Fréttablaðið - 28.09.2012, Blaðsíða 18

18 28. september 2012 FÖSTUDAGUR
Ég ætla að nota tækifærið og lofa Heilsugæslu höfuðborgar-
svæðisins, af því enginn annar
virðist gera það, og þá sér í lagi
forsvarsmenn hennar sem hafa
hreinlega ekki sést svo mánuðum
skiptir opinberlega. Hvað þá að
fagfólkið stígi fram og verjist
þeirri ádeilu sem er nær stöðug
á þjónustu heilsugæslunnar eða
á fyrirkomulagi hennar. Þeir sem
mig þekkja vita að ég er eindreg-
inn stuðningsmaður einka rekstrar
í heilbrigðisþjónustu þar sem ég
starfa og tel að þar liggi stærstu
sóknarfærin í framtíðinni. Þrátt
fyrir það þykir mér sorglegt hið
neikvæða umtal um þessa grunn-
stoð í heilbrigðisþjónustu á höfuð-
borgarsvæðinu. Hver fréttin á
fætur annarri um langan biðtíma,
lélegan aðbúnað, atgervisflótta
lækna og yfirvofandi hættuástand
auk rifrildis fagstétta um það
hverjum beri að skrifa út pilluna
eða ekki er það sem birtist okkur
í fjölmiðlum.
Hvar eru forvígismenn heilsu-
gæslunnar, hvar er stolta fag fólkið
sem bendir á jákvæðar hliðar
heilsugæslunnar? Hvers vegna hef
ég á tilfinningunni að það sé bara
á Landspítalanum sem stjórnenda-
teymi bregðast við fréttum opin-
berlega og reyna að leiðrétta eða
útskýra eftir því sem við á hverju
sinni? Það hefur til dæmis verið á
allra vitorði að þrátt fyrir ein erf-
iðustu ár í manna minnum í fjár-
hagslegu tilliti, hafi Landspítalinn
verið rekinn innan fjárheimilda.
Þetta er ein af ástæðunum fyrir
því að halda átti Birni Zoëga sem
forstjóra. Veit einhver að það hefur
líka verið svo í Heilsugæslu höfuð-
borgarsvæðisins síðastliðin tvö ár
og lítur vel út fyrir árið 2012? Ætli
Svanhvít hafi fengið launahækkun,
eða að Guðbjartur hafi boðið henni
á einkafund um helgi? Sennilega
á hún ekki séns á vinnu í Svíþjóð
og svo þekkir hana heldur enginn
opinberlega svo það er ekkert mál
að sópa því undir teppið, eða bara
sleppa því að pæla í því að umbuna
henni fyrir vel unnin störf?! Hvað
þá að umbuna fólkinu á gólfinu
sem stendur sig eins og hetjur og
lætur þetta allt ganga upp!
Þegar kemur að umræðu um
staðsetningu Landspítalans og
rökum með og á móti bregst
stjórnendateymið fljótt og örugg-
lega við í fjölmiðlum. Ekki skal
tekin afstaða til byggingarinnar
af minni hálfu en að minnsta kosti
er ljóst að þeir sem fara fyrir spít-
alanum verja með kjafti og klóm
að hann skuli rísa. Það er eigin-
lega fyndið að skoða fréttaflutn-
ing í fjölmiðlum um þessa tvo risa
í íslenskri heilbrigðisþjónustu, því
hann er svo gjörólíkur. Ég gat ekki
fundið margar jákvæðar fréttir,
en ein á RÚV frá 23.12.2011 þótti
mér ágæt en þar kom fram að vel-
ferðarráðuneytið hefði ákveðið að
verja 60 milljónum til tækjakaupa
fyrir Heilsugæslu höfuðborgar-
svæðisins, en Landspítalinn fékk
í sömu andrá 50 milljónir!
Þegar starfssemi Heilsugæslu
höfuðborgarsvæðisins er skoðuð
verður ljóst eins og víðar að ýmis-
legt má betur fara, en fyrir alla
muni reynið að hampa því sem
gott er, það er svo miklu uppbyggi-
legra! Ég ætla að ríða á vaðið og
telja upp nokkra hluti sem ég sé
sem utanaðkomandi og vonandi
fylgja starfsmenn sem og stjórn-
endur í kjölfarið með þau atriði
sem ég gleymi. Ný heimasíða er
einkar vel heppnuð og veitir gott
aðgengi að upplýsingum, raf-
rænar tímabókanir hjá lækni eru
loksins komnar á skrið sem og raf-
ræn samskipti milli lækna og við
Sjúkratryggingar Íslands.
