Freyr - 01.10.1987, Blaðsíða 43

Prír fulltrúar á aðatfundinum. Frá vinstri: Halla Kristjánsdóttir, Kirkjubóli, Halldóra Jónmundsdóttir, Auðkúlu og Guðmundur
Jónsson, Reykjum.
breytinga að þeir afli sér vissrar
lágmarksþekkingar í hinni nýju
búgrein.
Jafnframt þarf að huga að því
hvort tök eru á að koma á fót
endurmenntunarsjóði fyrir bænd-
ur sem veiti styrk þeim sem slík
námskeið sæktu.
Hinn þáttur þessa máls er svo
fræðsla um málefni stéttarinnar og
hinna dreifðu byggða.
Þess má geta að stjórn Stéttar-
sambandsins hefur ákveðið að láta
endurskoða námsefni um félags-
mál dreifbýlis sem Matthías Egg-
ertsson ritstjóri tók saman fyrir
nokkrum árum. Mun Matthías
annast þessa endurskoðun nú.
Hins vegar vantar tilfinnanlega
námsefni um félagskerfi landbún-
aðarins, hlutverk þess og upp-
byggingu. Nauðsynlegt er að ráða
bót á þessu ef hefjast á handa um
skipulegt fræðslustarf um málefni
stéttarinnar.
1.14. Ályktim þar sem skorað er
á landbúnaðarráðuneytið að
láta hið fyrsta gera tölvuunna
jarðabók með upplýsingum um
allar bújarðir í landinu.
Grundvöllur að slíkri jarðabók er
úttekt á búrekstraraðstöðu allra
jarða.
Á árunum 1980—1982 var safn-
að miklu af gögnum um bú-
rekstraaðstöðu jarða um allt land
en úrvinnslu þeirra var ekki lokið.
í fyrra var lokið nýrri úttekt á
búrekstraraðstöðu allra jarða á
Norðurlandi fyrir forgöngu Rækt-
unarfélags Norðurlands. Nú er
einnig að Ijúka slíkri úttekt á
svæði Búnaðarsambands Vest-
fjarða.
f bókun með síðasta búvöru-
samningi er tekið fram að aðilar
muni beita sér fyrir því að sá
umþóttunartími sem landbúnað-
urinn fær með samningunum nýt-
ist sem best og þeir muni í því
skyni beita sér fyrir því að sem
fyrst verði lokið úttekt á búrekstr-
araðstöðu allra jarða á landinu.
Framkvæmdanefnd búvöru-
samninga hefur nú óskað eftir að
gerð verði áætlun um það hvernig
Ijúka megi þessari úttekt á sem
skemmstum tíma.
1.15. Ályktun um könnun á hag-
kvæmni og þörf á að stofna
sjúkrasjóð á vegum bændasam-
takanna.
Eins og kunnugt er, er 1% sjúkra-
sjóðsgjalda innifalið í launalið
verðlagsgrundvallarins. Þetta
gjald samsvarar 1% sjúkrasjóðs-
gjaldi á laun sem atvinnurekendur
greiða launþegum og lagt er í
sjúkrasjóð.
Stjórn Stéttarsambandsins kaus
sérstaka nefnd til þess að kanna
þetta mál. Hana skipa: Þórarinn
Þorvaldsson, Haukur Halldórsson
og Hákon Sigurgrímsson.
1.16. Ályktun þar sem stjóm
Stéttarsambandsins er heimilað
að taka þátt í viðræðum við SÍS,
BSRB og ASÍ um stofnun fjöl-
miðlafyrirtækis.
Ályktunin var send stjórn SÍS.
Ekki hefur enn orðið af frekari
viðræðum þessara aðila um stofn-
un fjölmiðlafyrirtækis.
1.17. Ályktun um að unnið skuli
að því að bændur geti tekið líf-
eyri við 65 ára aldur.
Ályktunin var send stjórn Líf-
eyrissjóðs bænda. Sjóðsstjórnin
lét gera athugun á þessu máli og
fylgir greinargerð sjóðsins með
skýrslu þessari sem fylgiskjal.
1.18. Ályktun um eflingu Jarða-
sjóðs ríldsins.
Stjórn Stéttarsambandsins ræddi
þessa ályktun sl. haust og tók þá
afstöðu að ekki væri rétt að bera
þá fram kröfur um fjárframlög
ríkisins í þessu efni, jafnhliða því
sem unnið væri að því að gera
búvörusamninga til lengri tíma og
því að fá fjármagn til þess að
greiða fyrir sölu kjöts og mjólkur
Freyr 771