blaðið - 13.12.2006, Blaðsíða 18
18 MIÐVIKUDAGUR 13. DESEMBER 2006
blaöi6
Afmælisbarn dagsins
HEINRICH HEINE SKALD, 1797
Mesta haminaja lífsins er
aö vera sannfærður um
aö maður sé elskaöur.
Victor Hugo
kolbrun@bladid.net
Minningabrot,
tilraunir og
fleiri bækur
Bókaútgáfan Skjaldborg gefur
út bókina Glefsur - minninga-
brot úr ævi og starfi læknis,
eftir Hjalta Þórarinsson, fyrrum
prófessor og yfirlækni. Hjalti
er fyrir löngu þjóðkunnur fyrir
margvísleg störf sín á sviði
heilbrigðis- og líknarmála. í
þessari bók segir Hjalti frá
bernsku sinni og uppvexti í
Húnaþingi og námi og störfum
innan lands og utan, en hann
hefur víða látið til sín taka.
Bókaútgáfan Skjaldborg
hefur gefið út bókina Ferðin
yfir fljótið eftir Kristján Hreins-
son. Ágúst Bjarnason teiknaði
myndirnar. Þetta er fjórða
bókin um afa ullarsokk, þennan
skemmtilega karl, og allt fólkið
í kringum hann.
Bókaútgáfan Skjaldborg hefur
gefið út Tilraunabók barnanna
eftir Bernt Sundsten og Jan
Jáger. Örnólfur Thorlacius
þýddi. Þessi bók opnar börn-
unum leið
að heimi
tilraunavís-
inda. Þau
komast að
því, hve
skemmtilegLS
það getur
verið að
uppgötva
hvernig hlut-J
irnir gerast
- og hvað
gerist ekki. Hér er lýst fjölda
stórskemmtilegra og einfaldra
tilrauna sem hver og einn getur
gert og best af öllu er að allt
sem til þarf er innan seilingar
á heimilinu. Þetta er 3. útgáfa
þessarar sívinsælu bókar.
Bókaútgáfan Skjaldborg hefur
gefið út Galdrabók barnanna
eftir Bernt Sundsten og Jan
Jáger. Örnólfur Thorlacius
þýddi. Það
GALDRABÓK
BAI
er töfrandi
að galdra!
Sjónhverf-
ingar og
töfrabrögð, j
að geta
látið hluti
hverfa og
birtast
á ný og
hafa vald
á yfirnátt-
úrulegum öflum, allt þetta hefur
heillað mannkynið frá örófi
alda. En allir galdramenn þurfa
að æfa brögð sín í þaula. Hér
má lesa um það hvernig á að
þjálfa sig í að verða dugandi
galdramaður, hvernig á að
skapa rétt andrúmsloft á sýn-
ingum og koma vinum sínum
og kunningjum á óvart á hinn
furðulegasta hátt.
Norrænt samstarf
um drauga
að er mikill léttir að
þessi bók skuli vera
komin í heiminn. Mér
líður eins og ljósmóður
sem var að taka á móti
áttburum,“ segir Sigþrúður Gunn-
arsdóttir, útgáfustjóri barna- og
unglingabóka hjá Eddu, um bók-
ina Draugurinn sem hló. í bókinni,
sem er norrænt samvinnuverkefni
og kemur út á átta tungumálum, er
að finna fimmtán nýjar draugasög-
ur eftir fimmtán norræna höfunda
skreyttar glæsilegum litmyndum.
Fulltrúar fslands eru rithöfundarn-
ir Gerður Kristný og Kristín Helga
Gunnarsdóttir, og myndskreytarn-
ir Halldór Baldursson og Áslaug
Jónsdóttir.
Draugaþing í Reykjavík
„Hugmyndin var einfaldlega sú
að búa til safn af nýjum draugasög-
um fyrir nokkuð stálpaða krakka,
sögurnar máttu alveg vera svolítið
hræðilegar og ýfa hárin i hnakkan-
um,“ segir Sigþrúður. „Þessi hug-
mynd fæddist síðla árs 2004 og
verkefnið hófst á því að hver útgef-
andi valdi höfunda og höfundarnir
skrifuðu tvær sögur sem þeir luku
snemma árs 2005. Sögurnar voru
síðan þýddar á eitthvert af skand-
inavísku málunum til að höfund-
arnir gætu lesið allar sögurnar og
haft á þeim skoðun. Síðan hittist
hópurinn í aprílbyrjun í fyrra á
tveggja daga þingi hér í Reykjavík
þar sem unnið var með sögurnar
og rætt um þær. Eftir uppbyggi-
lega gagnrýni voru sumar sögurn-
ar skrifaðar upp á nýtt og öðrum
var breytt. Sumar þóttu ekki nógu
hræðilegar fyrir stálpaða krakka
því sögurnar máttu ekki vera of
barnalegar. Aðrar þóttu of skelfi-
legar. Við í íslenska hópnum kom-
umst að því að íslendingar hafa
groddalegri smekk fyrir hryllingi
en Skandinavar.
