Vera - 01.07.1988, Side 3

Skorað á karlmenn
Kaera Vera!
í 6. tlbl. 1987 er fjallað um karlmenn í dag
og hvað konur hafa helst út á þá að setja.
I Ijós kemur að konur kvarta undan skiln-
ingsleysi, tillitsleysi og að stuðningur
þeirra við konur sé frekar i orði en á borði.
Þar sem þetta eru nú engin ný sannindi í
eyru kvenna er varpað fram þeirri spurn-
ingu hvort nútímakonur sitji uppi með úr-
elta karlmenn. í 1. tlbl. 1988 er karlmönn-
um svo gefið tækifæri til að svara þessari
spurningu og það verð ég að segja að lítill
vafi er á að viðmælendur Veru svara allir
játandi. Lítum nú aðeins nánar á dæmi um
svör og viðhorf þessara manna.
,,Þið ætlist til mikilla breytinga á skömm-
um tíma.“ og.....heldur þú að þið konur
hefðuð snúið þróuninni eins fljótt við og þið
viljið að við karlar gerum..."
Hvað á maðurinn við með fljótt? Heldur
hann að jafnréttisbaráttan sé tuttugustu
aldar fyrirbæri? Má ég benda viðkomandi
á að frá tímum forn-Grikkja hafa varðveist
tvö leikrit, Lýsistrata og Þingkonurnar sem
sýna að kvennabarátta var í fullum gangi
þá eins og nú. Það er lika gaman að skoða
frönsku stjórnarbyltinguna (1789—94) í
þessu sambandi, því að þar er gert ráð fyrir
að öllum, jafnt konum og körlum séu
tryggð full borgaraleg réttindi og höfðu
konur einnig rétt til að bera titilinn borgari.
Hú eru liðin 200 ár og réttindin sem þá var
reynt að tryggja öllum, svo sem mál- og
Prentfrelsi þykja svo sjálfsögð að enginn
teiöir hugann að þeim en konur basla enn
við að tryggja sér sömu laun fyrir sömu
vinnu. Já einmitt, það er asi á þróuninni og
aldeilis krafist stökkbreytinga.
,,Hinsvegar held ég að skýringin liggi
kannski hjá kvenfólkinu sjálfe þ.e. í uppeld-
inu.“
Það er einmitt það. Kvenfólkið er semsé al-
Qjörlega ábyrgt fyrir uppeldi barnanna og
Því ætti að vera auðvelt fyrir þær að breyta
Þessu. Móðirin lokar sig einfaldlega inni
hieð börnin sín næstu 18 ár og heilaþvær
Þau vandlega í jafnréttismálum og passar
að engin utanaðkomandi áhrif nái að spilla
þar nokkru. Á meðan heldur faðirinn sínu
striki, því hann var nú eftir allt saman ekki
alinn upp í jafnréttisanda. Uppeldi barna
er mikilvægur þáttur í að breyta ríkjandi
viðhorfum en til að barnauppeldi breytist
verður samfélagið að breytast. Börn eru
aldrei alin upp eingöngu inn á eigin heimil-
um margir aörir aðilar koma þar inn í, næg-
ir að nefna skóla, ættingja, fjölmiðla svo og
barnið sjálft. Það gleymist nefnilega oft að
börn hafa góða athyglisgáfu og eru fullfær
um að draga eigin ályktanir af því sem þau
sjá. Svo held ég að feður hefðu gott af að
hugleiða að börn geta þjáðst mun meira af
afskiptaleysi en of mikilli athygli.
,,Nei konur eru bara ekki nógu harðar af
sér.“
Nei vinur konur eru það ekki og vilja ekki
vera það. Eitt af því sem kvennabaráttan
vill breyta er vægðarlaus harkan og sam-
keppnin í samfélaginu, því það kemur allt-
af verst niður á þeim sem minnst mega sín.
,,Við höfum rætt um svona mál og ég
held að þessi umræða um kynferðislegt of-
beldi á vinnustöðum sé út í hött. Það er sko
allt kallað kynferðislegt ofbeldi sem fer i
taugarnar á konum. Létt grín og daður er
bara gaman."
Já svaka fjör. Vera má að viðkomandi karl-
maður sé í nafni góðs mórals á vinnustað
tilbúinn að leyfa léttar strokur um bak og
brjóst og botninn svona í leyni en hann
verður að virða það þó svona félagsskítar
eins og ég telji það skitamóral.
Mörg fleiri dæmi gæti ég tint til og sýnt
fram á að öll sú umræða sem fram hefur
farið undanfarin 200 ár hefur algjörlega
farið framhjá karlmönnum enda hafa þeir
mest lítið tekið þátt í henni. Við sitjum uppi
með úrelta karlmenn sem enn hafa ekki
áttað sig á að kvennabarátta er barátta fyr-
ir breyttu þjóðfélagi, fyrir breyttum viðhorf-
um til lífsins. Allir viðmælendur Veru lýsa
sig fylgjandi jafnrétti en enginn þeirra virð-
ist hafa áttað sig á að þaö er ekki nóg að
lýsa yfir stuðningi við eitthvert markmið
maður verður að vera tilbúinn til að vinna
að því. Karlmenn! Ég skora á ykkur vinnið
nú með okkur, það er það eina sem getur
þokað okkur áfram í jafnréttisátt.
Steingeröur Steinþórsdóttir
Kæra Steingerdur.
Við þökkum þér kærlega fyrir bréfið.
Margar konur hafa hringt til okkar vegna
umfjöllunar Veru um karlmenn og hlut-
verk þeirra i kvenfrelsisbaráttunni. Von-
andi verður bréf þitt til þess að fleiri
gríþi pennann og segi skoðun sína.
—Ritnefnd
Ijósmynd: bb
Hlaupum með
bréfin í póst!
3