Vera - 01.07.1984, Blaðsíða 46

Ef þið eigið leið um London...
Ef þið eigið leið um London þá látið ekki
hjá líða að koma við í Kvennahúsinu,
Hungerford House, sem stendur við The
Embarkment við hliðina á neðanjarðar-
stöðinni, sem ber sama nafn.
Hungerford House er rekið sem upplýs-
inga miðstöð um ótölulegan fjölda kvenna-
hópa og kvenna starfsemi sem rekin er af
kvenfrelsiskonum í London.
Auk þess er í húsinu ágætis kvenna-
bókasafn og bóksala þar sem nýjustu
bækur og tímarit sem fjalla um kvenfrelsis-
baráttuna eru á boðstólum.
í húsinu er setustofa, þar sem maður
getur fengið sér kaffi- eða tesopa, hitt kon-
ur og spjallað saman.
Starfskonur hússins eru einkar hjálp-
samar og taka fagnandi á móti gestum.
Við fórum nokkrar í heimsókn þangað í
vetur og mælum með staðnum sem slík-
um. Þaö er ómetanlegt að geta á einum
stað fengið hugmynd um það fjölbreytta
starf sem kvenfrelsishreyfingarnar í
London vinna.
Heimilisfangið er: Hungerford House,
Victoria Embarkment, London WC2,
England.
G.J.