Fréttablaðið - 28.09.2012, Blaðsíða 20

20 28. september 2012 FÖSTUDAGUR
Ég las grein þína sem birtist í dagblaði eiginkonu þinnar
þann 1. september sl. Þar segir
þú að Arion banki hafi sett
saman „aftökulista“ og af ein-
hverjum ástæðum ákveðið að
„taka af þér“ og fjölskyldu þinni
Haga-verslunar veldið.
Til að almenningur geti skilið
þetta mál, sendi ég þér nokkrar
spurningar sem gott væri að fá
svör við enda óþolandi þegar
menn eru beittir svona miklum
órétti.
1. Er það rétt að þú og fjöl-
skylda þín hafi í maí 2008 stofnað
félagið 1998 ehf. og fengið 30 þús-
und milljónir króna að láni til að
kaupa Haga-verslunarveldið út
úr Baugi – burt frá kröfuhöfum
Baugs og undir ykkar stjórn? Í
Rannsóknarskýrslu Alþingis segir
svo um þennan gerning ykkar:
„Rannsóknarnefnd Alþingis
vekur athygli á því að Baugur
Group notaði hluta af sölutekjum
sínum af því að selja Haga til
1998 ehf. til að kaupa eigin hluta-
bréf af stærstu eigendum sínum.
Í þessu tilviki var um að ræða 15
milljarða króna virði hlutafjár, að
því gefnu að hlutirnir hafi verið
rétt verðlagðir, og ekki verður séð
að félagið hafi selt öðrum þetta
hlutafé síðar. Raunin var því sú að
eigendur Baugs voru með þessu
að taka til sín hluta af fjármunum
félagsins, án þess að nokkuð lægi
fyrir um hvort hagnaður yrði af
rekstri félagsins árið 2008.
Í eðli sínu jafngildir þetta arð-
greiðslu, en með útgreiðslu á
þessu formi var komist hjá því
að uppfylla þyrfti skilyrði sem
lög setja fyrir arðgreiðslum úr
félögum.
[…] Nefndin telur ljóst af þeim
gögnum sem hún hefur kynnt
sér að sú aðferð sem þarna var
viðhöfð við kaup Baugs á eigin
hlutabréfum hafi verið til þess
fallin að rýra hagsmuni og stöðu
þeirra fjármálafyrirtækja sem
áttu kröfur á Baug og rannsókn
nefndarinnar tekur til.“
Nánar tiltekið: Er það virki-
lega rétt að þið fenguð Haga-
verslunarveldið aftur í ykkar
eigu, ásamt því að fá 15 þúsund
milljónir króna til persónu-
legra eignarhaldsfélaga ykkar,
fyrir hlutabréf ykkar í ógjald-
færu félaginu Baugi, um það bil
þremur mánuðum fyrir hrunið
2008?
Stuttu seinna fór Baugur í
gjaldþrot og heildarskuldir
félagsins nema um 320 þúsund
milljónum króna (þ.e. um einni
milljón fyrir hvern Íslending).
Gjaldþrot dótturfélags Baugs,
BG Holding, sem hélt utan um
erlendar eignir Baugs, nemur
svo um 150 þúsund milljónum
til viðbótar, skv. fréttum ný-
lega. Samtals hljóðar gjaldþrot
Baugs því upp á a.m.k. 470 þús-
und milljónir króna, en þá er
eftir að telja upp öll hin dóttur-
félög Baugs sem skulda vel yfir
hundrað þúsund milljónir króna
til viðbótar (og einnig eftir að
telja upp Landic Property, FL
Group, Teymi, 365, Dagsbrún og
fleiri félög).
2. Hversu mikils virði telur þú
að hlutabréfin í Baugi hafi verið
á þessum tíma sé haft í huga að
Baugur var orðinn ógjaldfær á
þessum tíma? Hvaða aðilar sáu
um að meta verðlagninguna á
bréfum ykkar í Baugi?
