Bændablaðið - 27.03.2007, Blaðsíða 2

Bændablaðið | Þriðjudagur 27. mars 20072
Nýja hesthúsið á Hólum
formlega tekið í notkun
Á Hólum í Hjaltadal er risið
nýtt og glæsilegt hesthús ásamt
reiðhöll. Byrjað var á húsinu
seint í júlí 2006 og hefur verið
unnið stanslaust síðan, oft um
20 manns. Aðalverktaki við bygg-
inguna er Friðrik Jónsson ehf. á
Sauðárkróki.
Húsið er 3.350 fermetraað grunn-
máli. Í því eru 196 stíur, hver þeirra
um 7 m2 að stærð. Innréttingar eru
frá danska fyrirtækinu Fremtiden.
Í suðurenda hússins er svo um 800
m2 reiðskemma. Auk þess er í hús-
inu kaffistofa, snyrtingar, geymsla
fyrir reiðtygi og heygeymsla. Vegg-
ir hússins eru steyptir í 1,2 m hæð
en þar fyrir ofan er límtré.
Það er fyrirtækið Hesthólar ehf.
sem byggir húsið og leigir það síð-
an Hólaskóla. Húsið var formlega
tekið í notkun sl. föstudag og var
mikið fjölmenni samankomið við
þá athöfn. Tíðindamaður blaðsins
leit við í hesthúsinu þegar lokafr-
ágangur stóð sem hæst í vikunni
áður og tók meðfylgjandi mynd-
ir. Nánar verður greint frá vígslu
hússins í máli og myndum í næsta
Bændablaði. ÖÞ
Fréttir
Íslenskir garðyrkjubændur hafa
ákveðið að merkja allar vörur
sínar með íslensku fánaröndinni.
Er þetta gert til þess að neytend-
ur eigi auðveldara með að átta
sig á hvaða vörur eru íslenskar
og hverjar ekki.
Stór hluti íslensks grænmetis,
kartaflna og afskorinna blóma er
nú þegar merktur fánaröndinni og
í vor verða íslenskar garðplöntur
einnig merktar á þennan hátt.
„Við viljum auðvelda neytend-
um að velja sér vörur með þeim
eiginleikum og gæðum sem íslensk
framleiðsla hefur. Það sem hér er
ræktað er aðlagað að íslenskum
aðstæðum og íslenskir garðyrkju-
bændur eru stoltir af þeim gæðum
sem þeir geta boðið. En það er
fyrst og síðast neytandans að velja
þá vöru sem hann telur besta og
við viljum hjálpa til með að merkja
þær vörur sem eru íslenskar, ” seg-
ir Þórhallur Bjarnason, formaður
Sambands garðyrkjubænda.
Íslenskir garðplöntuframleið-
endur leggja metnað sinn í að
bjóða garðplöntur sem henta
íslensku veðurfari og hafa sannað
sig við íslenskar aðstæður. Þá hef-
ur íslenskt grænmeti mjög ákveðna
eiginleika og vegna ræktunar
nálægt markaðnum er það alltaf
ferskt þegar það kemur í verslanir.
Bragðgæðin eru mikil, meðal ann-
ars vegna þess góða vatns sem við
Íslendingar höfum aðgang að. Fátítt
er að grænmeti sé vökvað með jafn
góðu vatni og það íslenska. Þá er
stutt að fara með afskorin blóm úr
gróðurhúsi í verslanir og þau verða
því fyrir litlu hnjaski og eiga að
standa lengur.
Fleiri vörur garðyrkjubænda í fánalitunum
Garðyrkjubændurnir í Hvera-
túni í Laugarási í Biskupstung-
um, þau Magnús Skúlason og
Sigurlaug Sigurmundsdóttir,
hafa sett á markaðinn poka-
salat, salat í pokum tilbúið
til neyslu, sem er nýjung í inn-
lendri framleiðslu.
