Morgunblaðið - 01.04.2011, Side 14

14 FRÉTTIRInnlent
MORGUNBLAÐIÐ FÖSTUDAGUR 1. APRÍL 2011
„Aðsamþykkja
samninginner
einsogaðgiftast
leiðinlega
gæjanum
til aðhann
hætti að
böggaþig.“
ADVICE hópurinn telur hagsmunum Íslands best borgið með því að fella
Icesave-lögin þann 9. apríl. Auglýsingar og annað starf hópsins er greitt með
frjálsum framlögum og vinnuframlagi sjálfboðaliða. Tölvupóstur: advice@advice.is
www.advice.is
„Við samþykkt samningsins mun vesenið fyrst hefjast fyrir
alvöru. Nú þegar er verið að skera allt inn að beini hér á landi
til að ná inn nokkrum tugum eða hundruðum milljóna króna.
Icesave umræða dagsins í dag verður eins og vögguljóð í
minningunni við hliðina á þeim sársauka og efnahagslegu
áhrifum sem greiðslurnar munu valda okkur næstu 35 árin.“
Lára Björg Björnsdóttir - Pressupenni
Kristín Ágústsdóttir
Neskaupstaður Heldur rólegt hefur verið yfir starf-
semi fæðingardeildar Fjórðungssjúkrahússins í Nes-
kaupstað (FSN) á fyrsta ársfjórðungnum. Einungis
12 börn voru fædd seinni hluta marsmánaðar. Á
sama tíma í fyrra höfðu fæðst 28 börn, en það ár var
metár og þá fæddust 87 börn. Engu að síður telja
ljósmæður deildarinnar að árið geti orðið gott. „Það
eru margar konur að gefa sig fram í mæðravernd
þessa dagana. Sumrarið og haustið verður gjöfult,“
sögðu þær Jónína Salný Guðmundsdóttir og Oddný
Ösp Gísladóttir kátar. „Við gætum alveg jafnað síð-
asta ár út.“
Deildin á góða að
Fæðingardeildin á góða að og undanfarið hafa
henni verið færðar góðar gjafir. M.a. færði sauma-
klúbbur á Reyðarfirði deildinni sængurver til að láta
í ljós ánægju með góða þjónustu á deildinni. Þá hefur
Samvinnufélag útgerðarmanna í Neskaupstað (SÚN)
verið duglegt að færa deildinni ýmsan búnað til að
auka þægindi nýbakaðra foreldra. Á dögunum færði
starfsfólk sjúkrahússins deildinni nýja mjaltavél af
fullkomnustu gerð sem mun þjóna bæði inniliggjandi
sængurkonum og mjólkandi mæðrum út í bæ.
Talið er að um fjórðungur austfirskra kvenna fæði
utan fjórðungsins. Sumar af læknisfræðilegum
ástæðum og aðrar vegna fjölskyldutengsla. „Við telj-
um að konur af Austurlandi séu í auknum mæli farn-
ar að nýta sér þjónustuna hér og hvetjum þær til að
koma hér og fæða,“ segir Jónína Salný.
Á fæðingardeildinni eru tæplega þrjú stöðugildi og
enginn vandi að manna þau nú um mundir. Spurðar
út í framtíðina sögðu ljósmæðurnar að óvissan væri
óþægileg.
„Það vantar stefnumörkun hjá stjórnvöldum eða
að minnsta kosti þarf að opinbera hana ef hún er til.
Hvar eiga að vera fæðingadeildir á Íslandi og hvar
eiga að vera skurðstofur? Ef niðurskurðurinn verður
meiri missum við hæft starfsfólk og stöndum þá mun
verr að vígi þegar eitthvað óvænt gerast,“ sagði Jón-
ína Salný. „Við vorum í þeirri stöðu sl. sumar að geta
ekki sent frá okkur veik börn til Reykjavíkur vegna
eldgoss! Hver hefði séð það fyrir að eldgos um há-
sumar kæmi í veg fyrir flutning á sjúkum börnum?
Sem betur fer komust börnin til Akureyrar og fengu
þar fyrsta flokks þjónustu.“
Færri börn en í fyrra
 Sumarið og haustið verð-
ur gjöfult í fæðingum
Ljósmynd/Ingvar Ísfeld
Krúttsprengja 12. barnið á fæðingardeildinni þetta ár-
ið. Dóttir Ingvars Ísfeld og Hrannar Sigurðardóttur.
Morgunblaðið/Kristín Ágústsdóttir
Mannauður Ljósmæðurnar Hrafnhildur Lóa Guð-
mundsdóttir, Oddný Ösp Gísladóttir, Jónína Salný
Guðmundsdóttir og Ingibjörg Birgisdóttir eru kátar
með nýju mjaltavélina Humlu.
