Fréttablaðið - 28.04.2012, Síða 43
VINSÆL SÝNING
Sýningin Fjölskylduskemmtun í Nýlistasafninu hefur
fengið frábær viðbrögð og er orðin ein mest sótta sýn-
ing safnsins. Í dag kl. 15.00 kemur Páll Óskar Hjálm-
týsson fram og syngur fyrir gesti. Í safninu er fullt af
leiktækjum. Sýningunni lýkur á morgun.
Ég veit það varla,“ svarar Mai Shi-rato þegar hún er spurð af hverju hún hafi endað í fatahönnunar-
námi á Íslandi en Mai kemur frá Japan.
„Ég hitti íslenskan strák fyrir tíu árum,
en hafði svo sem engan áhuga á landinu
þá. Allt í einu fannst mér bara að ég yrði
að fara til Íslands og hér er ég í dag,“
segir hún.
Mai er í hópi útskriftarnema LHÍ í ár
og sýnir í Listasafni Reykjavíkur, Hafnar-
húsi. Mai hafði unnið sem hönnuður
fyrir Kanebo í Tókýó en er ekki viss um
að fatahönnunarnámið vindi meira upp
á sig.
„Mér fannst erfitt að sjá efnisafganga
og pappír enda í ruslinu. Ég væri til
í að einbeita mér að endurvinnslu
á efnum. Mig langar líka til að opna
vinnustofu fyrir krakka í tauþrykki og
taulitun. Ég er samt ánægð með námið
og skólafélagarnir reyndust mér mjög
vel. Mamma og pabbi ætla svo að
heimsækja mig í sumar.“
Mai segist hafa lent í ýmsum
uppákomum síðustu þrjú ár vegna
tungumálaörðugleika og þess hve
menningarheimar þjóðanna eru ólíkir.
„Hér er ekkert tiltökumál að mæta
30 mínútum of seint. Skilafresturinn í
skólanum gat líka verið sveigjanlegur
en það kæmi ekki til greina í Japan. Mér
fannst líka skrítið að ávarpa kennarana
með skírnarnafni og að rekast á þá í
sundi, sem myndi ekki gerast í Japan,“
segir hún hlæjandi. „Ég villtist líka oft
í strætó og endaði einu sinni uppi í
Kópavogi í kafsnjó.“ Mai hefur þó tekið
ástfóstri við landið.
„Mig langar að finna mér vinnu hér
og er með verkefni í bígerð um að
tengja Ísland og Japan. Ég ætla þó að
heimsækja kærastann minn líka í haust
en hann er í Berlín.“ ■ rat
VILLTIST Í STRÆTÓ
FATAHÖNNUN Mai Shirato pakkaði einn daginn niður föggum sínum og flutti
frá Tókýó til Reykjavíkur. Hún sýnir nú í Hafnarhúsi útskriftarlínu sína frá LHÍ.
FLJÓTT AÐ LÍÐA
Árin þrjú í Listaháskól-
anum voru fljót að líða
en Mai hélt sambandi
við mömmu sína og
pabba gegnum skype.
Verk Mai eru til sýnis á
Útskriftarsýningu LHÍ
sem stendur til 6. maí en
opið er í Hafnarhúsinu
alla daga milli klukkan
10 og 17 og til klukkan
20 á fimmtudögum.
MYND/VALLI
112 Grafarvogi - Sími: 586 1000 - www.husgogn.is
Kojur í bjarga málunum
Margar stærðir og gerðir af kojum og rúmum,
litlum og stórum, breiðum og mjóum
fyrir barnaherbergið og sumarbústaðinn!
Sérverslun með kojur og fylgihluti
Vefverslun
husgogn.is
erum á
Facebook
Laugavegi 53 • s. 552 3737
Opið mánudag til föstudag 10-18,
laugardag 10-17
Ný sending
litrík og flott
Ný skó sending
NÁMSAÐSTOÐ
Vantar þig aðstoð í einhverri námsgrein?
íslenska - stærðfræði - enska - danska - efnafræði - lestur
eðlisfræði - þýska - franska – spænska – stafsetning o.fl.
Öll skólastig - Réttindakennarar
Nemendaþjónustan sf www.namsadstod.is s. 557 9233