Freyr - 01.10.1987, Blaðsíða 7
Stéttarsamband bænda starfar í
takt við þjóðfélagið
Aöalfundur Stéttarsambands bænda var að
þessu sinni haldinn á Eiðum. Par hafa aðal-
fundir þess verið haldnir tvisvar áður, árin
1965 og 1977. Pó að allföst hefð hafi myndast
á því hvernig aðalfundir Stéttarsambandsins
fara fram eru það oft ákveðin mál eða aðrir
atburðir sem halda minningu hvers fundar á
lofti. Pannig tengjast aðalfundinum 1965
minningar um mikið kal og harðæri á Austur-
landi og fundsins 1977 er minnst fyrir það að
þar var samþykkt að óska eftir lagaheimild til
að hafa stjórn á búvöruframleiðsunni.
Undanfarin tvö ár hafa aðgerðir hins opin-
bera við að draga úr framleiðslu mjólkur og
sauðfjárafurða þrengt að hag bænda. Þó að
þessar aðgerðir hafi átt sér nokkurn aðdrag-
anda brugðust margir bændur hart við þeim
eins og fram hefur komið í blaðaskrifum og
ályktunum frá fundum. Enn sér ekki fyrir
allar afleiðingar þessara aðgerða en á hinn
bóginn má segja að viðurkenning sé að vaxa á
því að aðgerða var þörf til að draga úr
framleiðslu mjólkur og sauðfjárafurða. Eitt af
því eftirminnilega við nýliðinn aðalfund er því
hve fulltrúar sneru vel bökum saman um þær
stjórnunaraðgerðir sem í gangi eru við að hafa
hemil á offramleiðslu búvara.
Jafnframt var horft til framtíðarinnar og
samþykkt ítarleg ályktun um stefnumörkun
Stéttarsambandsins. Þar segir m.a. að stefnt
skuli að því „að bændur njóti í raun sambæri-
legra kjara, fjárhagslega og félagslega, við
aðra landsmenn. Til þess að svo megi verða
þarf búvöruframleiðslan á hverjum tíma að
vera í sem nánustu samræmi við óskir og
þarfir þjóðarinnar og markvisst þarf að vinna
að aukinni hagkvæmni í búrekstri og í vinnslu
og sölu búvara.“
Nánar er kveðið á um einstök atriði, sem
leggja ber áherslu á, í tíu liðum. Ýmsu svipar
þar til hliðstæðrar ályktunar um stefnumörk-
un sem gerð var á aðalfundi Stéttarsambands-
ins á ísafirði árið 1984. Meðal nýrra áherslu-
atriða eru að „leiðbeiningaþjónusta verði
aukin og megináhersla lögð á leiðbeiningar til
einstaklinga og aðstoð við byrjendur í nýjum
búgreinum. Starfandi bændum verði gefinn
kostur á endurmenntun.“
Varðandi framleiðslustjórn er ályktað að
„búgreinafélögum verði gert kleift að taka
upp stjórnun á eigin framleiðslu“ og að við
slíka stjórnun „verði aukið tillit tekið til
landkosta og möguleika byggða til fjölþættra
landnota og nýrrar atvinnuuppbyggingar.“
Að lokum má nefna að í ályktuninni er lýst
yfir heilshugar stuðningi við hvers konar við-
leitni stjórnvalda til varðveislu byggðar, en
jafnframt bent á að vegna þröngrar stöðu
sinnar geti sauðfjárrækt ekki tekið á sig
byrðar í því sambandi enda hljóti það að vera
hlutverk samfélagsins alls.
Af því sem hér hefur verið rakið og af
öðrum ályktunum aðalfundarins, sem allar
eru birtar í þessu blaði, er ljóst að Stéttarsam-
band bænda vinnur að því að ísienskur land-
búnaður sé í takt við þjóðfélagið enda óað-
skiljanlegur hluti þess.
Aðalfundi Stéttarsambands bænda 1987
lauk með stjórnarkjöri. Af níu manna stjórn
voru að þessu sinni kosnar sex nýir stjórnar-
menn. Freyr býður þá velkomna til starfa og
þakkar fráfarandi stjórnarmönnum störf
þeirra. Jafnframt býður blaðið nýkjörinn for-
mann Stéttarsambandsins, Hauk Halldórs-
son, velkominn í ábyrgaðarmikið starf og
þakkar fráfarandi formanni, Inga Tryggva-
syni, störf hans í þágu íslenskra bænda.
M.E.
Freyr 735