Vera - 01.02.1987, Blaðsíða 30

myndi raska stæröarhlutföllum og heildargötumynd
miðbæjarins.
Nokkrir þingmenn sökuöu Kvennalistaþingkonur um
aö vera andvígar því að bæta starfsaðstöðu þingmanna
og starfsfólks þingsins, vera í andstöðu við að bæta
hreinlætisaðstöðu þingmanna og að þær bæru virðingu
Alþingis ekki fyrir brjósti líkt og aðrir þingmenn. Þing-
konurnar frábáðu sér þessar aðdróttanir og bentu á að
þær væru síður en svo á móti því að bæta vinnuaðstöðu
starfsfólks og þingmanna en það mætti gera með öðr-
um hætti en samþykkt viðkomandi tillögu. Alls greiddu
16 þingmenn atkvæði gegn tillögunni og nokkrir sátu
hjá.
UNDUR OG STÓRMERKI
Framlag til kvennarannsókna!
Breytingatillögur stjórnarandstöðunnar við fjárlaga-
frumvörp eru mjög sjaldan samþykktar og það á einnig
við um tillögurnar sem fluttar voru í ár. Margir minnast
þess fyrir um ári síðan þegar borin var fram breytingar-
tillaga við fjárlög 1986 sem fjallaði um framlag til
kvennarannsókna. Þar var lagt til að um 1 milljón króna
yrði varið til kvennarannsókna. „Sókn kvenna inn á svið
grunnrannsókna í öllum helstu fræðigreinum er aðeins
rökrétt framhald af almennt aukinni menntun kvenna
og var vísast fyrirsjáanleg á sínum tíma. Það sem eng-
inn sá hins vegar fyrir var að konurnar fluttu með sér
annan skilning, aðra reynslu og aðra veruleikasýn inn
í vísindin sem kallaði á nýja tegund rannsókna, ný við-
fangsefni, endurmat og endurnýjun fræðigreinanna og
nýja fræðigrein, kvennafræði," sagði Sigríður Dúna í
umræðunum. Tillagan varð tilefni til kátínu meðal
sumra þingmanna því annað eins og þetta höfðu þeir
víst ekki heyrt. Eitthvað hefur þeim aukist skilningur á
liðnu ári því þau undur og stórmerki gerðust á Alþingi
nú fyrir jól að samþykkt var að veita 1 milljón kr. til
kvennarannsókna. Er þetta merkur viðburður því í
þessu felst viðurkenning á kvennarannsóknum. Er
óhætt að segja að hvað þetta varðar hafa þingmenn
eflst að visku og vonum við að þeir haldi áfram á þessari
braut.
Skrifstofa þingflokks Kvennalistans er flutt
i þetta hús við Skólabrú 2. Þingflokksfundir
eru haldnir þar á mánudögum og midvikudögum
kl. 4.
Ennþá um mat á
heimilisstörfum
Síðastliðið vor (22. apríl 1986) var samþykkt á Alþingi
þingsályktunartillaga um mat heimilisstarfa til starfs-
reynslu. Þá hafði Kvennalistinn flutt tillögu þess efnis
þrjú þing í röð. í apríl sl. var svo samþykkt tillaga sem
kveður á um að Alþingi álykti að meta skuli til starfs-
reynslu heimilis- og umönnunarstörf þegar um skyld
störf er að ræða og að ríkisstjórninni sé falið að láta
athuga með hvaða hætti megi meta slíka starfsreynslu
þegar um óskyld eða sérhæfð störf er að ræða.
í desember spurði Sigríöur Dúna félagsmálaráðherra
hvað liði framkvæmd þingsályktunartillögunnar. í svari
félagsmálaráðherra kom fram að Gerði Steinþórsdóttur
hafði verið falið að gera úttekt á stöðu þessara mála og
gera tillögur um hvernig meta skuli til starfsreynslu
heimilis- og umönnunarstörf. Skýrsla hennar hefur nú
verið lögð fram. í henni eru þrjár tillögur um hvernig
meta megi heimilisstörf til starfsreynslu. í tillögu nr. 1
segir að heimilis- og umönnunarstörf skulu metin til
starfsreynslu þegar um hliðstæð störf er að ræða og að
slíkur starfsaldur geti mest orðið sex ár. Ef um óskyld
störf er að ræða getur starfsaldurinn ekki orðið meir en
fjögur ár. Á sama hátt segir í tillögu 2 að meta skuli
heimilis- og umönnunarstörf til starfsreynslu þegar um
hliðstæð störf er að ræða en ekki lagt til neinn hámarks
starfsaldur. Aftur á móti er lagt til að þegar um óskyld
eða sérhæfð störf er að ræða séu störfin metin til hálfs
í starfsaldri og að starfsaldurinn geti mest orðið sex ár.
Tillaga nr. 3 er nánast samhljóða tillögu 1 nema þegar
um óskyld eða sérhæfð störf er að ræða verður viðkom-
andi að hafa starfað í minnst þrjú ár til aö fá þau metin
til starfsaldurs. Þessar tillögur ganga of skammt að mati
Kvennalistans og verður spennandi að sjá hver fram-
vinda mála verður þegar þessi skýrsla verður tekin til
umræðu í þinginu væntanlega bráðlega.
Leiguhúsnæði
Þann 2. desember s.l. mælti Kristín Ástgeirsdóttir fyrir
þingsályktunartillögu um átak í byggingu leiguhúsnæð-
is. Þar er kveðið á um að Alþingi skori á ríkisstjórnina
að beita sér þegar í stað fyrir átaki í byggingu leiguhús-
næðis og að til þess veröi varið 250 millj. kr. á núgild-
andi verðlagi á hverju ári þar til þörfinni hefur verið full-
nægt. Kristín benti á að hér á landi væri hópur fólks sem
þarf eða vill leigja húsnæði. Nefndi hún sem dæmi
námsmenn, einstæða foreldra, gamalt fólk, fólk sem
ræður ekki við þau kjör sem boðið er upp á á almennum
húsnæðismarkaði og fólk sem einfaldlega kærir sig
ekki um að kaupa húsnæði og vill heldur leigja. Benti
Kristín á að nýlega hafi verið gerð könnun á vegum Hús-
næðisstofnunar sem sýndi að mikil þörf er fyrir leigu-
húsnæði. Þar kom fram að sveitarfélögin telja þörf á
1750—2000 leiguíbúðum. Félagsmálasamtökin
Öryrkjabandalag íslands, Bandalag íslenskra sérskóla-
nema, Leigjendasamtökin og Félagsstofnun stúdenta
telja sitt fólk þurfa rúmlega 900 íbúðir. Samanlagt telja
þessir aðilar að þörf sé fyrir 2650—2900 leiguíbúðir. Áf
þessu sést hve gífurleg þörf er fyrir leiguhúsnæði hér á
landi.
Tillagan fékk hressilega umræðu og var vísað til
félagsmálanefndar í byrjun desember.
Bergljót Baldursdóttir