Heilsuvernd skólabarna er
til fyrirmyndar og sóttvarnir
markvissar, bæði hvað snertir
börn og þá sem sækjast eftir
dvalar leyfi hérlendis. Mæðra-
vernd og ungbarnavernd á fastan
sess í daglegri þjónustu stöðv-
anna í teymis vinnu fagstétta.
Þá er öflug læknamóttaka mið-
punktur þjónustunnar á dag-
vinnutíma sem og á síðdegisvakt
sem miðar að því að sinna þörfum
langveikra og þeirra sem þurfa
minniháttar aðstoð. Þá er verðið
fyrir þjónustuna lágt og ætti að
vera fáum ofviða. Látið ekki aðra
þurfa að segja ykkur að þið séuð
frábær þrátt fyrir að á móti blási,
vinnið uppbyggilega og jákvætt
að því að styrkja eigin ímynd og
flaggið því sem vel er gert. Still-
ið fólkinu ykkar í framvarða-
sveit og komið þeim skilaboðum
á framfæri sem þið viljið að séu
til umræðu.
Heilsugæsla höfuðborgarsvæðisins
Heilbrigðismál
Teitur
Guðmundsson
læknir
Íslandsbanki
illa flæktur
í hugmyndastuld?
Birna Einarsdóttir, banka-stjóri Íslandsbanka, hefur
á bankaþingum lofað markaðs-
herferð Ergo í bak og fyrir.
Verst er að hún skuli ekki á
sama tíma halda þeirri skoðun
á lofti að markaðsherferðin
eigi rætur sínar að rekja til
stolinnar hugmyndavinnu.
Nefnilega hugmyndavinnu sem
undirritaður lagði bankanum
til fyrir nokkrum árum – hug-
myndavinnu sem Birna rann-
sakaði ofan í kjölinn ásamt
sínu nánasta samstarfsfólki.
Staðreyndin er sú að þegar
Birna Einarsdóttir gegndi
stöðu markaðsstjóra boðaði
hún mig á fund til að kynna
fyrir sér og markaðsdeild
Íslandsbanka hugmynda-
vinnu er nýst gæti til markaðs-
sóknar. Á þeim fundi lagði ég
fram kynningarbæk linginn
„Reiknaðu með okkur“ er gerði
ítarlega grein fyrir markaðs-
herferð undir því slagorði.
Hugmyndavinna mín snerist
um slagorðið og gríðarleg
áhersla var lögð á að ljá því
reikningslega tengingu að
undangenginni auglýsinga-
herferð. Þannig átti að undir-
strika að viðskiptavinir gætu
leitað til bankans og reiknað
dæmin/lánin sín með honum.
Í kynningarbæklingnum var
m.a. lagður grunnur að ýmsum
auglýsingahugmyndum þar
sem slagorðið öðlaðist hinn
reikningslega blæ. Markaðs-
herferð Ergo, sem hófst árið
2011, byggist á sömu nálgun,
nefnilega að viðskiptavinirnir
geta reiknað dæmin sín með
Ergo undir slagorðinu „Reikn-
aðu með okkur“. Auk þess
enda allar auglýsingar Ergo
á umræddu slagorði. Innsta
kjarna minnar hugmyndavinnu
hafði augljóslega verið stolið
að áliti þeirra sem til málsins
þekkja.
Eðlilega hnykkti mér óþægi-
lega við þegar markaðsher-
ferð Ergo var ýtt úr vör. Og
þar sem um fyrirlitlegan hug-
myndastuld var að ræða að
mínu mati sendi ég erindi til
Birnu Einarsdóttur sem og
framkvæmdastjóra Ergo, Jóns
Hannesar Karlssonar, og sagði
mínar farir ekki sléttar. Að
undirlagi Birnu boðaði Jón
Hannes mig á fund sem ég
taldi að ætti að snúast um leið-
réttingu á hlut bankans gagn-
vart mér. En það var öðru
nær, því hann hafði ekki meiri
manndóm í sér en að mæta til
leiks vopnaður lögfræðingi
bankans, sem kom mér algjör-
lega í opna skjöldu. Nánast
frá fyrstu mínútu reyndu þeir
félagarnir að verja hendur
bankans með dæmafáum mála-
tilbúnaði. Vel samstilltir lögðu
þeir áherslu á að hugmynda-
vinna mín hefði orðið djúpi
gleymskunnar að bráð enda
flestir starfsmenn bankans
marghrjáðir af minnisleysi.