Um er að ræða þrjár tegund-
ir af salati, klettasalat, íssalat og
Íslandssalat. Auk salats er ræktuð
steinselja í Hveratúni með góð-
um árangri. „Já, við erum mjög
ánægð að vera komin með poka-
salat á markað og vonum að neyt-
endur taki því vel, viðbrögðin
hafa að minnsta kosti verið góð
fram að þessu,“ sagði Magnús.
Salatið frá Hveratúni er mjög vel
merkt þannig að neytendur ættu
ekki að ruglast á því hvort þeir
eru að kaupa íslenska eða útlenda
vöru. MHH
Magnús leggur mikið upp úr merk-
ingunum á pokasalatinu þann-
ig að fólk þarf ekki að velkjast
í vafa um hvort það er að kaupa
íslenska eða útlenda vöru. Hér er
íssalat frá honum.
Pokasalat frá Hveratúni í
Laugarási í Biskupstungum
Magnús Skúlason garðyrkjubóndi hefur staðið sig vel í ræktun á salati
síðustu ár og nú er hann kominn með á markaðinn pokasalat sem hef-
ur fengið góðar viðtökur. Hér er hann í einu af gróðurhúsunum sínum.
Myndir MHH
Innflutningstollar verða lækk-
aðir um helming strax á næsta
ári og svo felldir niður í áföng-
um í samráði við bændur nái
vilji Samfylkingarinnar fram að
ganga.
Það er löngu tímabært að taka
landbúnaðarkerfið til endurskoð-
unar, en stjórnvöld misstu af tæki-
færi til að ráðast í nauðsynlegar
breytingar á kerfinu. Þetta
Kom fram í máli Ingibjargar
Sólrúnar Gísladóttur formanns
Samfylkingarinnar á aðalfundi
Samtaka verslunar og þjónustu
sem haldinn var í liðinni viku.
Á fundinum sátu formenn þeirra
stjórnmálaflokka sem sæti eiga á
Alþingi fyrir svörum, en samtökin
höfðu fyrirfram lagt fyrir þá nokkr-
ar spurningar um margvísleg mál-
efni.
Tvær spurninganna snérust um
landbúnað, en samtökin vildu fá
fram afstöðu flokkanna til þess
voru næstu skref til lækkunar á
matvælaverði á Íslandi ættu að
vera þau að fella niður innflutn-
ingsvernd á landbúnaðarvörur
og ef svo væri hvort flokkurinn
myndi leggja áherslu á að það yrði
gert á næsta ári. Það hefur lengi
verið baráttumál verslunarinnar
að koma á óheftri verslun með
landbúnaðarvörur og að mati sam-
takanna er niðurfelling tolla og
kvóta árangursríkasta leiðin til að
lækka matvöruverð hér á landi.
Ingibjörg Sólrún sagði að í nýj-
ustu skýrslu OECD væri lagt til að
dregið yrði úr stuðningi við land-
búnað og það væru fleiri en Sam-
fylkingin sem væru þeirrar skoðun-
ar. Hún lagði hins vegar áherslu á
að slíkt yrði gert í góðri samvinnu
við bændur, brýnt væri að kippa
ekki fótunum undan bændastétt-
inni í einu vetfangi.
Jón Sigurðsson, Framsóknar-
flokki, sagði að flokkurinn teldi að
afnám allrar innflutningsverndar
væri neytendum ekki til hagsbóta.
Benti hann á að innflutt grænmeti
væri 67% dýrara hér á landi þrátt
fyrir að íslenskt grænmeti nyti
ekki innflutningsverndar. Taldi
Jón fullvíst að róttækar breyting-
ar yrðu í íslenskum landbúnaði á
næstu árum.
