Freyr - 01.02.2004, Blaðsíða 14

anum mjög til framdráttar og von-
andi þeim á Mógilsá líka. Við höf-
um á Reykjum fullkomnasta til-
raunagróðurhús landsins með
mörgum sjálfstæðum deildum.
Mógilsármenn hafa nýtt sér þetta
gróðurhús í samstarfí við okkur
þannig að við erum þegar farin að
vinna saman að rannsóknarverk-
efnum. Þar fyrir utan er Mógijsá
að styrkja doktorsnema ásamt
okkur og Náttúrufræðistofnun Is-
lands. Þá höfum við og Mógilsá
fengið ffamlög til að sinna grun-
nefnagreiningum á plöntum. Þá
aðstöðu erum við að byggja upp
núna. Samstarfíð við Mógilsá er
því nú þegar mjög öflugt. Ég sé
fyrir mér að starfsemin á Mógilsá
flytji að Reykjum innan tveggja
ára.
Viltu lýsa fyrir mér framtíðar-
sýn þinni fyrir hönd Garðyrkju-
skólans?
Innan fjögurra ára sé ég fyrir
mér að Garðyrkjuskólinn verði
aðsetur fyrir öflugt starfs-
menntanám, háskólanám að
hluta eða upp í háskólagráðu,
endurmenntun á öllum sviðum
garðyrkju og skógræktar og að
þar verði aðsetur öflugrar rann-
sókna, leiðbeiningaþjónustu og
þróunar. Ég vil þar nefna m.a.,
sjá ramma.
Þetta er í stuttu máli framtíðar-
sýn okkar og þar bind ég miklar
vonir við tæknigarðinn. Allt sem
varðar námið höfum við í eigin
hendi og eigum ekki undir öðrum
komið. Tæknigarðurinn byggist
hins vegar á samstarfi og að
menn komi til okkar með hug-
myndir sínar og fái aðstöðu hjá
okkur, án þess að skólinn sé
tengdur þessum fyrirtækjum
beint. Hins vegar styrkir þetta
faglegt umhverfi skólans gríðar-
lega mikið.
Hlutverk skólans í umhverfi
sínu?
Það er almennt viðurkennt að
skólar úti á landi gegni mikilvægu
hlutverki í byggðaþróun í um-
hverfi sínu, einkum skólar á há-
skólastigi. Astæðan er sú að þeim
ber skylda til að stunda rannsókn-
ir. Það þýðir að þeir verða að
tengjast atvinnulífmu á hverju
svæði eða landsvísu og vera sú
eimreið sem dregur vagninn í þró-
uninni, ásamt öðrum rannsóknar-
stofnunum.
Það, sem styrkir einkum hlut-
verk háskólanna í þessum efnum,
er að þeir eru með nemendur á
staðnum, til að hjálpa sér í þessum
rannsóknum.
Tæknigarðurinn er hugsaður
þannig að sprotafyrirtækin komi
sér upp aðstöðu hjá okkur, lítil,
með litla yfirbyggingu, en góða
hugmynd. Þau bjóða þá nemend-
um okkar að taka að sér einhvem
afmarkaðan hluta af umræddri
viðskiptahugmynd, sem náms-
verkefni. Fyrirtækin fá, tíma-
bundið, ódýrt en áhugasamt
Framtíðarsýn Sveins f.h. Garðyrkjuskólans.
* Að við séum með nýja garðyrkjumiðstöð, fullbúið
tilraunagróðurhús og rannsóknarstofu.
* Að starfsemin í Mógilsá sé komin til okkar.
* Að fleiri ríkisstofnanir sem sinna plönturannsóknum séu
komnar með hluta af starfsemi sinni til okkar, svo sem
Landgræðslan, RALAog Náttúrufræðistofnun.
* Að hér verði búið að stofna svokallaðan tæknigarð, sem
er eins konar skrifstofuhótel fyrir sprotafyrirtæki, hús-
næði sem einkafyrirtæki á og leigir síðan sprotafyrir-
tækjum.
Þau sinni síðan tækninýjungum, uppfinningum og þróun
í garðyrkju, skógrækt og líftækni, jafnvel orkuvinnslu.
* Að við fáum til okkar Rannsókna- og fræðasetur Há-
skóla íslands sem nú er í Hveragerði, þegar nýtt hús
verður komið. Slík rannsóknarsetur eru til víðar um
land, svo sem í Sandgerði og Vestmannaeyjum.
* Að við höfum minni en betri húsakost.
* Að við séum með framsækna umhverfisstefnu, en við
höfum lagt okkur eftir því nú um skeið. Við höfum t.d.
ekki notað tilbúinn áburð á útisvæðin á Reykjum né úð-
að gegn sjúkdómum nú í 3-4 ár. í stað tilbúins áburðar
notum við moltu sem við búum til sjálfir sem áburðar-
gjafa. Hráefnið í moltuna kemur frá gróðurhúsunum og
mötuneytinu og allt gras sem slegið er af grasflötum
skólans fer í moltugerð.
* Að við höldum áfram að byggja upp skógræktarsvæði
okkar hér á Reykjum.
110 - Freyr 1/2004