blaðið - 13.12.2006, Blaðsíða 24

MIÐVIKUDAGUR 13. DESEMBER 2006
blaöið
Þjóðminjasafnið
í ekta íslenskum
'jólasveinafötum
„Að undan-
f ö r n u hafa starfs-
Í mennirnir í Þjóðminja-
safni tslands verið önnum
kafnir við að undirbúa
komu jólasveinafjölskyld-
unnar en hún heimsækir
alltaf safnið um þetta
leyti,“ segir Rúna K. Tetz-
schner, kynningarstjóri
Þjóðminjasafnsins.
Stekkjastaur var
fyrstur jólasveinanna,
nú sem fyrr, og kom
í safnið á þriðjudags-
morgun. Síðan koma þeir
af fjöllum hver af öðrum,
sveinarnir, og allir líta
þeir við í Þjóðminjasafn-
inu stundvíslega klukkan
n á hverjum einasta
morgni fram
að jólum.
Rúna segir
að safnið verði meira að segja opið sér-
staklega á aðfangadag milli n og 12 til
að taka á móti Kertasníki sem kemur
síðastur. Um að gera sé að líta þá inn
og fagna honum vel! Bæði börn og
fullorðnir vita að íslensku jólasvein-
arnir eru hrekkjóttir pörupiltar sem
eiga dálítið erfitt með að átta sig í
tæknivæddri nútímaveröld en i Þjóð-
minjasafninu kunna þeir vel við sig
því að þar er svo mikið af þjóðlegu
dóti sem þeir kunna vel að meta.
Fastagestir í 18 ár
Þjóðminjasafnið bauð „alvöru" ís-
lensku jólasveinunum fyrst i heim-
sókn fyrir 18 árum og þeir eru þar
fastagestir í desember ár hvert. Og
eitt er víst, þeir koma alltaf í safnið á
réttum tíma. Mörgum þótti jólasvein-
arnir tötralega til fara sérstaklega
ef þeir voru bornir saman við rauð-
klædda „gervijólasveininn" sem upp-
runninn mun vera í Bandaríkjunum.
Þjóðminjasafnið íslenska fékk því
hönnuði og handverksfólk til að gera
ný föt handa sveinunum svo þeir gætu
litið sómasamlega út þegar þeir heim-
sæktu safnið. I framhaldi af þvi fengu
bæði þeir og foreldrar þeirra, Grýla
og Leppalúði, nýjan alklæðnað úr vað-
máli, gærum, flóka og íslenskri ull.
Jólasveinarnir koma því í Þjóðminja-
safnið vel klæddir í íslenskum fötum
yst sem innst. Á Torginu í safninu
er hægt að fræðast um jólasveinana.
Þar hefur verið komið fyrir heilu jóla-
húsi og alls konar hlutum tengdum
jólasveinunum, m.a. er þar að finna
askinn hans Askasleikis, skyrið sem
Skyrgámur er svo sólginn í, hrossa-
bjúga sem Bjúgnakrækir myndi vilja
krækja í og margt fleira. Þarna geta
gestir, stórir og smáir, áttað sig vel á
því hvað hin skrýtnu þjóðlegu jóla-
sveinanöfn þýða.
Biðraðir eftir
Nintendo Wii
HLYJAR
JOI AO.JAF1R
BELLORA SINCE 1 883 MILANO
DÚNSÆNGUR
OG KODDAR
í MIKLU ÚRVALI
FYRSTA FLOKKS GÆÐl
OG FRÁBÆR VERÐ
Laugavegi 87 • símar 551 8740 & 511 2004
Ný Nitendo-tölva er komin á
markaðinn og um allan heim bíða
menn í röðum eftir að geta keypt
hana. Þannig var það í Japan þegar
hún kom á markað nú 2. desember
og sömuleiðis í Bretlandi sex dögum
síðar. I Bandaríkjunum hafa þegar
selst 600 þúsund Nitendo Wii, en
svo nefnist þessi nýja leikjatölva
sem komin er hér á markað hjá
Bræðrunum Ormsson.
Nintendo-merkið þekkja allir en
tímamót voru mörkuð árið 1985
þegar hin byltingarkennda NES
tölva, sem nú þykir býsna fornfá-
leg, kom á markað. Nintendo Wii
markar nýtt upphaf Nintendo-merk-
isins og fyrir alla leikjaunnendur.
Tölvan sjálf er með blárri ljósrönd,
mjög hljóðlát, ekki stærri en þrír
DVD-hlustarar. Hún erhelmingi öfl-
ugri en síðasta Nintendo-tölvan og
með frábæra þrívíddargrafík.
Það sem gerir vélina svo einstaka
er „Wiimote“-fjarstýringin með
hreyfiskynjaranum sem nemur ná-
kvæmlega hverja hreyfingu. Ekki
þarf lengur að sitja kyrr og hreyfa
bara þumlana heldur er einfaldlega
hægt að standa upp úr sófanaum og
leika leikinn.
Allir þessir kostir væru til lítils ef
ekki væri nóg til af leikjum. Leikja-
framleiðendur tóku Wii fagnandi og
fréttir hafa borist af nýjum leikjum
sem koma á markað um leið og
tölvan. Wii getur þó spilað eldri
GameCube-leiki og í byrjun næsta
árs verður hægt að sækja „gömlu
góðu“ Nintendo-leikina á Netið því
að tölvan er með þráðlausu netkorti.
Tengja má tölvuna beint við Netið
og þar með verður m.a. hægt að fá
vafra fyrir vélina.
Nýju Nitendo Wii fylgir leikurinn
Wii Sports sem er í raun nokkrir
íþróttaleikir sem eiga það sameigin-
legt að nýta hina skemmtilegu fjar-
stýringu til fullnustu.
Möguleikarnir eru nánast
endalausir og vélin er að auki á
frábæru verði og það mun lægra
verði en aðrar nýjar leikjatölvur. I
Nitendo-pakkanum er vél, Wii-fjar-
stýring, Nunchuck-stýripinni, sjón-
varpssnúra, straumbreytir, sæti
fyrir vélina og eitt eintak af Wii
Sports-leiknum.
Til að sjá meira um vélina getið
þið skoðað vefinn http://www.wii.
is eða hreinlega kíkt í verslanir
Ormsson, Síðumúla 9, Smáralind
og á Akureyri og fengið að prófa
sjálf!