Fréttablaðið - 18.01.2012, Blaðsíða 36

18. janúar 2012 MIÐVIKUDAGUR24 24
menning@frettabladid.is
Sigríður Thorlacius er ein
úr hópi valinkunnra söngv-
ara sem taka þátt í James
Bond-veislu Sinfóníuhljóm-
sveitar Íslands í Hörpu.
Hún syngur lag úr mynd-
inni Diamonds Are Forever
sem upphaflega var flutt af
Carly Simon.
„Lögin sem hver og einn syngur
eru valin í samráði við stjórnand-
ann, sem fékk okkur til að syngja
fyrir sig til að sjá hvaða lög hent-
uðu hverjum. En Nobody Does
it Better er eitt af mínum eftir-
lætis Bond-lögum og ég hafði það
alltaf í huga,“ segir söngkonan
Sigríður Thorlacius, sem flyt-
ur lagið úr Bond-myndinni The
Spy Who Loved Me, sem upphaf-
lega var flutt af Carly Simon, á
þrennum James Bond-tónleikum
sem Sinfóníu hljómsveit Íslands
býður upp á í Hörpu dagana 19.,
20. og 21. janúar. Fljótlega seldist
upp á fyrri tvo tónleikana og því
var þeim þriðju bætt við. Í ár er
hálf öld liðin síðan njósnari hinnar
hátignar birtist fyrst á hvíta tjald-
inu í kvikmyndinni Dr. No, en alls
eru myndirnar orðnar 24 talsins.
Ásamt Sigríði syngja þau Val-
gerður Guðnadóttir, Eyþór Ingi
Gunnlaugsson, Sigríður Beinteins-
dóttir, Inga Stefánsdóttir, Páll
Óskar Hjálmtýsson og Jóhanna
Vigdís Arnardóttir, sem einnig
er kynnir, lög úr þessum vinsælu
myndum með Sinfóníunni. Allir
ættu að þekkja titilstefið, en auk
þess hafa listamenn á borð við
Paul McCartney, Tinu Turner,
Duran Duran, Tom Jones, Sheryl
Crow, Madonnu, Aliciu Keys og
Shirley Bassey flutt lög í mynd-
unum. Stjórnandi er hinn breski
Carl Davis sem stýrt hefur Bond-
tónleikum víða um heim við góðar
undirtektir. Davis stjórnar Fíl-
harmóníuhljómsveitum London
og Liverpool í Englandi reglulega
og hefur meðal annars unnið með
téðum Paul McCartney þegar Bít-
illinn fyrrverandi hefur fetað út á
brautir sígildrar tónlistar.
Á síðustu breiðskífu Hjaltalín var
007 OG SINFÓ Í HÖRPU
HRISTUR EN EKKI HRÆRÐUR
Njósnari hinnar hátignar ræður ríkjum í Hörpu
næstu daga ásamt Sinfó og söngvurum.
Amy Winehouse heitin átti að syngja titillag síðustu
Bond-myndar, Quantum of Solace, en ekkert varð úr
því vegna misklíðar milli söngkonunnar og upptöku-
stjórans Marks Ronson sem rekja mátti til áfengis- og
eiturlyfjaneyslu þeirrar fyrrnefndu. Nokkrir hafa verið
nefndir til sögunnar sem kandídatar í að syngja titillag
nýju Bond-myndarinnar sem nú er í vinnslu, Skyfall, til
að mynda Adele, Michael Bublé og Noel Gallagher.
