blaðið - 13.12.2006, Blaðsíða 26

Heilbrigðara líf fyrir alja
Ef fylgt er þeim hollráðum
sem Lýðheilsustöð miðlar lands-
mönnum með ýmsu móti, m.a. í
formi kynningarefnis, fræðslu
og upplýsinga, sem til dæmis má
finna á heimasíðunni www.lyd-
heilsa.is, er ekki ólíklegt að lífið
verði mönnum auðveldara. Það
gildir jafnt um unga sem gamla og
vissulega er kostur að geta horft til
efri áranna með von um að geta
notið þess sem lífið býður upp á
þegar fólk er hætt að vinna.
Meginhlutverk Lýðheilsu-
stöðvar, sem stofnuð var árið
2003, er að skapa landsmönnum
tækifæri til heilbrigðs lífs. Það
er gert með þrennu móti: Að efla
þekkingu með þátttöku í rann-
sóknum, kennslu og árangurs-
mati á aðgerðum, að fræða, og
hafa þannig áhrif á viðhorf og
hegðun, og loks að vera stjórn-
völdum til ráðgjafar og hafa með
því áhrif á bættar aðstæður.
Starfsemi Lýðheilsustöðvar
skiptist í þrennt: Verkefnasvið,
rannsókna- og þróunarsvið og
loks samskiptasvið. Margar
rannsóknir eru framkvæmdar
á vegum Lýðheilsustöðvar og þá
ekki síst í samvinnu við aðra. Þró-
aðir hafa verið svokallaðir heilsu-
vísar sem ná til tóbaksvarna,
áfengis- og vímuvarna, slysa-
varna barna, mataræðis, hreyf-
ingar, líkamsþyngdar, geðræktar
og tannverndar. I byrjun er tekin
staðan í viðkomandi málaflokki
og síðan fylgst með þróuninni i
ljósi þeirra aðgerða sem gripið er
til og skili þær ekki tilætluðum
árangri verður að sjálfsögðu að
finna nýjar leiðir.
Geðorðin 10
Hjá Lýðheilsustöð er hægt að fá
segulspjald með Geðorðunum 10
til að festa á ísskápinn. Eitt þess-
ara 10 geðorða er: Hreyfðu þig
daglega, það léttir lund. Á heima-
síðunni má lesa um að hreyfing
hefur ekki bara góð áhrif á lík-
amlega heilsu heldur bætir hún
einnig andlega líðan. Því er fólk
hvatt til þess að finna einhverja
skemmtilega hreyfingu sem það
getur stundað reglulega og án efa
verður þessi hreyfing til að bæta
bæði andlega og líkamlega líðan
viðkomandi í nútíð og framtið.
Kynnið ykkur hvað hægt er að
gera til að lifa heilsusamlegra lífi
á www.lydheilsa.is. Skammdegið
er mörgum erfitt og því um að
gera að finna eitthvað sem getur
hresst og kætt.
GEÐORÐIN 10
1. Hugsaðu jákvætt, það er léttara
2. Hlúðu að þvi sem þér þykir vænt um
3. Haltu áfram að tæra svo lengi sem þú lifir
4. Lærðu af mistökum þinum
5. Hreyfðu þig daglega, það léttir lundina
6. Flæktu ekki lif þitt að óþörfu
7. Reyndu að skilja og hvetja aðra í kringum þig
8. Gefstu ekki upp, velgengni í lífinu er langhlaup
9. Finndu og ræktaðu hæfiletka þína
10. Settu þér markmið og láttu drauma þina rætast
LÝDHEI LSUSTOO
3. Eigið marsípan
Möndlur innihalda mörg holl
Góð ráð fyrir
sælgætisgrísi
Sælgætisgrísir komast auðvitað
ekki hjá því að gæða sér á öllum
kræsingunum sem eru á borðum
um jólin. Sætindin þurfa þó ekki öll
að vera óholl.
1. Dökkt súkkulaði
í dökku súkkulaði eru andox-
unarefni sem eru holl fyrir lík-
amsstarfsemina. Fullyrt er að
efnin verndi gegn krabbameini
auk þess sem dökkt súkkulaði á
að vera gott fyrir hjartað sé þess
neytt í hófi.
2. Heilar hnetur
Þótt hnetur séu fullar af
hollum efnum þarf að gæta þess
að borða ekki of mikið af þeim.
Ef þú þarft að hafa fyrir því að
brjóta hneturnar er Ííklegt að
þú borðir minna af þeim en
ella. Heilar hnetur eru ósaltar
og þess vegna hollar. Þú færð
fleiri næringarefni úr blöndu
af ýmsum tegundum en ef þú
borðar bara eina tegund.
næringarefni, eins og til dæmis B-
vítamín, magnesíum, sink, járn
og E-vítamín. í ekta marsípani er
jafnmikið magn af möndlum og
flórsykri. í þínu eigin marsípani
skaltu hafa 70 prósent möndlur
og 30 prósent flórsykur. Þá færðu
meiri næringarefni í þig auk þess
sem bragðið verður betra. En
þú skalt samt varast að borða of
mikið.
• 500 g möndlur
• 250 g flórsykur
• 1-2 eggjahvítur
Settu möndlurnar í heitt vatn og
fjarlægðu síðan hýðið af þeim. Láttu
þær síðan þorna. Hakkaðu möndl-
urnar tvisvar, í seinna skiptið með
flórsykrinum. Bættu eggjahvítu
(óþeyttri) út í þar til blandan er
orðin seig. Láttu marsípanið liggja
á köldum stað í tvær klukkustundir
þar til þú formar það.
oon gjafakort
Bláa lónið Húðvörur Spa meðferðir Veitingar Gisting
Upplýsingar í síma 420-8832 eða á bluelagoon@bluelagoon.is