Geir H. Haarde, Sjálfstæðis-
flokki sagði að breytingar eins og
afnám innflutningsverndar yrði
að gera smám saman og í samráði
við bændur. Slíkt væri ekki næsta
skref í málinu, „en það vita allir
að það verða breytingar, en ekki
í einu höggi á einu ári.“ Sagði
forsætisráðherra að bændur og for-
svarsmenn úrvinnslustöðva land-
búnaðarins væru þegar farnir að
búa sig undir aukna samkeppni.
Steingrímur J. Sigfússon VG
sagði það alltof sársaukafullar og
dýrkeyptar aðgerðir að fella nið-
ur alla innflutningsvernd á einu
bretti, en mikilvægt væri engu að
síður að leita leiða til að lækka
verð á matvælum. „Það þýðir
ekki að tala neina tæpitungu hér,“
sagði hann. “Aðgerðir af þessu
tagi myndu rústa atvinnugreininni
sem og úrvinnslugreinum og taka
fleira með sér í fallinu, við tökum
ekki þátt í slíku.“
Í máli Guðjóns Arnars Krist-
jánssonar, Frjálslynda flokknum,
kom fram að flokkurinn vill ekki
stíga svo stór skref að landsmenn
bíði skaða af. „Við viljum sá hver
árangurinn verður af þeim aðgerð-
um sem nýlega var gripið til og
meta árangurinn áður en næstu
skref verða tekin.“ MÞÞ
Samtök verslunar og þjónustu spyrja hvort fella eigi niður innflutnings-
vernd á landbúnaðarvörur
Ljóst að róttækar breytingar verða
í atvinnugreininni á næstu árum
Ársfundur Landbúnaðarháskóla
Íslands var haldinn í Varmahlíð
í Skagafirði nú nýlega., heima-
menn flykktust til fundar og var
hann fjölmennur, en að sögn
Ágústs Sigurðssonar rektors er
tilgangur þess að fara með fundi
um landið einmitt sá að ræða
brýn framfaramál á hverjum
stað, „en þannig getum við sem
menntastofnun stuðlað að þróun
og aukinni þekkingu á þeim við-
fangsefnum sem við er að fást,”
sagði Ágúst.
Þetta var annar ársfundur Land-
búnaðarháskólans, en hann varð til
með samruna þriggja stofnana land-
búnaðarins í ársbyrjun 2005, skól-
anna að Reykjum og Hvanneyri og
Rannsóknastofnunar landbúnaðar-
ins.
Ágúst sagði að ákveðið hefði
verið að ræða einkum tvö mál í
Skagafirði, hross og kornrækt,
enda mætti finna öflugustu hrossa-
ræktendur landsins þar og kornrækt
stæði einnig styrkum fótum.
Þá gat rektor þess að samstarf
við Háskólann á Hólum væri mönn-
um einnig ofarlega í huga en með
auknu samstarfi skólanna tveggja
opnuðust ný tækifæri til frekari
afreka. Nýlega var gengið frá
rammasamningi um samstarf skól-
anna og var fyrsti afrakstur hans
kynntur á ársfundinum; sameigin-
leg námsgráða í hestafræðum sem
Ágúst sagði mikið framfaramál
Á fundinum kynntu starfsmenn
LbhÍ og Háskólans á Hólum nýja
námsbraut í hrossarækt sem tekur
til starfa í haust. Ingimar Ingimars-
son, Ytra-Skörðugili, fjallaði um
hrossarækt sem vaxandi atvinnu-
grein og Þorvaldur Kristjánsson,
LbhÍ, ræddi um rannsóknir í hrossa-
rækt. Gunnar Sigurðsson, bóndi á
Stóru-Ökrum flutti erindi sem hann
nefndi; Kornrækt – já takk. Þá flutti
Jónatan Hermannsson, LbhÍ, erindi
sem heitir Íslensk kornyrki – for-
sendur framfara og Jón Hallsteinn
Hallsson, LbhÍ, ræddi um nýja
tækni í kornkynbótum.
Ársfundur Landbúnaðarháskóla Íslands haldinn í Skagafirði
Vilja ræða framfaramál við heimamenn