Markaðsdeildin hefði aftur á
móti, í samvinnu við auglýs-
ingastofu úti í bæ, orðið fyrir
eins konar vitrun og alveg
óvart og fyrir hreina hend-
ingu „enduruppgötvað“ mína
hugmyndavinnu upp á eigin
spýtur!
Ég skrifaði Birnu Einars-
dóttur harðort bréf og kvart-
aði undan hraklegum málatil-
búnaði Jóns Hannesar enda
óásættanlegt að hugmynda-
vinna mín hefði orðið „endur-
uppgötvun“ Íslandsbanka að
bráð. Birna svaraði erindi
mínu með því að taka það úr
höndum Jóns Hannesar og
vísa því til næsta undirmanns,
nefnilega Hólmfríðar Einars-
dóttur eins af eftirmönnum
sínum í starfi markaðsstjóra.
Hún þræddi sömu villigötu og
Jón Hannes en viðurkenndi þó
aðkomu markaðsdeildarinnar
að markaðsherferðinni. Skárra
væri það nú! En allir höfðu víst
sett upp helgisvip þegar hug-
myndavinna mín var nefnd á
nafn. Athyglisvert var að hún
lagði ríka áherslu á að hvítþvo
Birnu Einarsdóttur af mark-
aðsherferð Ergo.
Viðbrögð Birnu Einars dóttur
við erindi mínu hefðu átt að
vera svo auðgefin að venju-
lega menn setur hljóða þegar
þeir frétta hvernig hún brást
við. Stöðugt vísaði hún erindi
mínu til undirmanna sinna sem
áttu að sjá um að þvo hendur
hennar af öllum ósómanum.
En samt er engum öðrum
starfsmanni bankans málið
skyldara enda hafði hún verið
vel fóðruð á umræddri hug-
myndavinnu bæði skriflega
og munnlega. Og hún grand-
skoðaði mínar hugmyndir í
meira en fjórar vikur. Í stað
þess að leysa málið með sam-
komulagi bauð hún upp á mál-
flutning sem ekki stendur til
boða í samfélögum sem kenna
sig við góða siði. Hún stýrði
vörn bankans og lét aðstoðar-
menn sína skjóta þeim skildi
fyrir sig að bankinn hefði fyrir
hreina tilviljun „endurupp-
götvað“ mína hugmyndavinnu.
Og það væri í góðu lagi meðan
uppgötvunin væri klædd dular-
gervi gleymskunnar! Er hægt
að komast á lægra plan sið-
gæðis?
Að lokum: Eftir tiltölulega
stutta fundarsetu með Jóni
Hannesi, framkvæmdastjóra
Ergo, sleit ég fundinum enda
ljóst orðið hver ásetningur
hans var. Auk þess var ég ekk-
ert sérstaklega vel upplagður
til að kynna mér þá yfirnátt-
úrulegu hæfileika sem mark-
aðsbændur bankans búa yfir.
Sem felast helst í því að þeir
eru gæddir þeirri náðargáfu að
„enduruppgötva“ hugmynda-
vinnu annarra, sér í lagi ef
þeir hafa verið fóðraðir á henni
áður. Legg ég til að bankinn
taki upp slagorðið „Endur-
uppgötvaðu með okkur“ sem
væri lýsandi táknmynd fyrir
framúrskarandi færleika bank-
ans á sviði enduruppgötvana.
Þessi ráðlegging er algjörlega
ókeypis af minni hálfu.
Markaðsmál
Jón
Þorvarðarson
stærðfræðingur og
rithöfundur
Hvað þá að
umbuna fólkinu
á gólfinu sem stendur sig
eins og hetjur og lætur
þetta allt ganga upp!
En það var öðru nær, því hann hafði
ekki meiri manndóm í sér en að mæta
til leiks vopnaður lögfræðingi bankans,
sem kom mér algjörlega í opna skjöldu. Nánast
frá fyrstu mínútu reyndu þeir félagarnir að verja
hendur bankans með dæmafáum málatilbúnaði.
iPhone 5
Þynnri, léttari og öflugri
Smáralind
Opnunartímar
Virka daga 11-19 | Fimmtudaga 11 - 21
Laugardaga 11 - 18 | Sunnudaga 13 - 18
Laugavegi 182
Opnunartímar
Virka daga 10-18 | Laugardaga 11 - 16
Sími 512 1300
Apple EarPods
Ný og mögnuð heyrnatól
Sitja vel í eyrum
Dýpri bassi
Þola betur svita og raka
Fjarstýring og hljóðnemi
Verð frá: 179.990.-