Freyr - 01.02.2004, Blaðsíða 10
Háskólanám og sprota-
fyrirtæki fara vel saman
Viðtal við Svein Aðalsteinsson, skólameistara Garðyrkjuskóla
ríkisins á Reykjum
Sveinn Aðalsteinsson hefur
verið skólameistari Garð-
yrkjuskólans á Reykjum
síðan 1999. Frá því hann tók
við stjórn skólans hefur m.a. sú
breyting orðið á Garðyrkju-
skólanum að hann hefur fengið
heimild til að hafa með hönd-
um kennslu á háskólastigi. Um
það og tleira, m.a. hvaða hug-
myndir Sveinn hefur um fram-
tíðarstarf skólans, langar okk-
ur að heyra en fyrst biðjum við
hann um að rekja feril sinn í
stórum dráttum.
Ég er fæddur árið 1960 í Hvera-
gerði og uppalinn þar. Faðir minn
er Aðalsteinn Steindórsson, lengi
eftirlitsmaður kirkjugarða, en
móðir mín er Svanlaug Guð-
mundsdóttir frá Blesastöðum á
Skeiðum. Ég tók stúdentspróf árið
1979 frá Menntaskólanum við
Sund í Reykjavík og lauk MS
prófi í líffræði frá Háskóla íslands
árið 1983 og aflaði mér svo
kennsluréttinda árið eftir. Kona
mín er Helga Pálmadóttir sér-
kennari, frá Þórshöfn á Langanesi.
Við Helga ákváðum, eftir okkar
grunnnám hér heima árið 1984, að
fara til Lundar í Svíþjóð. Þar fór
ég í doktorsnám í plöntulífeðlis-
fræði og lauk því árið 1990. Eftir
það fékkst ég við kennslu og rann-
sóknir í garðyrkju við Sænska
landbúnaðarháskólann á Alnarp
og þar vorum við til ársins 1997.
Það ár ver ég jafnframt dósenttitil
við skólann en sá titill veitir rétt-
indi til að taka við doktorsnemum
og hafa umsjón með verkefnum
þeirra. Ég á marga góða vini og
minningar frá Svíþjóð og þar
fæddust bömin okkar tvö, Bríet
og Kári.
Arið 1997 flytjum við heim og
ég er þá ráðinn deildarstjóri við
ylræktarbraut Garðyrkjuskólans.
Arið 1998 verð ég tilraunastjóri
við skólann og skólastjóri frá 1.
janúar 1999 en skólameistari sam-
kvæmt nýjum lögum um bú-
fræðslu frá l.júlí 1999.
Núverandi starfsemi Garð-
yrkjuskólans?
I apríl 2003 var sett ný reglu-
gerð um skólann við búfræðslu-
lögin frá 1999 og þar er kveðið á
um deildaskiptingu hans. Sam-
kvæmt henni er skólanum skipt í
þrjár deildir; garðyrkjufram-
leiðsludeild, umhverfistæknideild
og skógræktartæknideild. Innan
þessara deilda eru svo brautir og
skólinn er núna með brautir á
framhaldsskólastigi og svo eina
braut á háskólastigi.
1 garðyrkjuframleiðsludeild er
nú sem fyrr kennt á þremur braut-
Guðjón Magnússon, Landgræóslu rikisins, Sigrún Sigurðardótir, Norður-
tandsskógum, Ólafur Oddsson, Skógrækt ríkisins og Sveinn Aðalsteinsson
við undirritun samnings um endurmenntun skógarbænda á Norðurlandi,
„Grænni skógar“ á Norðurlandi.
| 6 - Freyr 1/2004