðsíða 4

Fyrirhugað fangelsi
á Hólmsheiði
Bygging nýs fangelsis verður að öll-
um líkindum boðin út eftir um tvær
vikur, það er um miðjan apríl, sam-
kvæmt upplýsingum frá innanríkis-
ráðuneytinu. Þessa dagana er unnið
að ritun útboðslýsingar. Gefnir
verða möguleikar á ýmsum fráviks-
tilboðum í útboðinu.
Reykjavíkurborg hefur lengi gert
ráð fyrir fangelsislóð í Hólmsheiði.
Um er að ræða 35.000 fermetra lóð,
3,5 hektara, norðan Suðurlands-
vegar og vestan við Hafravatnsveg.
Í ljós hefur komið að landamörk
jarðanna Hólms annars vegar og
Geitháls/Vilborgarkots hins vegar
og lóðamörkin skarast á kafla.
Framkvæmda- og eignasvið Reykja-
víkurborgar hefur átt í viðræðum
við landeigendurna um að borgin
eignist lóðina alla, að sögn Ágústs
Jónssonar skrifstofustjóra. Hann
sagði marga eigendur vera að spild-
unum tveimur og að viðræður hefðu
verið vinsamlegar.
Ráðgert var að byggja upp iðn-
aðarhverfi í Hólmsheiði og var m.a.
auglýst tillaga að deiliskipulagi en
það ekki klárað. Því hefur ekki verið
farið í lagnagerð á svæðinu. Rísi
fangelsið í Hólmsheiði mun það fá
vatn og rafmagn en gert er ráð fyrir
að frárennsli verði leyst með rotþró,
að sögn Ágústs.
Rætt hefur verið um að í fangels-
inu verði pláss fyrir 56 fanga af báð-
um kynjum. Fram hefur komið að
Ríkiskaup muni sjá um útboðið fyrir
hönd ríkissjóðs og að miðað sé við að
bjóðendur byggi húsið og leigi rík-
inu. Ekki verður gert að skilyrði í út-
boðinu að fangelsið verði byggt á
höfuðborgarsvæðinu. gudni@mbl.is
Útboð
eftir tvær
vikur
Samið um fangelsis-
lóð í Hólmsheiði
4 FRÉTTIRInnlent
MORGUNBLAÐIÐ FÖSTUDAGUR 1. APRÍL 2011
Holtagörðum 2. hæð • Sími 512 6800 • www.dorma.is
25%
afsláttur
Ilmur
mánaðarins
FRÉTTASKÝRING
Einar Örn Gíslason
einarorn@mbl.is
Áætlað er að stöðugildum fækki um
80 til 100 á þessu ári á Landspít-
alanum, sem er framhald á þeirri
þróun sem verið hefur undanfarin
misseri. Spítalanum hefur sem
kunnugt er verið gert að skera út-
gjöld verulega niður, og því nauð-
synlegt að lækka launakostnað. Á
árunum 2009 og 2010 fækkaði starfs-
mönnum samanlagt um 627, þó voru
ekki allir í heilum stöðugildum, og
var heildarfjöldi starfsfólks á spít-
alanum í árslok 2010 alls 4594. Björn
Zoëga, forstjóri Landspítalans, segir
vitaskuld ekki auðvelt að standa í
þessum aðgerðum. Hins vegar sé allt
reynt og mörgum boðin önnur störf
á spítalanum, verði því komið við.
„Þó við séum að fækka fólki erum við
líka að bæta við okkur,“ segir Björn.
Starfsfólk ekki bara á útleið
Sem dæmi um það munu 36
starfsmenn láta af störfum nú um
mánaðamótin, án þess að viðkom-
andi hafi verið sagt upp. „Á móti
kemur að við ráðum 22 til 23 í mis-
munandi störf. Þannig að það er allt-
af þessi velta, og svo ráðum við á
móti,“ segir hann. „Það hefur verið
lítið um uppsagnir.“ Átta starfs-
mönnum hefur verið sagt upp frá og
með mánaðamótum, fjórum á dag-
deild geðsviðs spítalans, líkt og
greint var frá í Morgunblaðinu í vik-
unni, og fjórum starfsmönnum á
heilbrigðisvísindabókasafni spítal-
ans, sem verið er að endurskipu-
leggja. „Þessar raunverulegu upp-
sagnir eru ekki margar miðað við
hvað við höfum fækkað um marga.
Við höfum beitt miklu aðhaldi. Í
hvert einasta skipti sem einhver
hættir spyrjum við okkur: Getur ein-
hver komið annars staðar frá og gert
þetta? Er einhver að hætta annars
staðar sem fær þetta starf í stað-
inn?“ segir Björn.
25 sagt upp í ræstingum
Einn liður í niðurskurðaraðgerð-
unum er útboð ræstingar, en nýverið
var ræsting hluta húsakostsins við
Hringbraut boðin út og í kjölfarið
samið við Sólarræstingu til tveggja
ára. Björn áætlar að með þeim
samningi kunni að sparast allt að 80
milljónir ár ári, en samningurinn
hljóðar upp á rúmlega 63 milljónir
króna á ári. Vegna þessa breytta fyr-
irkomulags var 25 starfsmönnum
spítalans sagt upp og Sólarræsting
tekur við frá og með deginum í dag.
Fimm þessara starfsmanna var
fundið starf annars staðar á spítal-
anum, en afgangnum boðið starf hjá
Sólarræstingu. Aðeins tveir þeirra
þáðu það tilboð.