3. Er það rétt að einkahluta-
félag þitt, Gaumur ehf., hafi
fengið um 2.800 milljónir króna
til viðbótar að láni frá íslensku
bönkunum til að kaupa enn
meira af hlutabréfum í Baugi
sem voru í eigu eiginkonu
þinnar, Ingibjargar Pálmadóttur,
sumarið 2008?
4. Er það rétt að skuldir 1998
ehf., sem þið notuðuð til að kaupa
Haga út úr Baugi, hafi verið
komnar í u.þ.b. 40–50 þúsund
milljónir króna við hrunið og þar
sem verðmæti Haga var nokkrum
tugum milljörðum lægra, þá
var það algerlega útilokað fyrir
ykkur að borga fyrir Haga?
Er hugsanlegt að Arion banki
hafi eingöngu verið að gera það
sem eðlilegir bankar gera, þ.e.
ganga að veðum þegar skuldari
getur ekki greitt tugmilljarða
skuld og tryggja hagsmuni
bankans?
5. Er það rétt að þrátt fyrir að
búið sé að taka Haga af ykkur
til greiðslu upp í skuldina hafi
Arion banki þurft að afskrifa
um tugi þúsunda milljóna króna
vegna 1998 ehf.?
Jón Ásgeir, það hefur verið
skelfilegt að lesa um þær
grimmi legu ofsóknir sem þú og
fjölskylda þín hafið mátt þola frá
Ríkislögreglustjóra, saksókn-
urum, skattrannsóknarstjóra,
skiptastjórum, skilanefndum og
fleirum í gegnum árin. „Aftöku-
listi“ Arion banka er svo kornið
sem fyllir mælinn! Ætlar Davíð
Oddson og „bláa höndin“ aldrei
að láta ykkur í friði? Þið hefðuð
örugglega náð að borga þetta
allt saman 100% ef Arion banki
hefði bara gert það sama og
Lárus Welding, sérstakur banka-
stjóri þinn í Glitni, hafði gert
– lesið fyrirskipanir þínar í
tölvupóstum og lánað þér tugi
þúsunda milljóna til viðbótar.
Það fer nú að verða tímabært
að senda inn formlega kæru til
Mannréttindadómstóls Evrópu –
miðað við lýsingar þínar, það er
ekki nokkur vafi að þú færð gjaf-
sókn og flýtimeðferð þar á bæ.
Nú bíðum við spennt eftir að
lesa svör þín við þessum spurn-
ingum svo að ég og íslenska
þjóðin skiljum þetta til fulls.
Virðingarfyllst,
Jón Gerald Sullenberger
PS: Var að lesa forsíðu DV frá 12.
september sl. sem segir frá því að
eiginkona þín, Ingibjörg Pálma-
dóttir, hafi fengið 20 þúsund millj-
ónir króna afskrifaðar í gegn-
um félag sitt, 101 Capital ehf. Til
hamingju með það, en betur má
ef duga skal – bankarnir verða að
gera mun betur fyrir ykkur, sann-
gjarnt skal það vera!
Lengri útgáfu greinarinnar má
lesa á www.visir.is.
Opið bréf til Jóns Ásgeirs Jóhannessonar
Fjármál
Jon Gerald
Sullenberger
kaupmaður
Sæll, Jón Ásgeir!
ISIO 4
með D-vítamíni
góð fyrir æðakerfið
ISIO4 er heilsusamleg blanda af olíum — auðug af
náttúrulegu E-vítamíni og viðbættu D-vítamíni.
Olíurnar fjórar sem sameinast í ISIO4, repju-, oléisol-,
sólblóma- og vínberjaolía, eru ríkar af E-vítamíni,
andoxunarefni sem verndar frumur l íkamans.
Auk þess inniheldur ISIO4 núna meira af D-vítamíni
sem hjálpar þér að styrkja ónæmiskerfið.
Hugsaðu um heilsuna og veldu ISIO4
með lífsnauðsynlegum Omega-3 fyrir h jarta og æ ðakerfi
og Omega-6 til að halda kólesteróli í skefjum.
Olían er bragðgóð og hentar vel í alla matargerð,
heita rétti sem kalda.
ÍS
LE
N
SK
A
S
IA
.IS
N
AT
5
80
50
0
3/
12
A