Vera - 01.10.2000, Side 46

KONUR TIL FORYSTU
ll RSB|
if i J nunn_geflCVAC
Tölvuímyndir
kvenfmyndir?
Margir hafa þá hugmynd af
tölvunarfræðinni að hún sé
þurrt raungreinafag sem bygg-
ir eingöngu á stærðfræði og
forritun. Fólk sér tölvunar-
fræðinginn yfirleitt fyrir sér
sem karlmann, oftast frekar
ungan, með flöskubotnagler-
augu og í ósmekklegri skyrtu
sem situr inni í einhverri rykfallinni
kompu bak við tölvuskjá allan
daginn. Hann fæst við reiknirit,
gagnagrindur, stýrikerfi, vélamál og
aðra óskiljanlega hluti. ímynd
tölvunarfræðinnar er gjarnan sú að
hún sé tilfinningasnautt raun-
greinafag, jarðbundið og kalt, sem
á lítið skylt við vandamál hins
daglega lífs og fáir finna fyrir
samsvörun í. Það sama má eflaust
einnig segja um aðrar raungreinar.
Þegar ég kláraði menntaskóla og
stóð frammi fyrir vali á því sem ég
vildi taka mér fyrir hendur næstu
árin - hugsaniega það sem eftir
væri ævinnar - þá vissi ég bara eitt;
ég hafði ekki áhuga á að fara í raun-
greinafög. Sú tilhugsun að leggja út
í nám sem ekki bara yrði mjög mikil
vinna, heldur líka innan um gutt-
ana sem ég hafði setið með í eðlis-
fræðitímum í menntaskóla, í um-
hverfi þar sem allir kennararnir
væru jarðbundnir, útreiknaðir og
vísindalegir, var ekki aðlaðandi. Sú
árátta flestra fræðimanna að nota
flókin og sérhæfð vísindaleg hugtök
án útskýringa í daglegri umræðu
um vísindi í fjölmiðlum og annars
staðar, var í sjálfu sér nægjanlegt til
þess að ákveða að ég hafði alls
ekkert að gera í þetta nám.
Ég er viss um að ég er ekki ein á
báti um þessa upplifun og að
ímynd tölvunarfræðingsins og hin
tæknilega orðræða hafi fælt fleiri
frá en mig.
Það var ekki fyrr en nokkrum
árum síðar að ég fór að Ifta á þessa
hluti sem áskorun fremur en hind-
run og ákvað að leggja út f nám í
tölvunarfræði við háskólann. í dag
veit ég að sú ímynd sem ég hafði af
tölvunarfræðinni á mjög lítið skylt
við hið raunverulega nám og starf
tölvunarfræðingsins. Tölvunar-
fræðingurinn tekur að sér mörg
hlutverk og starf hennar er bæði
fjölbreytt og skemmtilegt.
Tölvunarfræöingurinn er
greinandi
Stór hluti af því sem tölvunar-
fræðingurinn fjallar um eru vanda-
mál sem eru hluti af raunveru-
leikanum.
Hún - tölvunarfræðingurinn -
hefur samskipti við væntanlega
viðskiptavini og setur sig inn í þau
vandamál sem þeir þurfa að leysa
dags daglega.
Hún lýsir vandamálunum út frá
sjónarhóli notandans, hefur innsýn
og skilning á hvernig notandinn
hugsar, án þess að flækja sig í
tæknilega hugsun of snemma.
Hvort sem um er að ræða teikni-
forrit, vefi eða bókhaldsforrit þá fer
hún á vinnustaði og kynnir sér
umhverfið, fólkið og hugmyndir
þess. Hún beitir bæði víðsýni,
skilningi og óhlutlægri hugsun til
þess að fá sem skýrasta mynd af
þeim vandamálum sem henni er
ætlað að leysa. Hún tryggir að
hugmyndir hennar og hugmyndir
viðskiptavinarins séu f fullkomnu
samræmi og enginn misskilningur
ríki um einstaka atriði.
Hún þarf að kynna hugmyndir
sínar sannfærandi og á skýran hátt.
Því fer fjarri að starf hennar sé
gjörsneytt mannlegum samskiptum.
Tölvunarfræðingurinn er
hönnuður
Hún hefur gaman að því að skipu-
leggja og kryfja verkefnin. Hún
ákvarðar hvernig tímanum skal
varið, skiptir útfærslunni upp í
afmörkuð verkefni sem koma sem
best til móts við óskir notandans.
Starf hennar getur verið mjög
skapandi. Henni er oft líkt við
arkitekt sem gerir nákvæmar áætl-
anir og teikningar áður en hafist er
handa. Hún skiptir vandamálinu
niður í viðráðanlegar og skýrar
einingar. Hún teiknar upp hvernig
46