Birtingur - 01.06.1966, Qupperneq 26

JÓN ÚR VÖR: BIÐIN
Þegar ég he£ lokiS störfum hvern dag
held ég áfram að bíða.
Ég stend á verði við hús mitt
og alltaf á ég von á þessuin þráða sendiboða
með þetta eina orð
að sál mín öðlist frið.
Ég horfi á snjóinn falla við dyr mínar um vetur
og grasið grænka á sumur og tréð vaxa.
Ég finn goluna leika um hár mitt
úr annarri átt í dag en í gær
og tíðina breytast.
Ég varpa fram spaugi við póstinn,
eins og mér komi það ekki á Óvart,
að einnig þessi dagur sé kominn að kveldi.
Enginn má sjá hvernig vonbrigðin
leggja hrím sitt á axlir mínar hverja stund,
en spegillinn í ganginum
telur hrukkur mínar og hárin mín gráu.
Hendur mínar sem greinar trésins um vetur.