Ritmennt - 01.01.1996, Qupperneq 24

RITMENNT
Ljósm. Grímur Bjarnason.
Einar Sigurðsson landsbóka-
vörður.
Einar Sigurðsson landsbókavörður
Veitustofnun þekkingar
Forseti íslands, frú Vigdís Finnbogadóttir.
Ólafur G. Einarsson menntamálaráðherra.
Heiðraða samkoma.
Fyrir hönd okkar sem falið hefur verið að stýra hinu nýja Lands-
bókasafni íslands - Háskólabókasafni og starfa við það í næstu
framtíð vil ég lýsa þeim eindregna ásetningi að í okkar forsjá
megi stofnunin rísa undir þeim væntingum sem landsmenn hafa
um hana.
Eins og áður hefur lcomið fram er byggingarsaga þessa húss
orðin löng. Hún hefur mótast af hægagangi lengst af. Hins vegar
hefur verið góður slcriður á framkvæmdum síðustu árin. En svo
sem oft vill verða við lokaáfanga stórbygginga hafa síðustu mán-
uðir mótast af kapphlaupi við tímann. Ég vil því fara fáeinum
orðum um stöðu mála að því er tekur til framkvæmda og flutn-
inga.
Sjálfu húsinu er að fullu lokið, einnig föstum innréttingum.
Húsgögn eru að mestu komin sem og tækjabúnaður. Frágangur í
vissum sérdeildum bíður þó fram yfir opnun. Þá eru merkingar
innan húss enn með bráðabirgðasniði, svo og sýningarbúnaður.
Flutningi á ritakosti er að mestu lokið en eftir er að ganga bet-
ur frá ritunum allvíða. Þannig tókst að standa að flutningum að
þjónusta gömlu safnanna lagðist ekki niður nema örfáa daga. En
nú hefur þeim verið lokað og umsvif þeirra flytjast hingað frá og
með deginum í dag. Enginn skyldi þó ætla að starfsemi þessa
nýja safns fái gengið með öllu snurðulaust fyrir sig frá fyrsta
degi. Flókinn tæknibúnaður krefst síns reynslutíma, starfsfólk
þarf að venjast nýjum aðstæðum o.s.frv. En ég á eklci von á öðru
en safngestir taki því með umburðarlyndi og láti sér líða vel í
þessari glæsilegu byggingu, enda eru umskiptin rnikil frá því
sem áður var þar eð Landsbókasafn og Háskólabókasafn hafa
búið við alls ófullnægjandi aðstæður miklu lengur en ætlað var
þegar framkvæmdir hófust við nýbygginguna.
Undanfarnir mánuðir - og raunar ár - hafa verið annasamur
tími hjá starfsfólki safnanna tveggja. Slcrár um safnkostinn hafa
20