„Sumir voru náttúrlega búnir að
fá vinnu annars staðar, og þar fram
eftir götum,“ segir Þórsteinn
Ágústsson, framkvæmdastjóri Sól-
arræstingar, spurður um mögulegar
ástæður þessa. „Aðrir vildu ekki fara
í breytingar, eða höfðu bara ekki
áhuga á þessu.“ Hann segir launa-
kjör og starfsskipulag breytast frá
því sem fyrir var. „Það var í rauninni
að ákveðnu leyti öðruvísi starf hjá
spítalanum. Það var ekki bara ræst-
ing heldur ákveðin þjónusta líka,
þannig að starfið hefur að einhverju
leyti breyst og er ekki alveg sam-
bærilegt við það sem var,“ segir Þór-
steinn. Hann segir fyrirtæki sitt
taka þetta verkefni mjög alvarlega,
þar sem spítalinn sé einn af stærstu
viðskiptavinum fyrirtækisins, en
ekki síður þar sem starfsemi hans
skipti miklu máli. „Þarna getum við
öll legið inni á einhverjum tíma,
þannig að þetta þarf að vera vel
gert,“ segir Þórsteinn.
Erfitt að hagræða frekar
Uppsagnirnar nú eru liður í lang-
tíma-niðurskurðaraðgerðum. Björn
segir erfitt að meta það hvernig
næsta ár kunni að líta út. Nú sé með-
al annars verið að finna allmörgum
fyrrverandi starfsmönnum St. Jós-
efsspítala í Hafnarfirði störf og
breyta starfseminni þar. Enn sé
töluverð óvissa um hvernig þau mál
þróist á árinu. „Svo verðum við auð-
vitað að fá einhverja vísbendingu um
hvernig fjárlögin verða,“ segir
Björn. Hann telur að tekist hafi að
ná spítalanum í fjárhagslegt skjól.
„Við erum búin að koma rekstrinum
niður á eðlilegt plan og ég bara vona
að það sé skilningur á því að við
séum búin að hagræða það mikið tvö
ár í röð að það er orðið mjög erfitt að
bæta frekari hagræðingu við.“
Fækkar smátt og smátt
 Stöðugildum fækkar enn á Landspítalanum, en reynt er að halda uppsögnum
í lágmarki  25 missa vinnuna við ræstingar í dag eftir að verkið var boðið út
Morgunblaðið/RAX Morgunblaðið/Golli Morgunblaðið/Eggert
„Við ætlum að gera þetta eins vel og
við getum og það er alveg ljóst að
Landspítalinn mun standa við bakið
á þeim sem þurfa á sérhæfðari þjón-
ustu að halda en við getum veitt,“
segir Aðalbjörg Traustadóttir,
framkvæmdastjóri þjónustu-
miðstöðvar Laugardals og Háaleitis,
um lokun dagdeildar 28 í Hátúni,
sem hefur hjálpað fólki með geð-
sjúkdóma til sjálfstæðrar búsetu í
Hátúninu.
Aðalbjörg segir að unnið sé að því
að greina þarfir þeirra 47 ein-
staklinga sem hafa nýtt sér þjón-
ustu deilarinnar og tryggt verði að
allir fái áfram þá þjónustu sem þeir
þurfa á að halda. Borgin sinni nú
þegar innliti til margra af þessum
einstaklingum og þekki því nokkuð
til þeirra.
„Þjónustan verður ekki óbreytt en
það er kerfi til staðar sem tekur við
þessum einstaklingum,“ segir hún.
Metið verði hversu oft fólk þurfi á
innliti að halda, heimahjúkrun, þrif-
um, hvort það hafi þörf fyrir helgar-
þjónustu og fleira. Þeir sem nýttu
sér hádegismatinn sem boðið var
upp á á dagdeildinni muni sækja þá
þjónustu á Vitatorg eða aðra staði í
nágrenninu.
„Reynslan hefur sýnt að það er
gott fyrir fólkið að komast út í sam-
félagið,“ segir Aðalbjörg. Beri eitt-
hvað út af verði teymi skipað fulltrú-
um velferðarsviðs borgarinnar og
Landspítala til taks til að takast á
við þau mál. holmfridur@mbl.is
Allir munu fá þá þjónustu
sem þeir þurfa á að halda
Morgunblaðið/Kristinn
 Verið að fara yfir þjónustuþörfina Dagdeild 28 í Hátúni
» Á heimasíðu Landspítalans
segir m.a. að deildin í Hátúni
gegni því mikilvæga hlutverki
að styðja við notendur í sjálf-
stæðri búsetu með eftirliti,
lyfjameðferð og dag- eða ferli-
stuðningi.
» Deildinni verður lokað 1. júlí
næstkomandi.
627
starfsmenn hættu hjá Landspít-
alanum á árunum 2009 til 2010 án
þess að ráðið væri í þeirra stað.
4594
störfuðu á spítalanum um síðustu
áramót, en ráðgert er að stöðugild-
um fækki um 80 til 100 í ár.
25
misstu vinnuna í ræstingum í dag.
Hluti þeirra fékk vinnu annars stað-
ar á spítalanum.
23
nýir starfsmenn hafa verið ráðnir
nú um mánaðamótin, en 36 láta af
störfum án uppsagnar.
‹ NIÐURSKURÐUR ›
»