AMY WINEHOUSE SÖNG EKKI
að finna lagið Feels Like Sugar sem
mörgum þótti afar „Bond-legt“ og
segist Sigríður ekki hafa farið var-
hluta af því. „Það töluðu margir um
þessi líkindi, sérstaklega erlendis,
og veltu fyrir sér hvort ég hefði
hlustað mikið á Shirley Bassey í
gegnum tíðina og tileinkað mér
hennar stíl. Svo er reyndar ekki,
en ég skil tenginguna vel því Feels
Like Sugar er auðvitað dramatískt
lag með stórri hljómsveit eins og
ekta Bond-lag. Við ættum kannski
að prófa að senda það til framleið-
enda Bond-myndanna og sjá hvern-
ig þeim líst á,“ segir hún og hlær, en
hún hefur séð flestar af eldri Bond-
myndunum og segist kunna sérlega
vel að meta lögin úr þeim.
kjartan@frettabladid.is
Birna Bjarkadóttir er aðalpersóna unglingasögunnar Carpe
diem. Hún er í tíunda bekk, en á fremur erfitt uppdráttar,
þar sem hún er nýbyrjuð í skólanum og fellur ekki allt of
vel í kramið hjá skólafélögunum í fyrstu. Þó takast fljótlega
ástir með Birnu og Hallgrími, góðum strák sem stundar
íþróttir, leikur á gítar og er í alla staði til fyrirmyndar.
Heima við eru vandræði Birnu jafnvel enn alvarlegri, þar
sem móðir hennar er drykkfelld og sjálfselsk og hugsar
lítið um hag dótturinnar, en faðirinn er fjarverandi. Til
allrar hamingju á Birna góða ömmu, sem reynir að bæta
ástandið og vera henni sú stoð sem hún þarf á að halda.
Víst er nauðsynlegt að unglingar fái að lesa um ástir og
erfiðleika jafnaldra sinna. Því miður eru þó allar pælingar
í þessari bók fremur grunnar og engu líkara en að höf-
undunum liggi gríðarmikið á að klára söguna og hlaupi
því yfir flesta atburði á hundavaði. Tilraun er til dæmis
gerð til þess að fjalla um kynferðislega áreitni í garð sögu-
hetjunnar, en þegar nýr kærasti hinnar drykkfelldu móður
hittir Birnu í fyrsta skipti er hann vart kominn inn úr
dyrunum þegar hann fer að káfa á henni með „skítugum
krumlunum“ (og já, hann er fullur, talar með smeðjulegri
röddu og hefur glæpsamlegt augnaráð). Ekki skal gert lítið
úr slíkum atburðum, en hér er fullyrt fljótlega eftir káfið
að „það hafi skilið eftir sig djúp ör í sálu hennar sem áttu
seint eftir að gróa“. (75) Allt dramað og ég leyfi mér að
segja sorgarklámið sem fylgir í kjölfarið er hreinlega of illa
undirbyggt til þess að það nái að vekja samúð eða hreyfa
við lesanda.
Klisjur úr amerískum kvikmyndum eru mjög margar og
áberandi í þessari bók. Nútímatækni á borð við sms-skila-
boð gleymist til dæmis skyndilega þegar aðalpersónan
þarf að ná athygli kær-
astans og kastar smá-
steinum í gluggann hjá
honum að næturlagi.
Hrekkjavökuball með
viðeigandi búningum
er haldið í skólanum og
þurfa unglingarnir líka
að búa sig undir skóla-
dansleik; eins konar
„prom“ þar sem herrann kemur (vitaskuld í jakkafötum
með bindi) og sækir dömuna, en nauðsynlegt er að hún
hugi að hári og förðun og kaupi sér flottan kjól fyrir ballið.
Engum lesanda kemur því á óvart þegar amman í sögunni
leiðir Birnu inn í herbergi og tekur fram undurfallega
skartgripi sem hún hefur átt síðan hún var ung og gefur
barnabarni sínu fyrir þennan mikilvæga áfanga.
Raunar má segja það Carpe diem til hróss að höfundar
gera ráð fyrir því að unglingar hugsi um kynlíf, en slíkt hef
ég ekki rekið mig á í þeim unglingabókum sem ég hef
lesið síðustu mánuði. Umfjöllunin um það er engu að
síður klisjukennd í takt við allt hitt; Birna og Hallgrímur
ætla sko að bíða þar til þau eru tilbúin (og allt bendir til
þess að þau muni láta til skarar skríða eftir ballið mikla …).
