blaðið - 13.12.2006, Blaðsíða 35
blaöið
MIÐVIKUDAGUR 13. DESEMBER 2006 3 5
Kalkúnn er víða á borðum um
jólin. Því er nauðsynlegt að vita
hvernig best er að matreiða hann og
hvaða krydd er ómissandi við mat-
reiðsluna. Pottagaldrar hafa fram-
leitt sérstakt kalkúnakrydd sem auð-
vitað verður að prófa.
Kalkúnninn má vera af hvaða
stærð sem er en steikingartíminn
er 40-50 mínútur á kíló við i6o°C án
blásturs. Fylgjast þarf með kalkún-
inum i ofninum því að enginn ofn
er eins. Gott er að þekja kalkúninn
með álpappír á 2/3 hluta steiking-
artímans en láta hann svo brúnast
vel undir loki við hærri hita. í þætti
Sigurður Hall á Stöð 2 gaf hann það
ráð að þekja kalkúninn með gömlu
hreinu viskustykki, vel vættu í
bræddu smjöri, í stað þess að nota
álpappírinn.
Fylling
• 400-500 g svínahakk
• Brauðsneiðar úr hálfu grófu
eða hvítu brauði
• Handfylli af söxuðum sveskjum
• 1 lítil dós apríkósur
• 1/2 glas Kalkúnakrydd
frá Pottagöldrum
• 1-2 tsk. salt og 1-2 tsk.
hvítur pipar
Bleytið brauðsneiðarnar í vatni
eða kjúklingasoði. Blandið hakk-
inu saman við og bætið sveskjum
og aprikósum (án safans) saman
við. Þá er kryddblöndunni bætt
í ásamt salti og pipar. Fyllið
kjúklinginn með blöndunni og
saumið fyrir.
Ef þið eigið uppskrift að kalkúna-
fyllingu, með eða án kjöts, er ein-
dregið mælt með að nota kalkúna-
kryddblöndu Pottagaldra sem
inniheldur salvíu svo aðeins þarf
að bæta við salti og pipar.
Kalkúnagljái
• 1-1 1/2 msk. Creola-kryddblanda
Pottagaldra
• 1/4 lítri appelsínudjús
• 3 msk. limedjús eða sítrónusafi
• 1 msk. dijon-sinnep
• 3 msk. sojasósa
• 50 g bráðið smjör
• 2-3 msk. hunang
Blandið öllu vel saman í skál.
Nuddið salti og hvítum pipar vel á
kalkúninn, penslið hann með gljá-
anum og steikið síðan. Penslið af og
til meðan á steikingu stendur.
Himnesksósa
Brúnið og steikið fóarnið úr kal-
kúninum ásamt vængstubbunum.
Kryddið með 1-2 tsk. af kalkúna-
kryddinu og Creola-blöndunni
ásamt salti, pipar og lárviðarlaufum
á meðan á steikingu stendur. Hellið
vatni út á og sjóðið í rúman klukku-
tíma. Gjarnan má bæta kalkúna- eða
kjúklingakrafti út í vatnið ásamt
lauk, selleríi og gulrótum. Sjóðið
í klukkutíma og síið. Þegar kal-
kúninn er fullsteiktur er soð hans
síað saman við sósusoðið og soðið
áfram í 15 mínútur. Bætið restinni
af gljáanum ásamt rjóma út í soðið
og þykkið eftir smekk. Bragðbæta
má sósuna með portvíni eða líkjör
eða með rifsberjahlaupi, en gljáinn
gerir sósuna sérlega góða.
Perlan er vinsæll kostur þegar
farið er á jólahlaðborð og þar er
oftar en ekki fullsetið öll kvöld í
desember. Fólk á það meira að segja
til að panta borð ár fram í tímann,
til að vera visst um að komast að.
Gísli Thoroddsen, matreiðslumaður
í Perlunni, segir að föstudags- og
laugardagskvöld hafi orðið upp-
bókuð snemma. „Helgarnar eru vin-
sælastar og fara fyrst. Svo fáum við
til okkar mikið af hópum þannig að
staðurinn er fljótur að fyllast. Við
byrjuðum að vera með jólahlaðborð
árið 1995 en það var eitthvað sem
við ætluðum ekki að gera. Við ætl-
uðum að gera eitthvað öðruvísi en
það gekk ekki upp þvi fólk vildi jóla-
hlaðborð. Ef við værum ekki með
jólahlaðborð þá væri ekkert að gera
hjá okkur í desember enda tilheyrir
þetta jólahaldinu."
Fólk nýtur matarins
Aðspurður af hverju fólk sækir
stíft í jólahlaðborð hjá Perlunni
segir Gísli að erfitt sé að segja til um
það en þeir vandi til verka. „Auk
þess erum við með einsetið en þá
bókum við borðið bara einu sinni
að kvöldi. Fólk kemur einmitt aftur
og aftur því hjá okkur fær það frið
til að borða í næði. Hjá sumum er
það orðið að hefð að koma í Perl-
una í jólahlaðborð en hlaðborðið
hjá okkur er gríðarlega stórt og þar
er mikið úrval. Það má segja að í
rauninni komist enginn yfir það
allt saman. Við breytum hlaðborð-
inu aðeins á milli ára en þó ekki
mikið því fólk vill sinn hrygg, gæs
og hreindýr," segir Gísli og bætir við
að fólk sé farið að kunna betur að
hegða sér í jólahlaðborðum en áður.
„Áður fyrr hrúguðu allir á diskana
sína og helmingur matarins end-
aði í ruslafötunni. f dag eru flestir
menningarlegri, fara fleiri ferðir en
fá sér minna í einu. Þá nýtur fólk
matarins betur en áður.“
Áttu leið í bæinn?
- stæði fýrir alla
Á bíl í jólaösinni í miðborg Reykjavíkur.
Hvað má bjóða þér? Miðastæði,
stöðumæli eða bílahús. Viltu greiða
með korti eða krónum, eða kannski
gsm símanum þínum?
Tímamiðar úr miðamælum gilda
áfram þegar lagt er við stöðumæli
innan sama gjaldsvæðis.
Ótakmarkaðurtími býðst á stöðu-
mælum í miðborginni.
í desember verða bflahúsin opin
klukkustund lengur en verslanir
f miðborginni. Gleðilega aðventu!
Reykjavíkurborg
Bílastæðasjóður
svo í borg sé leggjandi
Nú er einnig hægt að greiða
fyrir stæði við stöðu- og miða
mæla í gegnum gsm-síma.
Upplýsingar um skráningu
á www.rvk.is/bilast