Björn Jóhann Björnsson
bjb@mbl.is
Norska fyrirtækið Barnehagebuss-
en í Stryn, sem hannað hefur og
framleitt svonefndar leikskólarútur,
hefur áhuga á að komast í samband
við rekstraraðila leikskóla hér á
landi, jafnt sveitarfélög sem einka-
aðila. Fyrirtækið hefur frá 2007
útbúið rútur af þessu tagi fyrir leik-
skóla bæði í Svíþjóð og Noregi en
þær eru framleiddar og við-
urkenndar sem sérstakar deildir í
leikskólum með pláss fyrir 22 börn.
Þessi lausn hefur verið talin henta
vel fyrir leikskóla sem þurfa að
stækka við sig og/eða búa við skort á
húsnæði. Íslenskir leikskólakenn-
arar hafa kynnt sér þessa starfsemi í
kynnisferðum í leikskóla í Svíþjóð og
hafa skólar í Hafnarfirði og Reykja-
vík gefið þessum möguleika gaum án
þess að nokkrar ákvarðanir hafi ver-
ið teknar.
Meðal þeirra er Hlíðarberg í
Hafnarfirði, en kennarar þaðan fóru
í námsferð til Uppsala í Svíþjóð í
febrúar sl. Meðal þess sem fyrir
augu bar voru rútur af þessu tagi, en
hópurinn kynnti sér einnig annars
konar leikskólastarfsemi á svæðinu.
„Þetta er mjög spennandi og
skemmtileg hugmynd, bara spurn-
ing hvernig hægt er að aðlaga hana
íslenskum aðstæðum,“ segir Svan-
hildur Ósk Garðarsdóttir, aðstoð-
arleikskólastjóri Hlíðarbergs, við
Morgunblaðið. Hún segir starfsemi
af þessu tagi gefa ýmsa nýja mögu-
leika fyrir leikskóla, og veiti börnum
jafnframt fleiri tækifæri til að kynn-
ast umhverfi sínu. Í þessum leik-
skólum í Uppsölum hefst dagurinn
með því að ekið er í kannski hálf-
tíma, þar til komið er á eitthvert úti-
vistarsvæði. Síðan tekur við uppeld-
islegt starf og matur hitaður upp um
borð í rútunum, þar sem einnig er
salernisaðstaða, sem og fatahólf og
aðstaða til að vinna verkefni. Svan-
hildur segir sænsku leikskólakenn-
arana hafa hiklaust mælt með þess-
um kosti, reynsla þeirra sé mjög góð
og mikil ásókn foreldra í að koma
börnunum þarna að. „Þarna er í
raun allt til staðar og leikskólakenn-
ararnir eru líka bílstjórar, þær höfðu
bara tekið meirapróf,“ segir hún og
hlær.
Nálgast má nánari upplýsingar
um leikskólarúturnar á vefnum
www.barnehagebussen.no, þar sem
einnig er hægt að skoða myndir frá
þessari sérstöku starfsemi. Hver
rúta mun kosta með öll um 2,5 millj-
ónir norskra króna, jafnvirði um 50
milljóna króna. Hefur fyrirtækið
selt 15 rútur af þessu tagi, segir
Inge Arne hjá Barnehagebussen.
Leikskólarútur í notkun hér?
 Norskt fyrirtæki kynnir nýjung fyrir íslenskum leikskólum  Börnin ferðast í rútum sem eru þeirra
afdrep og skjól  Íslenskir leikskólakennarar hafa kynnt sér þetta og finnst hugmyndin spennandi
Ljósmyndir/Barnehagebussen.no
Leikskólarúta Þessari nýjung í starfsemi leikskóla hefur verið vel tekið í Noregi og Svíþjóð. Rúturnar hafa verið
viðurkenndar sem sér deildir og biðlistar myndast eftir plássum. Rútan er m.a. notuð sem afdrep og til að snæða í.
„Þetta hefur verið jákvætt bæði
í kennslunni og fjárhagslega.
Reynslan hefur sýnt að börnin
eru bæði frískari og betur upp-
lögð, auðveldari í samskiptum,
fá betri skilning á náttúrunni og
læra meira um staðhætti,“ segir
Inge Arne Bøe í samtali við
Morgunblaðið, en hann hefur
stýrt verkefninu.
Hann segir foreldra sem eiga
börn á þessum deildum vera
mjög ánægða með þetta útivist-
arfyrirkomulag þar sem hver
dagur sé nýtt ævintýri. Mörg
bæjarfélög og einkaleikskólar á
Norðurlöndum hafi sýnt áhuga
á að kaupa þessar rútur og nú
sé verið að kanna áhuga Íslend-
inga á þessum kosti.
Börnin betur
upplögð
GÓÐ REYNSLA Í NOREGI
Börn Rútunum er mjög vel tekið.