Annar kostur sögunnar er sá að málfar unglinganna
með tilheyrandi ómægod-i, sjitti og fokki er sannfærandi,
þó að stíllinn sé æði rislítill.
Þórunn Hrefna Sigurjónsdóttir
Niðurstaða: Ófrumleg unglingabók, einkum byggð á
klisjum úr amerískum kvikmyndum.
Bækur ★
Carpe Diem
Eyrún Ýr Tryggvadóttir og Kristjana María Kristjánsdóttir
Salka 2011
Ástir og örlög í amerískum stíl
„Þetta verður vonandi mjög
skemmtilegt og áhrifaríkt. Það
verður alla vega engin lognmolla
yfir tónlistarflutningnum,“ segir
gítarleikarinn Guðmundur Péturs-
son. Í kvöld leikur hann verk af
sólóplötu sinni, Elabórat, á Bakk-
usi í Tryggvagötu.
Elabórat kom út fyrir jól og hefur
fengið lof gagnrýnenda, sem hafa
meðal annars sagt hana framsækið
verk, fullt af spennandi útúrdúrum
sem hlustendur ánetjist fljótt. Með
Guðmundi verða hljóðfæraleikar-
arnir Pétur Ben, á gítar og selló,
Styrmir Hauksson, á hljóðgervla
og slagverk, Valdi Kolli á bassa og
Kristinn Agnarsson á trommur.
Elabórat er nokkurs konar fram-
hald af fyrri sólóplötu Guðmund-
ar, Ologies, sem kom út árið 2008.
„Þetta er ákveðin röð sem ég er
með í gangi, þó að músíkin sé ekki
endilega eins. Það má segja að mús-
íkin sé svolítið sjónræn eða sínema-
tísk. Ég hef reynt að hafa þetta svo-
lítið litríkt.“
Tónleikarnir hefjast klukkan 22.
- hhs
Engin lognmolla yfir
Guðmundi á Bakkusi
GUÐMUNDUR PÉTURSSON Verður í
góðum félagsskap á Bakkusi í kvöld, þar
sem hann flytur lög af lötunni Elabórat
sem kom út fyrir jól. MYND/ÚR EINKASAFNI
LISTAFÉLAG VÍÐISTAÐAKIRKJU stendur fyrir þriðju hádegistónleikunum á
föstudag klukkan tólf. Yfirskrift tónleikanna er „Hrynskáldið og hljóðfæraleikarinn“ en þá
verður flutt tónlist úr smiðju Stefáns Ómars Jakobssonar básúnuleikara.
Rekstur veitingasölu í Hafnarborg,
menningar- og listamiðstöð Hafnarfjarðar

Óskað er eftir aðila til að taka að sér veitingarekstur í Hafnarborg,
menningar- og listamiðstöð Hafnarfjarðar að Strandgötu 34, Hafnarfirði.
Kaffistofan býður upp á ýmsa möguleika en er fyrst og fremst hugsuð sem
þjónusta við gesti listamiðstöðvarinnar en hefur sérstakan inngang og er
öllum opinn. Veitingasalan þarf að vera opin eigi skemur en á opnunartími
Hafnarborgar og þegar tónleikar, fundir, ráðstefnur eða aðrir viðburðir
eru í húsinu. Vinnuaðstaðan býður upp á framreiðslu á kaffiveitingum og
léttum málsverðum.
Gert er ráð fyrir að nýr rekstraraðili taki til starfa sem fyrst.
Áhugasömum er boðið að mæta á stutta kynningu á starfseminni og fá
frekari upplýsingar um hvernig staðið verður að vali rekstraraðila mið-
vikudaginn 25. janúar 2012 kl. 10.30 í Hafnarborg.
Áætlað er að ákvörðun um val á samstarfsaðila liggi fyrir í febrúar 2012.
Allar frekari upplýsingar um þetta verkefni veitir forstöðumaður
Hafnarborgar Ólöf K. Sigurðardóttir í síma 585-5790
50% afslátturaf öllu leigðu efni í Sjónvarpi Símans
facebook.com/siminn.is