Íslenskt mál og almenn málfræði - 01.01.2011, Blaðsíða 41

Orðmðuögnin er það ekki
39
26. A:->maður gefur svona sko (.) jájájá þetta var allt
27. -> í besta standi=
28. B:-> =já var það ekki
29 . A: -> jú jú jú jú
(ÍSTAL 05-730-02)
Sé rýnt frekar í aðdragandann að orðaskiptunum í línum 26 til 29 kemur í
ljós að undirtektir B við mati A eiga sér undanfara í því sem B hefur áður
látið falla í samtalinu um þetta efni. Um leið og B samþykkir það sem A
segir er hann því í raun og veru líka að endurstaðfesta eigin skoðun sem
óbeint hefur komið fram áður. B greinir A frá því í línu 4 hversu marga
bagga hann hafi tekið til handa fénu og að hann hafi talið þá, eins og til að
fullvissa viðmælandann um að það hafi verið nóg. Hann endurtekur fjöld-
ann í línu 9 og bætir svo við í línum 11 og 12 að aðeins einn baggi hafi verið
skilinn eftir. Hann reynir svo að komast að í línum 15 til 22 með það, að því
virðist, að hann hafi aðeins gefið úr einum bagganum. Með því að hann
hefur áður tiltekið fjölda bagganna og að þeir séu allir tiltækir gefur hann í
skyn án þess að nefna það beinlínis að heyfengur sé samt nægur handa fénu.
A slær að lokum botninn í samtalið með því að draga saman hin óbeinu ski-
laboð frá B með segðinni þetta varallt í besta standi í línum 26 og 27. B tekur
undir það og staðfestir þá um leið þessa túlkun A á orðum sínum og að
þetta hafi verið nákvæmlega það sem hann sjálfur átti við. Með orðunum já
var það ekki í línu 28 er mælandinn því í raun að kvitta fyrir að hinn hafi
skilið hann rétt.
Þetta sést enn skýrar í eftirfarandi dæmi þar sem viðmælandi beinlínis
tekur orðið af mælandanum eins og hann lesi hugsun hans og lýkur við
það sem hann var byrjaður á:
(16) Símakostnaður
1. B: ég er búin að vera á leiðinni að hringja í þú
2. veist þrjár vikur eða síðan ég kom frá Prag nei
3. ég var nú búin að hringja í hana en
4. (s-) svo jæja alla
5. A: já
6. B: vegana (.) sæl hvað segir þú gott allt ágætt ég
7. er á Rimini
. .25
8. A:-> en svaraði hún þá
9. B: já hún hefur haft hann opinn sko (i—) örugglega
10. B: aðallega fyrir einhvern annan en mig til að
25 Hér er sleppt búti úr samtalinu.