Birtingur - 01.01.1960, Blaðsíða 15
bókmenntir þjóðar sinnar þótt seint kæmi
á daginn. Og ljóð Saba eru kannski mann-
eskjulegri og hlýlegri og bjartari en Ijóð
Montale og Ungaretti. 1 fyrstu virðast
þau einfaldari og aðgengilegri, þó kunna
að leynast fínleg blæbrigði, djúpstæð og
verða ekki gripin fyrr en við nána við-
kynningu. 1958 krafðist hið marxístiska
bókmenntatímarit Contemporaneo
þess að Saba fengi Nóbelsverðlaunin.
5.
Ungaretti
Ungaretti hefur löngum verið í nánum
tengslum við franska menningu og hlaut
menntun í Frakklandi, fæddur í Egypta-
landi. Hann er fimm árum yngri en Saba.
Á Parísarárum hans tók að bera á Clau-
del, André Gide og Valéry, og þeir fóru að
hafa byltingarkennd áhrif í bókmenntum
en Picasso og Braque á málaralistina. Með
Ungaretti og franska skáldinu fræga Apol-
linaire var náin vinátta. Ljóðlistarkenning-
ar Valéry (sem hér er því miður ekki rúm
til að gera grein fyrir) höfðu mikil áhrif
á hið unga skáld og birtust í verkum hans
löngum upp frá því. Einnig hafa önnur
frönsk skáld eins og Mallarmé og Rimbaud
orkað sterkt á Ungaretti. Ljóð hans eru
músíkölsk, máltöfrar ríkir, formið snjallt
og oft þrungið, í stuttum og sterkum,
einföldum mynztrum. Hann lætur oft les-
andanum eftir að yrkja í eyður, réttir
honum kjarna, eða einskonar möndul fyrir
leik ímyndunaraflsins. Ljóðið íifir af sam-
starfi skáldsins og lesandans, og lesand-
inn eignast ekki hlutdeild í því án ein-
beitingar og fyrirhafnar, því verðmætara
kann það að reynast og drýgra. Á seinni
árum hefur kveðskapur Ungaretti orðið
ljósari og auðskildari, fleira er bókað, og
ljóðlist hans er auðugri og margslungnari
en fyrr og alþýðlegri. Fá skáld munu hafa
komizt til manns á Italíu án þess að hafa
orðið fyrir einhverjum áhrifum af Unga-
Birtingur 13