Það var mjög fróðlegt að heyra,
hvaða skoðanir menn höfðu á ólík-
um sögum og hverju þeir bjuggust
við. Skandinavar vilja gjarnan
að íslenskar draugasögur tengist
náttúrunni eða þjóðsögunum og
vildu ekki að íslensku sögurnar
Sigþrúður Gunnarsdóttir
„Mér líður eins og Ijósmóður sem var
að taka á móti áttburum," segir hún
um nýja bók, Drauginn sem hló, sem
kemur út á átta tungumátum.
gerðust í nútímanum í borg, en
önnur þeirra gerir það reyndar og
hélt sér.
Á þessu tveggja daga þingi velt-
um við því mikið fyrir okkur
hversu mikið má hræða börn. Dag-
ný Kristjánsdóttir hélt þar mjög
skemmtilegt erindi þar sem hún
fjallaði um ýmislegt í gömlu þjóð-
sögunum, sem voru á allra manna
vörum og sagðar börnum ekki síð-
ur en fullorðnum. Þar er ýmislegt
skelfilegt á ferðinni og Dagný fjall-
aði um ástæður þess að við viljum
láta hræða okkur og fá hryllinginn
skýrt afmarkaðan í sögu sem við
getum síðan lagt frá okkur og hald-
ið svo áfram að vera örugg í okkar
daglega lífi.“
Engirlausir endar
Eftir þingið sneru höfundarnir
heim og endurunnu sögur sínar,
þær voru myndskreyttar og síðan
var þeim skilað í endanlegu formi
til þýðingar. Þær voru þýddar á átta
tungumál og eru komnar út með
þremur ólíkum kápumyndum því
hver útgefandi valdi kápu eftir því
sem hann taldi passa fyrir sinn
markað.
Bókin er ætluð börnum frá tíu
ára aldri og til unglingsára. Sigþrúð-
ur er að lokum spurð hversu mikið
megi hræða börn. Hún segir: „Það
eru mörg dæmi um barnabækur
sem enda illa en þá verður sögu-
maðurinn að stilla sig svo þétt upp
við barnið sem er aðalpersónan að
hann fylgi persónunni og þar með
lesandanum í gegnum hryllinginn
ogskiljisöguhetjunaeftiráeinhverj-
um góðum endapunkti jafnvel þótt
eitthvað hræðilegt hafi gerst í milli-
tíðinni. Það má ekki skilja ungan
lesanda eftir með lausa enda. Það
verður að leiða málin til einhverra
lykta og skilja hvorki lesandann né
aðalpersónuna eftir í óöryggi.“
Draugurinn sem hló kom út hjá
átta norrænum útgefendum nú
í nóvember, auk Eddu eru það
Tammi í Finnlandi, Eriksson &
Lindgren í Svíþjóð, Phabel í Dan-
mörku, Milik á Grænlandi, Bóka-
deildinni í Færeyjum, Det Norske
Samlaget í Noregi og Davvi Girji í
Samalandi.
menningarmolinn
Ameríkumaöur
Gershwins
Á þessum degi árið 1928 frum-
flutti The New Philharmonic í
New York, Ameríkumann i París
(An American in Paris), eftir snill-
inginn George Gershwin. Verkið
telst nú til klassískra verka. Árið
1951 var gerð samnefnd kvikmynd
með Gene Kelly í aðalhlutverki en
Kelly samdi dansa við verk Gersh-
wins og dansaði þar sjálfur. Mynd-
in vann sex Óskarsverðlaun, var
þar á meðal valin besta kvikmynd
ársins og hlaut verðlaun fyrir tón-
listina.
Gershwin fæddist árið 1898 og
sýndi engan áhuga á tónlist fyrr en
hann varð tólf ára en þá keyptu for-
eldrar hans píanó. Fyrsta lag hans
til að slá í gegn var Swanee. Hann
vann náið með bróður sínum Ira.
Árið 1935 var djassópera hans Porgy
og Bess frumflutt. Tveimur árum
síðar lést Gershwin úr heilaæxli,
skömmu fyrir 39. afmælisdag sinn.