Vera - 01.02.1987, Blaðsíða 2
Meö hinni nýju kvennahreyfingu sem spratt upp í kringum
1970 helgaði kvenfrelsisstefnan, eöa feminisminn, sér land í
íslenskum stjórnmálum. Á þeim tiltölulega stutta tíma sem
síðan er liðinn hefur átt sér stað mikil hugmyndafræðileg um-
ræða meðal kvenna, kvenfrelsisstefnan hefur þróast í ýmsar
áttir og samtök á vegum hreyfingarinnar hafa iiðið undir lok
og önnur nýrri tekið viö. Séð frá sjónarhóli karlveldisins er
þetta án efa vitnisburður um hringlandahátt og óábyrga af-
stöðu. Þartelst auövitað til æðstu dyggða að hanga á því sem
menn hafa eins og hundar á roði.
Hin síbreytilegu form og áherslur kvennahreyfingarinnar
bera þess vott að þarna er á ferðinni lifandi hreyfing sem
tekur sjálfa sig og baráttumál sín til stöðugs endurmats.
Þetta er hreyfing sem lætur ekki stjórnast af hefðum og
formum heldur notar þau form sem best henta hverju sinni.
Þetta er hreyfing með ríkan hæfiieika til að aðlaga sig sam-
tímanum án þess þó að hún hafi nokkurn tíma misst sjónar
á því meginmarkmiði sínu að breyta lífsskilyrðum kvenna
þannig að þær geti staðið jafnfætis körlum í leik og starfi.
Vegna stöðugrar endurnýjunar og nýsköpunar er kvenfrels-
isstefnan sterkasta andstaðan við þá frjálshyggju sem nú
tröllríður íslensku samfélagi. í kvenfrelsisstefnunni er að
finna þá hugmyndalegu gerjun og þá frjóu uppsprettu sem
nauðsynleg er til að mæta sókn frjálshyggjunnar. Það frelsis-
lögmál frumskógarins sem frjálshyggjan byggist á er ógnun
við alla þá sem hvorki hafa völd né eiga auð og hvorugt hefur
safnast á hendur kvenna. Kvennabarátta er því öflugasta
svarið við frjálshyggjunni.
— isg.
LANI'SeCKASAH'
390779
ÍSl .11) CS
VERA
1/1987 — 6. árg.
Útgefendur:
Kvennaframboðið í Reykjavík
og Samtök um Kvennalista.
Símar: 22188 og 13725
í VERU NÚNA:
3—4 Lesendabréf
4 Ljóð
5—8 Frelsi með ábyrgö
Viðtal við Sigríði
Dúnu Kristmundsdóttur
10—12 Stórtogspennandi verkefni
Rætt við Önnu Karin Hammar
14—15 Héöan og þaðan
16—17 íslenskan er karlamál
18—19 Klám og erótík
20—23 Friðarferðin mikla
Helga Jóhannsdóttir segir frá
24—27 Borgarmál
28—31 Þingmál
32—33 Hvað varð um friðarárið?
34—38 Bókadómar
Mynd á forsíðu: AÓB
Akrýl litir á pappír
Anna Ólafsdóttir Björnsson
stundaði myndlistarnám í Mynd-
lista- og handíðaskóla íslands
1972—1974 og í Myndlistaskól-
anum í Reykjavik frá 1980, aöal-
lega í grafík og málun. Einkasýn-
ing: Listamiðstöðinni 1984. Sýnir
um þessar mundir hjá Skipu-
lagsstofu höfuðborgarsvæðisins
í Kópavogi.
Ritnefnd:
Guðrún Ólafsdóttir
Guðrún Kristmundsdóttir
Ingibjörg Sólrún Gísladóttir
Kristín Blöndal
Magdalena Schram
Ragnhildur Eggertsdóttir
Brynhildur Flóvenz
Elín Garðarsdóttir
Útlit:
Kicki og Sigga Lillý
Starfsmaður Veru:
Kicki Borhammar
Auglýsingar:
Þórunn Yngvadóttir
Dreifing:
Ragnhildur Eggertsdóttir
Ábyrgð:
Brynhildur Flóvenz
Setning og filmuvinna:
Prentþjónustan hf.
Prentun:
Solnaprent
Bókband:
Arnarberg
Ath. Greinar í Veru eru birtar
á ábyrgð höfunda sinna og eru
ekki endilega stefna útgefenda.