Vera - 01.10.2000, Side 12

Viðtal: Linda Blöndal
Reynsluheimur
okkar er öðruvísi
Rætt við Katrínu Júlíusdóttur
Ummælin „Ég er kapítalisti á daginn og
kommúnisti á kvöldin," vöktu athygli á Kötu á
þeim tíma sem hún var yfirlýst róttæk
félagshyggjukona í stúdentapólitíkinni. Á
milli Röskvufunda og inn á milli mann-
fræðitíma rak hún nefnilega barnafataverslun
föður síns, Lipurtá. Ungur aldur Kötu í slíku
vafstri var vissulega óvenjuleg staðreynd, sér
í lagi þar sem þarna var stelpa á ferð sem
hafði í raun séð um verslunarreksturinn síðan
hún var 19 ára. Það varð þó fljótt Ijóst að
Lipurtá myndi víkja fyrir stjórnmálunum enda
þrffst konan á hugsjónum öðru fremur.
Katrín Júlíusdóttir var kjörin formaður Ungra jafn-
aðarmanna, ungliðahreyfingar Samfylkingarinnar, með
yfirburðum fyrir nokkrum vikum. Kata Júl., hinn tryggi
Kópavogsbúi, hefur á sínum 26 árum eytt meiri tíma í
stjórnmálavafstur en annað ungt fólk. „Ég varð
snemma fyrir áhrifum frá m.a. Ólafi Ragnari og
Margréti Frfmanns og 18 ára tók ég þátt í að stofna
ungliðahreyfingu Alþýðubandalagsins í Kópavogi
ásamt vinum mínum úr MK," segir hún. Fáeinum árum
síðar tók hún vió sem framkvæmdastjóri Stúdentaráðs
en að baki er einnig seta í fjölmörgum stjórnum og
nefndum Alþýðubandalagsins. í dag er Kata í fram-
kvæmdastjórn Samfylkingarinnar og varamaður í
útvarpsráði, fyrir utan að vera félagi í Amnesty
International og Rauða krossinum þó ekki sé hún eins
virk þar og í Samfylkingunni. Hún segist hafa verið sein
til að tala á stórum fundum og að það sé í raun stutt
síðan hún stóð upp í pontu í fyrsta sinn til að taka til
máls á slíkum vettvangi. Hún segist hafa verið þeim mun
virkari á minni fundum þarsem ræðustóll varvíðs fjarri.
Aðspurð um áhugann á pólitík, sem mörgu ungu
fólki virðist leiðast, segist hún ekki getað bent á neitt
eitt. „Foreldrar mínir hafa aldrei verið flokksbundin og
við vorum bara hefðbundin fimm manna fjölskylda
sem horfði saman á fréttirnar og ræddi málin. Kannski
má rekja þetta til þess þegar ég fékk að vaka lengur
eftir Tomma og lenna, þá horfði maður alltaf á fréttir
fyrst," segir hún en bætir við að snemma hafi hún haft
mikla samkennd með þriðja heiminum og á tíma séð
fyrir sér að verða framkvæmdastjóri Sameinuðu
þjóðanna.
„Ég verð annars fyrir áhrifum frá mörgum, tileinka
mér það besta frá þeim," segir hún varðandi sérstakar
fyrirmyndir. Sumir eru þó hærra skrifaðir en aðrir og
má þar nefna Ingibjörgu Sólrúnu og svo Júlíus, föður
hennar sem tók Kötu sína unga með sér um allt,
sérstaklega eftir að tvíburabræður hennar fæddust.
„Það er oft mikil karlastemning í pólitíkinni og það
gæti jafnvel verið ein skýringin á því að færri ungar
konur stoppa við í pólitísku starfi en karlar. Ég hef þó
verið heppin og eignast marga góða vini í mínum
störfum." Hvort það gæti breytt miklu að formaður
Ungra jafnaðarmanna sé kvenkyns segist Kata ekki
vera viss um en vonar þó svo sannarlega að það hafi
áhrif. í framkvæmdaráði Ungra jafnaðarmanna séu nú
fjórar konur og tveir karlar, konurnar séu mjög öflugar
og samþykktar hafi verið afdráttariausar ályktanir í
jafnréttismálum byggðar á hugmyndum um freisi ein-
staklingsins. „Mér finnst þetta mikilvægt því okkar
reynsluheimur er öðruvísi og konur eru m.a.
annarskonar stjórnmálamenn en karlar. Þær eru oft
betur undirbúnar og minna í hörðum rökræðum á
staðnum. f embætti virðist spurningin þó meira vera
um hver konan sé," segir hún.
Kata starfar hjá vefþróunarfyrirtækinu Innn og
framtíðarplönin eru þessa dagana á sviði tölvunar-
fræða. Framkvæmdastjórastaðan innan Sameinuðu
þjóðanna hefur þá að mestu vikið fyrir öðru, segir Kata
sposk en uppeldi einkasonarins, Júlíusar, sem er
tæplega tveggja ára er vissulega framtíðin. „Við
foreldrarnir erum búin að ákveða að gefa honum eld-
hús í jólagjöf. Drengurinn er bókstaflega óður í alls
konar potta, pönnur og sleifar. Hann er alltaf að elda
eitthvað svo þetta er draumajólagjöfin f ár".
12
Katrín Júlíusdóttir formaður
Ungra jafnaðarmanna