Íslenskt mál og almenn málfræði - 01.01.2011, Page 217

Frá íslenska málfræðifélaginu
Skýrsla um starfsemi félagsins
frá^. febrúar 2010 til <?. febrúar 2011
Á aðalfundi í byrjun árs var kosin ný stjórn félagsins. Ásta Svavarsdóttir
tók við sem formaður af Theódóru A. Torfadóttur og Margrét Guð-
mundsdóttir varð gjaldkeri í stað Bjarka M. Karlssonar, en hvorugt þeirra
gaf kost á sér til endurkjörs. Aðrir stjórnarmenn eru Sigrún Ammendrup,
ritari, Haukur Þorgeirsson, sem kom nýr inn í stjórnina sem meðstjórn-
andi, og ritstjórarnir, Haraldur Bernharðsson og Höskuldur Þráinsson,
sem báðir voru endurkjörnir. Endurkjörin í varastjórn voru Veturliði Óskars-
son og Þóra Másdóttir og sem skoðunarmenn reikninga Guðrún Þórhalls-
dóttir og Kristín Bjarnadóttir.
Á fundinum var nýrri stjórn falið að kanna stöðu málfræðiorðasafns
sem lengi hefur verið í smíðum á vegum félagsins þótt vinna við það hafi
legið niðri um alllangt skeið. Einnig var stjórninni falið að standa fyrir
vikulegu málvísindakaffi í Nýja-Garði sem hafði verið endurvakið haustið
áður. Auk þess var á árinu haldið úti föstum liðum í starfi félagsins.
M álví sindakaffi
Málvísindakaffið hófst um miðjan mars og var haldið reglulega fram á vor
í hádeginu á föstudögum, alls níu sinnum. Lögð var áhersla á að um væri
að ræða tiltölulega óformlega framsögu og umræður og að gestir gætu tekið
með sér nesti. Kaffið er auglýst á heimasíðu félagsins og með því að senda
tilkynningar á póstlista þess. Umræðuefni á vormisseri voru fjölbreytt og
framsögumenn voru Höskuldur Þráinsson o.fl. (12. mars: „Málbreytingar
í rauntíma á íslensku hljóðkerfi og setningagerð“), Jóhannes Gísli Jónsson
o.fl. (19. mars: „Málfræðilegar formdeildir og hlutverksvarpanir með hlið-
sjón af miðlunarhætti"), Ásta Svavarsdóttir (26. mars: um rannsóknir á
aðkomuorðum), Baldur Sigurðsson (9. apríl: um samanburðarrannsókn á
töku læsis í nokkrum tungumálum), Veturliði Óskarsson (16. apríl: um
rannsóknir á textum um handverk frá 16.—19. öld), Eiríkur Rögnvaldsson
o.fl. (23. apríl: um íslenskan trjábanka), Katrina Nicholas (30. apríl: um